Morgunblaðið - 04.06.1999, Blaðsíða 10
10 FÖSTUDAGUR 4. JÚNÍ 1999
MORGU NBLAÐIÐ
FRÉTTIR
Hæsta aðaleinkunn sem gefín hefur verið í 153 ára sögu Menntaskólans í Reykjavík
„Ósköp venju-
legur strákur“
JÓEL Karl Friðriksson náði þeim
einstæða árangri á stúdentsprófi
frá Menntaskólanum í Reykjavík
að hljóta 9,88 í meðaleinkunn.
Þannig bætti Jóel árangur Gylfa
Zoega, sem náði einkunninni 9,68
árið_1983, um 0,2.
„Ég var lægstur í leikfimi og ís-
lenskum stíl, fékk 9,5 í prófs- og
kennaraeinkunn í þeim fögum“
sagði Jóel í samtali við Morgun-
blaðið. Hami segist hafa stefnt að
því að gera sitt besta í prófunum
en árangurinn hafi vissulega farið
fram úr björtustu vonum. Einkunn-
ir Jóels hafa farið stighækkandi
frá því hann hóf nám í Memitaskól-
anum, hann hefur þó hlotið hæstu
einkunn skóians öll árin.
Góðir kennarar
mikilvægir
„Ég hef alltaf reynt að vinna vel
og samviskusamlega og þegar
grunnurinn er góður er auðvelt
að byggja ofan á hann,“ sagði
Jóel. Hann leggur ríka áherslu á
að hann hafi verið heppinn með
kennara frá fyrstu tíð og það
eigi stóran þátt í árangrinum.
Jóel tiltekur sérstaklega Sól-
veigu Karvelsdóttir, kennara í
ísaksskóla, og Gylfa Guðnason,
sem kenndi honum stærðfræði
siðustu árin í MR, „góðir kennar-
ar kenna manni margt og
kveikja áhuga á náminu“. Jóel
segpr Menntaskólann í Reykjavík
hafa á að skipa einstöku kenn-
araliði.
Eins og gefur að skilja er Jóel
jafnvxgur á flestar greinar, hann
hefur þó mestan áhuga á raun-
greinum og hyggst hefja nám í
eðlisfræði í haust og sjá hvemig
sér líkar. Hann hefur þó ekki
alltaf stefnt á raungreinanám, á
tímabili velti hann því jafnvel fyr-
ir sér að leggja stund á dönsku í
Háskólanum.
Jóel mun veija dxjúgum tíma
sumars í iðkun raungreina, því
hann heldur í lok júlí á Ólympíu-
leikana í eðlisfræði. I ágúst vinn-
ur hann svo fyrir Háskólann og
heldur í september til Grikklands
ásamt félögum sfnum úr MR til að
taka þátt í úrslitum hugvísinda-
keppni á vegum ESB.
Dúxaímyndin leiðinleg
Jóel segist sinna ýmsu öðm en
náminu þótt það taki vissulega
mikinn tfma. Honum finnst til að
mynda gaman að fara í bíó og
gott að lesa góðar bækur. Honum
leiðist sú ímynd sem dúxar virðast
hafa, hann telur að hún eigi í það
minnsta ekki við um sig, „ég er
ósköp venjulegur strákur". Jóel
stundaði nám við eðlisfræðideild I
í MR og hrósar henni mjög.
„Námið í MR á eftir að gagnast
mér frábærlega vel, bæði í
frekara námi og lffinu sjálfu,"
sagði Jóel að lokum.
