Morgunblaðið - 25.08.2005, Blaðsíða 2
2 FIMMTUDAGUR 25. ÁGÚST 2005 MORGUNBLAÐIÐ
FRÉTTIR
BÆJARLIND 14 -16 | 201 Kópavogi | Sími 564 4400 | Fax 564 4435 | tekk@tekk.is
OPI‹ LAUGARDAG 10 -18 OG SUNNUDAG 13 -18
ÚTSALA-ÚTSALA-ÚTSALA!
ENN MEIRI AFSLÁTTUR!
TOSCA-BORÐ OG
6 PORTOBELLO-LEÐURSTÓLAR
69.900 KR. Á‹UR 139.800 KR.
BORÐSTOFUSETT
F
A
B
R
I
K
A
N
DANSSKÓLI LAGÐUR AF
Listdansskóli Íslands verður lagð-
ur niður í núverandi mynd að loknu
þessu starfsári og starfsemin m.a.
færð inn í framhaldsskólana. Skólinn
var að hefja sitt 53. starfsár nú í vik-
unni en væntanlega sitt síðasta.
Skráðir eru 208 nemendur til leiks,
þar af 58 í framhaldsnámi. Mennta-
málaráðherra segir að hér sé verið
að fylgja þeirri stefnu að ríkið sé
ekki að reka skóla í listnámi.
Hjúkrunarfólk skortir víða
Stöðva hefur þurft nýjar innlagnir
á hjúkrunarheimilum á höfuðborg-
arsvæðinu vegna manneklu. Ástand-
ið á sumum heimilum er mjög slæmt
og tala sumir stjórnendur þeirra um
að liggi við að neyðarástand sé að
skapast fáist ekki fleira fólk til
starfa fljótlega.
Játning liggur fyrir
Karlmaður sem sætir gæslu-
varðhaldi vegna láts Braga Hall-
dórssonar sem stunginn var til bana
á Hverfisgötu á laugardagsmorgun,
hefur játað á sig verknaðinn við yf-
irheyrslur hjá lögreglu samkvæmt
heimildum Morgunblaðsins. Rann-
sókn á málinu hefur staðið yfir frá
handtöku hins grunaða, en hann
heitir Sigurður Freyr Kristmunds-
son og er 23 ára gamall.
Breska stjórnin gagnrýnd
Breska ríkisstjórnin gerði í gær
grein fyrir nýjum reglum sem unnið
verður eftir þegar leggja skal mat á
hvort vísa eigi útlendingi búsettum í
Bretlandi úr landi eða meina fólki
aðgang að landinu. Hreyfingar
múslíma og mannréttindasamtök
gagnrýndu reglurnar, sögðu þær
óljósar og „alvarlega árás á mann-
réttindi“.
Y f i r l i t
Í dag
Fréttaskýring 8 Forystugrein 26
Úr verinu 11 Viðhorf 28
Erlent 14/15 Minningar 28/37
Minn staður 16 Myndasögur 40
Akureyri 17 Dagbók 40/43
Höfuðborgin 18 Víkverji 40
Suðurnes 18 Velvakandi 41
Austurland 19 Staður og stund 42
Daglegt líf 20/21 Bíó 46/49
Neytendur 22/23 Ljósvakamiðlar 50
Menning 24, 44/49 Veður 51
Umræðan 25 Staksteinar 51
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
!
"
#
$
%
&
'() *
+,,,
ÁRNI M. Mathiesen sjávarútvegs-
ráðherra gagnrýnir aðferðir við að
drepa þúsundir villtra kameldýra í
Ástralíu í bréfi sem hann hefur ritað
Ian Campell, umhverfisráðherra
Ástrala. Fjöldi villtra kameldýra er í
Ástralíu en þau eru talin ganga of
mikið á drykkjarvatn nautgripa og
geita í norðvesturhluta landsins. Að
því er fram kemur í bréfi Árna hefur
verið brugðið á það ráð að skjóta þús-
undir kameldýra úr þyrlu í þeim til-
gangi að fækka þeim.
