Morgunblaðið - 25.08.2005, Blaðsíða 4
4 FIMMTUDAGUR 25. ÁGÚST 2005 MORGUNBLAÐIÐ
FRÉTTIR
Heimsóttur verður þjóðgarðurinn á Snæfellsnesi. Kristinn Jónasson bæjarstjóri
Snæfellsbæjar mun taka á móti hópnum á Hellnum. Þar verður grillað, farið í
leiki, sungið og margt fleira skemmtilegt gert.
Lagt verður af stað í ferðina frá Valhöll Háaleitisbraut 1, kl. 9.00 og komið til
baka um kvöldmatarleyti.
Miðaverð er kr. 1.500 fyrir fullorðna og kr. 500 fyrir börn yngri en 12 ára.
Innifalið í verði er rútuferðin og grillmatur.
Vinsamlega skráið ykkur í ferðina á skrifstofu Sjálfstæðisflokksins í síma
515 1700 fyrir kl. 16.00 föstudaginn 26. ágúst.
Allir velkomnir!
Stjórnir sjálfstæðisfélaganna í Reykjavík.
Sumarferð sjálfstæðisfélaganna í Reykjavík
verður farin laugardaginn 27. ágúst
Sumarferð
ÉG var sjálf í Listdansskóla
Íslands og hef því sterkar
taugar til skólans. Mér
finnst afar
sorglegt ef
sú verður
raunin að
leggja List-
dansskólann
niður,“ seg-
ir Brynja
Scheving
ballettkenn-
ari um
áform
menntamálaráðuneytisins,
en hún rekur Ballettskóla
Eddu Scheving, einn þeirra
sex einkaskóla á höfuðborg-
arsvæðinu sem bjóða upp á
listdansnám.
Aðrir einkaskólar eru
Ballettskóli Guðbjargar
Björgvins, Ballettskóli Sig-
ríðar Ármann, Klassíski list-
dansskólinn, Dansskóli Guð-
bjargar Arnarsdóttur í
Hafnarfirði og Jazzball-
ettskóli Báru, sem er með
nám í klassískum dansi fyrir
nemendur sína á síðasta ári.
Í hverjum þessara skóla fyr-
ir sig eru frá 150 til 400
nemendur.
Brynja segir að enginn
einkaskóli geti tekið við
nemendum Listdansskólans,
og allra síst þeim sem eru
lengra komnir og stunda
kannski dansnám sitt 4–5
sinnum í viku. Einkaskól-
arnir geti þá ekki gert þetta
nema með því að hækka
skólagjöldin, sem margir
foreldrar myndu ekki hafa
tök á að greiða.
„Ég er hrædd um að við
sem rekum einkaskólana
þyrftum að fara að huga að
nýju og stærra húsnæði. Að
auki er fullsetið í alla tíma
hjá okkur flestum,“ segir
Brynja og telur að ríkið eigi
frekar en sveitarfélög að
standa á bak við einn styrkt-
an skóla. Listdansinn sé
mjög sérhæfður og ekki sé
hægt að líkja honum við tón-
listarnám. Þar séu nemendur
kannski í einum einkatíma
og einum hóptíma í viku,
með tilheyrandi heimanámi,
en ballett sé hvergi hægt að
æfa eða læra nema innan
skólaveggja og undir leið-
sögn kennara. „Listdansskól-
inn á að vera til staðar og
það er hneisa ef þetta verð-
ur niðurstaðan, sem vonandi
verður ekki,“ segir Brynja
Scheving.
LISTDANSSKÓLI Íslands er nú að hefja sitt 53.
starfsár en jafnframt sitt síðasta í núverandi mynd.
Sú ákvörðun hefur verið tekin í menntamálaráðu-
neytinu að færa starfsemi skólans inn í framhalds-
skólana, á svipaðan hátt og gert
hefur verið með annað listnám.
Ákvörðunin var kynnt stjórn-
endum skólans fyrr í sumar og
greint frá henni á fundi með
starfsmönnum í síðustu viku.
Listdansskólinn er eini sér-
skólinn á listasviði sem ríkið
starfrækir í dag. Við skólann
starfa um 20 manns og á haust-
önn innrituðust alls 208 nem-
endur, þar af 58 á framhalds-
skólastigi en hinir eru í
svonefndri grunnskóladeild.
Starfsemin fer fram óhindruð í húsnæðinu við
Engjateig í vetur en í vor má segja að skólinn verði
lagður niður í núverandi mynd.