Morgunblaðið/Golli
Jöel Karl Friöriksson
Semidúx þrátt fyrir baráttu við krabbamein
Morgunblaðið/Kristinn Ingvarsson
Rúnar Örn Hafsteinsson
Morgunblaðið/Jim
Guörún Erla Jónsdöttir
Dúx Kvennaskólans
Mikilvægt að
sinna fleiru
en náminu
GUÐRÚN Erla Jónsdóttir, sem
náði hæstu einkunn á stúdentsprófi
frá Kvennaskólanum nú í vor, var
að vonum ánægð með árangurinn
þegar Morgunblaðið hafði samband
við hana. Hún telur vænlegast til
árangurs í námi að vinna jafnt og
þétt en gefa sér jafnframt tíma til
að sinna öðru. Guðrún hefur til að
mynda unnið í Body Shop með
námi sínu við Kvennaskólann.
Tungumálakunnáttan
nýtist í viðskiptum
Guðrún Erla útskrifaðist af
málabraut og fékk fjölda verðlauna
íyrir frammistöðu í tungumálum,
enda segist hún mikil málakona.
Hún stefnir þó á nám í viðskipta-
fræði í haust og langar að leggja
áherslu á sölu- og markaðsmál. Að-
spurð um ástæðuna fyrir því sagði
hún reynslu sína af verslunarstörf-
um eiga þátt í ákvörðuninni og
miklu skipti að hún getur nýtt
• tungumálakunnáttuna í viðskiptum.
„Ef ég ætla
mér eitthvað
framkvæmi
ég það“
RÚNAR Öm Hafsteinsson náði
einstæðum árangri á stúdents-
prófi frá Verslunarskólanum í
vor, hann var í erfiðri lyfjameð-
ferð vegna krabbameins meðan
á prófum stóð en hlaut engu að
síður næsthæstu einkunn nem-
enda.
Rúnar greindist með krabba-
mein þegar hann var á öðm ári
í Verslunarskólanum, þá var
tekinn úr honum hnjáliður og
títan sett í staðinn. Veikindin
urðu til þess að Rúnar missti ár
úr námi.
Læknar töldu sig hafa komist
fyrir krabbameinið og Rúnar
hóf nám að nýju með næsta ár-
gangi. „Fyrir veikindin var ég
bara meðalskussi í námi,“ sagði
Rúnar í samtali við Morgun-
blaðið. Veikindin efldu með
honum áhuga og dugnað í nám-
inu og hann lauk verslunarprófi
með mjög góðum árangri.
Bakslag í vor
í fyrravor, að loknum prófum
í 5. bekk, greindist Rúnar með
hnút í lunga, hnúturinn var
fjarlægður og læknar vom von-
góðir um að krabbameinið
dreifðist ekki víðar. Þeir fylgd-
ust þó náið með heilsu Rúnars í
vetur. „Um mánaðamótin febrú-
ar/mars kom svo í Ijós að eitt-
hvað var í ólagi,“ sagði Rúnar, í
framhaldinu varð Ijóst að
krabbameinið hafði tekið sig
upp aftur.
Beðið var með lyfjameðferð
þar til í páskafrnnu og hlé gert
á henni að því loknu, svo Rúnar
segist litið hafa misst úr skóla.
Hann var hins vegar í meðferð
meðan á prófum stóð og var því
boðið að sleppa þeim. Rúnar
ákvað hins vegar að þreyta próf
í stærðfræði og eðlisfræði og
stóð uppi með verðlaun fyrir
bestan árangur í báðum fögun-
um.
„Svekktur ef ég fæ
ekki það sem ég vil“
Margir voru hissa á Rúnari að
taka prófin. „Ef ég ætla mér
eitthvað þá framkvæmi ég
það,“ sagði Rúnar og hann var
ákveðinn í að Ijúka prófunum,
hann segist verða svekktur ef
hann fær ekki það sem hann
vill. „Ég vissi að mér myndi
dauðleiðast í meðferðinni,"
sagði Rúnar og hann kveðst
hafa viljað undirbúa sig fyrir
háskólanám sem hann hyggst
heija í haust.
Rúnar hafði hugsað sér að
fara í verkfræðinám til Þýska-
lands áður en veikindin tóku sig
upp en stefnir nú ótrauður á
nám við verkfræðideild Háskóla
íslands í haust. Hann segist
bara fara til Þýskalands seinna.