Bréf Árna til Campell er svar við
bréfi sem Campell sendi í júlí þar sem
hann gagnrýndi harðlega hvalveiðar
Íslendinga og þær aðferðir sem not-
aðar eru til að aflífa hrefnurnar. Í
bréfi sínu bendir Árni á að hvalveiðar
Íslendinga í vísindalegum tilgangi séu
ekki ólöglegar og að rannsóknir á
hvölum séu mjög mikilvægar fyrir Ís-
lendinga. Hvalir hafi áhrif á vistkerfi
hafsins og séu þeir undanskildir í
sjávarrannsóknum geti það leitt til
rangra ályktana. Án hvalarannsókna
sé ekki hægt að svara þeim spurn-
ingum sem þarf til að stuðla að sjálf-
bærum fiskveiðum og sjálfbærri nýt-
ingu sjávarauðlinda.
80% drepast strax
Árni bendir einnig á að aðferðirnar
sem er beitt við hvalveiðar séu þær
bestu út frá mannúðarsjónarmiðum.
Norskir vísindamenn hafi sýnt fram á
að 80% hvalanna drepist um leið og
þau eru skotin en hin 20% verði strax
meðvitundarlaus og deyi innan nokk-
urra mínútna.
Árni segir að lokum að samkvæmt
ályktun um aðferðir við hvalveiðar
séu stjórnvöld ekki eingöngu hvött til
að leggja fram upplýsingar um hval-
veiðar, heldur einnig sambærilegar
upplýsingar um veiðar á öðrum
stórum spendýrum. Í því sambandi sé
áhugavert að skoða veiðar á þúsund-
um villtra úlfalda í Ástralíu, en dýrin
eru skotin úr þyrlu. Auk þess séu
milljónir kengúra veiddar árlega í
landinu. Árni segir að í ljósi þess
hversu mikinn áhuga ráðherrann hafi
á aðferðum Íslendinga við hvalveiðar
geri hann ráð fyrir því að Ástralar
muni leggja fram gögn um veiðar sín-
ar á úlföldum og kengúrum.
Árni M. Mathiesen ritar umhverfisráðherra Ástralíu bréf
Þúsundir kameldýra
skotnar úr þyrlum
Eftir Höllu Gunnarsdóttur
halla@mbl.is
UNDIRBÚNINGSVINNA vegna
nýs tónlistarhúss í Reykjavík er nú á
lokastigi en unnið er að því að fara
yfir tvö tilboð sem hafa verið gerð í
verkið. Framkvæmdaraðilinn mun
byggja tónlistarhús og ráðstefnu-
miðstöð og sjá bæði um fjármögnun
og rekstur. Ríki og borg greiða hins
vegar ákveðna fjárhæð út samnings-
tímann, eða í 35 ár.
Ólafur B. Thors, stjórnarformaður
Austurhafnar-TR ehf. sem vinnur að
undirbúningnum, segir að upphaf-
lega hafi verið gerð þrjú tilboð í
verkið. Einn hópur datt út í fyrstu
umferð en í gær og í fyrradag
kynntu hinir tveir ítarlegri tillögur.
Vinna við að meta tillögurnar hefst í
dag en Ólafur segist ekki viss hversu
langan tíma það komi til með að taka.
„Við viljum gera þetta eins fljótt og
hægt er en tökum okkur samt þann
tíma sem þarf,“ segir Ólafur og bæt-
ir við að hann hafi sjálfur talað um
sex vikur í þessu sambandi.