Ekki dregið úr stuðningi
ríkisins við listdans
Þorgerður Katrín Gunnarsdóttir menntamála-
ráðherra segir við Morgunblaðið að hér sé einfald-
lega verið að fylgja þeirri stefnu, sem mótuð hafi
verið á undanförnum árum, að ríkið sé ekki að reka
skóla í listnámi. Breytingarnar á Listdansskólanum
séu í fullu samræmi við aðrar sambærilegar breyt-
ingar, t.d. varðandi tónlistarnám. Ríkið sé ekki að
draga úr stuðningi við listdans heldur færa fyrir-
komulagið í svipað horf og í öðru listnámi.
Þorgerður segir að ríkið muni sjá til þess að í
gegnum framhaldsskólana standi nemendum til
boða nám í listdansi. Í því skyni hafi verið rætt við
Menntaskólann við Hamrahlíð, sem hefur verið
með listdanskennslu í boði, og möguleiki sé á að fá
fleiri framhaldsskóla til samstarfs.
„Það kemur tvennt til. Framhaldsskólarnir geta
sjálfir séð um kennsluna eða samið við starfandi
einkaskóla um einstaka þætti kennslunnar,“ segir
Þorgerður. Listdansskóli Íslands hefur árlega
fengið tæpar 60 milljónir króna af fjárlögum rík-
isins. Hvort sú upphæð haldist óbreytt í nýju fyr-
irkomulagi segist ráðherra ekki geta fullyrt neitt
um. Ríkið muni aðeins greiða fyrir þær kennsluein-
ingar sem verði þreyttar. Þorgerður bendir á að
Listdansskólinn hafi glímt við fjárhagsvanda, líkt
og margar aðrar ríkisstofnanir, og fari nú um 20
milljónir fram úr fjárlögum. Sú staðreynd hafi þó
ekki haft nein áhrif á ákvörðun ráðuneytisins. Fyrst
og fremst sé um skipulagsatriði að ræða, að sam-
ræma námið við aðrar listgreinar.
Námsskrá búin til
Varðandi listdans á grunnskólastigi segir ráð-
herra að sveitarfélögin komi væntanlega þar til sög-
unnar, líkt og gert hafi verið með tónlistarnám og
aðrar listgreinar. Einnig séu nokkrir einkaskólar
starfandi á höfuðborgarsvæðinu sem hægt verði að
leita til.
Menntamálaráðherra leggur áherslu á að ekki
standi til að draga úr gæðum náms í listdansi. Þar
sem námsskrá í listdansi sé ekki til hafi hún skipað
sérstakan starfshóp til að semja slíka námsskrá og
stefnt sé að því að ljúka þeirri vinnu í desember
næstkomandi. „Um leið og við breytum fyrirkomu-
lagi á kennslunni ætlum við að halda vel utan um
faglega þáttinn í listdansinum og gefum ekkert eftir
hvað kröfur varðar,“ segir Þorgerður Katrín.
Vonandi til góðs
Örn Guðmundsson, skólastjóri Listdansskóla Ís-
lands, segir við Morgunblaðið að í raun sé lítið að
gera við þessari ákvörðun ráðuneytisins, hún sé lið-
ur í breyttri stefnu ríkisins í rekstri sinna sérskóla.
Listdansskólinn sé nú síðasti sérskólinn á vegum
ríkisins.
„Manni bregður alltaf við svona breytingar en
vonandi verða þær til góðs. Eins og með aðrar
stofnanir sem lagðar eru niður þá þarf að segja fólki
upp. Síðan verður það að ráðast hvort nýr rekstr-
araðili ráði fólkið aftur,“ segir Örn en vonar að
breytingin takist jafn vel og þegar Tækniháskóli Ís-
lands rann saman við Háskólann í Reykjavík. Þá
hafi allir starfsmenn Tækniháskólans haldið sinni
vinnu.
Listdansskóli Íslands hóf sitt 53. starfsár í vikunni en líklega sitt síðasta í núverandi mynd
Skólinn lagður niður og ball-
ettnám til framhaldsskólanna
Eftir Björn Jóhann Björnsson
bjb@mbl.is
Þorgerður
Katrín
Gunnarsdóttir
SAGA Listdansskóla Íslands
hefst árið 1952 þegar List-
dansskóli Þjóðleikhússins er
settur á laggirnar.
Skólinn hafði átt sér nokk-
urn aðdraganda því árið 1948
fékk nýstofnað Félag íslenskra
listdansara inngöngu í Banda-
lag íslenskra listamanna.
Stofnendur þess félags voru
Ásta Norðmann, Rigmor Han-
sen, Ellý Þorláksson, Sigríður Ármann og Sif Þórz.
Unnu þær að því hörðum höndum að innan Þjóð-
leikhússins yrði starfræktur listdansskóli.