Rúnar ætlar að veija sumrinu
til þess að undirbúa.sig frekar >
fyrir verkfræðina, enda eru lík-
ur á að lyfjameðferðin trufli
nám hans í haust. Hann hélt
hins vegar í fjögurra daga ferð
til New York ásamt kærustunni
í gær til að halda upp á stúd-
entsáfangann.
Skotspónn skólablaðanna
Þótt Rúnar sinni náminu af
krafti gaf hann sér líka tíma til
að reka sjoppuna í Verslunar-
skólanum í vetur og var „Sam-
búðarstjóri“. Rúnar náði að
skila því verki af sér áður en
lyfjameðferðin hófst og kveðst
afar ánægður með það. Góður
hagnaður varð af rekstrinum
og Rúnar virðist hafa rekið
sjoppuna af mikilli ákveðni og
hörku ef marka má viðurnefnin
sem honum voru gefin í skóla-
blöðum í vetur. „Eg var kallað
Litli Hitler, Napóleon og fleira í
þeim dúr,“ sagði Rúnar og
kímdi. „Ætli skólablöðin telji
sig ekki eiga einkarétt á um-
fjöllun um mig,“ sagði Rúnar að
lokum í samtali við blaðamann
Morgunblaðsins.
Morgunblaðið/Kristínn Ingvarsson
ÞORVALDUR Skúli Pálsson var
ánægður að lokinni út skrift.
Dúx Menntaskólans
að Laugarvatni
Hyggur
á hnykk-
lækningar
ÞORVALDUR Skúli Pálsson vakti
athygli fyrir frammistöðu sína við
útskrift Menntaskólans á Laugar-
vatni nú í vor. Þorvaldur var dúx
skólans, jafnframt því sem hann
gegndi embætti stallara, yfirmanns
félagsstarfs nemenda.
„Eg þekki enga töfraformúlu,“
sagði Þorvaldur aðspurður um leiðir
til að ná afburðaárangri í námi.
„Mér hefur þó gagnast best að
fylgjast með í tímum, læra jafnt og
þétt og gæta þess að lenda ekki upp
á kant við kennarana."
Lengi langað að
verða læknir
Næsta vetri ætlar Þorvaldur að
verja við nám á nuddbraut Fjöl-
brautaskólans við Armúla. Hann
langar að læra hnykklækningar og
telm- að nuddið muni reynast sér
ágætur undirbúningur. Þorvaldur
glímdi við hvítblæði upp úr fimm
ára aldri og þekkir því vel starf
lækna frá sjónarhóli sjúklings.
Áhugi kviknaði fljótt hjá honum á
að læra læknisfræði en honum
finnst nám við læknadeildina hér
ekki bjóða upp á spennandi líf.
„Hnykklækningar eru ný og
áhugaverð leið, sem opnar
skemmtilega möguleika að sam-
bærilegu starfi," sagði Þorvaldur.
Hann telur að menntaskólanámið
geti nýst sér vel í komandi námi og
starfi en félagsstörfin komi jafnvel
að meira gagni, enda hafi þau kennt
honum margt í umgengni við fólk.
Morgunblaðið/Jón Svavarsson
KAREN Áslaug Vignisdóttir
tylltistúdentshúfunni á kollinn
fyrir myndatöku.
Dúx Verzlunarskóla
*
Islands
Skemmti sér
og skipulagði
tímann vel
KAREN Áslaug Vignisdóttir náði
hæstu einkunn á stúdentsprófi frá
Verzlunarskólanum í ár. Foreldrar
Karenar eru Kolbrún Baldursdóttir
og Vignir Jónsson, Clarence E.
Glad er stjúpfaðir hennar.
Karen segist hafa verið dugleg í
vetur, hafa unnið vel og samvisku-
samlega í skólanum en. fyrst og
£