Ólafur segir tillögurnar báðar
mjög áhugaverðar en auk byggingu
tónlistarhúss og ráðstefnumiðstöðv-
ar gera báðir aðilar ráð fyrir að reisa
hótel. „Bjóðendur þurfa að sjá til
þess að þetta beri sig og skili
tekjum,“ bendir Ólafur á. „Ég er
bjartsýnn á að við fáum mannvirki
sem verður Reykjavík til sóma og
mikil lyftistöng fyrir alla þá mið-
borgarstarfsemi sem er þar fyrir.“
Undirbúningur
tónlistarhúss á
lokastigi
GRJÓTHRUN varð í Óshlíð, milli Bolungarvíkur og
Ísafjarðar, um tvöleytið í gær. Að sögn lögreglunnar í
Bolungarvík féllu tveir stórir grjóthnullungar á veginn
þannig að það stórsá á honum á tveimur stöðum. Eng-
inn var á ferð um hlíðina þegar grjótið féll. Einn hnull-
ungur braut svo staur sem heldur neti sem hefur verið
strengt til þess að verja veginn. Hvorki urðu slys á fólki
né skemmdir á bílum.
Þurrt hefur verið í veðri að undanförnu og er því
ekki hægt að kenna rigningu um hrunið að sögn lög-
reglunnar. „Þessi hlíð er öll á hreyfingu,“ sagði lög-
reglumaður á vakt í gær.
Skemmdir eftir hrun í Óshlíð
Morgunblaðið/Halldór Sveinbjörnsson
ÖKUMAÐUR fólksbíls var stöðvaður
í Borgarnesi í gær eftir glæfraakstur
um Norðurárdal með barn í bílnum
hjá sér. Lögreglumaður á Hólmavík
varð fyrst var við manninn og mældi
hann á 146 km hraða. Hann hlýddi þó
ekki stöðvunarmerkjum og ók áfram
suður. Með lögreglubíl með blikkandi
ljós á eftir sér ók hann 40 km og hvarf
lögreglumanninum stundum sjónum
því heldur dró í sundur með þeim en
hitt, samkvæmt lögreglunni á Hólma-
vík.
Á leiðinni ók hann framhjá Háskól-
anum á Bifröst þar sem er 50 km há-
markshraði og framhjá vegafram-
kvæmdum þar með sömu hraða-
takmörkunum. Loks hlýddi hann
lögreglunni í Borgarnesi sem fengin
var til aðstoðar við að stöðva för
mannsins. Hann var allsgáður og gaf
engar skýringar á háttalagi sínu. Það
sem telst ekki síst alvarlegast er að í
bílnum var barn.
Lögreglan á Hólmavík telur hátt-
semina geta jafnvel varðað við al-
menn hegningarlög auk umferðar-
laga. Ekki sé óhugsandi að ljúka verði
málinu með því að ákæra manninn.
Reyndi að
stinga af á 146
km hraða
SEXTÁN ára stúlka hefur kært til
lögreglu kynferðisárás sem hún varð
fyrir á kvennasalerni á unglinga-
dansleik í veitingahúsinu Víkurbæ í
Bolungarvík aðfaranótt laugardags-
ins 13. ágúst. Að sögn lögreglu í Bol-
ungarvík var farið með kæranda á
sjúkrahúsið á Ísafirði til rannsóknar
og aðhlynningar.
Lögreglumenn í Bolungarvík og á
Ísafirði hafa unnið að rannsókn
málsins og notið aðstoðar tækni-
deildar lögreglunnar í Reykjavík.
Kærandi gaf skýrslu fyrir dómi fljót-
lega eftir að rannsókn hófst og lög-
reglan hefur tekið skýrslur af öllum
sem náðst hefur til og kunnugt er að
hafi verið á umræddum dansleik,
jafnt gestum sem og þeim sem þar
voru að störfum, alls um 90 manns.
Málið er enn í rannsókn.
Lögreglan biður alla þá sem
kunna að hafa verið á umræddum
dansleik eða kunna að búa yfir upp-
lýsingum um málið, og ekki hefur
verið haft samband við, að snúa sér
til lögreglunnar í Bolungarvík.
Ung stúlka
kærir kynferð-
isárás í Bol-
ungarvík
♦♦♦