Fyrsti ballettmeistari skólans var Daninn Erik
Bidsted og starfaði hann ásamt eiginkonu sinni,
Lisu Kæregaard, sem kenndi líka listdans, til árs-
ins 1960. Meðal nemenda á þessum árum voru
Helgi Tómasson, listrænn stjórnandi San Fran-
cisco-ballettsins, Hlíf Svavarsdóttir, dansskáld og
skólastjóri listdansskólans í Arnheim, Ingibjörg
Björnsdóttir, dansskáld og fv. skólastjóri List-
dansskólans og Nanna Ólafsdóttir, dansskáld og
fv. listdansstjóri Íslenska dansflokksins.
Ingibjörg skólastjóri í 20 ár
Eftir stofnun Íslenska dansflokksins árið 1973
tók ballettmeistari Þjóðleikhússins, þá kallaður
listdansstjóri, að auki við stjórn flokksins. Árið
1977 var embætti skólastjóra fyrst stofnað. Ingi-
björg Björnsdóttir var ráðin og gegndi starfinu
næstu 20 árin. Á starfstíma Ingibjargar urðu þau
tímamót árið 1990 að skólinn flutti úr Þjóðleikhús-
inu í núverandi húsnæði, ásamt Íslenska dans-
flokknum. Um leið breyttist nafn skólans í List-
dansskóla Íslands. Skólinn og dansflokkurinn
störfuðu áfram sem ein rekstrareining með að-
skilda fagstjórnun allt til ársins 1996, þegar þeir
voru gerðir að sjálfstæðum stofnunum. Við starfi
Ingibjargar árið 1997 tók Örn Guðmundsson, nú-
verandi skólastjóri.
Heimild: Lesbók Mbl. 17. maí 2003.
Skólinn varð til innan
Þjóðleikhússins árið 1952
Helgi Tómasson
SONY ætlar að
hætta framleiðslu
túbusjónvarpa og
einbeita sér að þró-
un flatra sjónvarpa
með kristalsskjá. Í
fréttatilkynningu
sem SONY í Dan-
mörku sendi frá sér
í gær kemur fram
að kafla í sögu hefð-
bundinna sjónvarpa
sé lokið í Dan-
mörku. Ástæðan
fyrir þessari ákvörðun er sú að
LCD-skjáir eru með hærri upplausn
og umtalsvert meiri myndgæði og
því ætli fyrirtækið að einbeita sér
enn frekar að framleiðslu þeirra.
Að sögn Kristins Thedórssonar,
starfsmanns verslunarinnar Sony
Center í Kringlunni, á sér ekki
lengur stað nein þróun í gerð túbu-
sjónvarpa. Nú verði öll orka sett í
að framleiða LCD-skjái (Liquid
crystal displays) og svokallaða
OLED-skjái (organic light-emitting
diode). Hann á von á því að LCD-
skjáir verði ríkjandi á næstunni en
þeir ásamt plasma-skjám eru í dag
orðnir ódýrari heldur en dýrustu
túbusjónvörpin voru fyrir tveimur
til þremur árum. Algengt verð á
slíkum tækjum er á milli 100 og 200
þúsund kr. en það fer eftir stærð og
hvort um merkjavöru er að ræða.
Getur verðið því farið vel yfir þessa
upphæð. Hann bendir á að Sharp
raftækjaframleiðandinn hafi gefið
út tilkynningu um að þeir væru
hættir að framleiða túbutæki fyrir
um hálfu ári síðan. Því mætti búast
við því að aðrir framleiðendur fylgi
í kjölfarið á næstu mánuðum.
Aðspurður segir hann sölu á
túbutækjum hafa fallið í ár. Ástæð-
una sé m.a. að finna í því að LCD-
skjáir séu nettari heldur en túbu-
sjónvörp og taki þ.a.l. minna pláss á
heimilum fólks.
Á síðasta ári hófst samstarf Sony
og Samsung að framleiða saman
LCD-skjái í stærstu verksmiðju
heims af þessari gerð. Er búist við
að í henni verði hægt að framleiða
um 600.000 32 tommu kristalsskjái í
hverjum mánuði. Verksmiðjur
Sony, þar sem hefðbundin túbu-
sjónvörp eru framleidd í Evrópu,
munu hafa hálft ár til að hætta
framleiðslu sinni.
Tími túbusjónvarpa liðinn?
Reuters
„Afar sorglegt
ef þetta verður
raunin“
Brynja Scheving
Morgunblaðið/Kristinn
Frá nemendasýningu Listdansskóla Íslands, sem nú er að hefja sitt síðasta starfsár í núverandi mynd.
Haustið 2006 mun listdansnám fara til framhaldsskóla og jafnvel grunnskóla og einkaskóla í listdansi.