Morgunblaðið - 25.08.2005, Blaðsíða 17

MORGUNBLAÐIÐ FIMMTUDAGUR 25. ÁGÚST 2005 17
MINNSTAÐUR
AKUREYRI
FJÖLBREYTT dagskrá verður í boði á Ak-
ureyrarvöku um helgina en um er að ræða af-
mælishátíð bæjarins og lokaviðburð á Lista-
sumars. Hátíðin verður sett í upplýstum
Lystigarðinum föstudagskvöldið 26. ágúst kl.
21.00 og heldur áfram með afar fjölbreyttri
dagskrá allan laugardaginn og fram á nótt.
Um 50 - 60 viðburðir eru þegar komnir á
dagskrána og enn bætist við því að margir
leggja sín lóð á vogarskálarnar. Meðal við-
burða er hjólreiðahátíð í Kjarnaskógi,
skemmtun fyrir börn á öllum aldri hjá LA, góð-
hestasýning og hestaferðir fyrir börn,
skemmtisiglingar með Húna II, listsmiðja fyr-
ir börn, sýningin „Alveg sér viska,“ opnun sýn-
ingar á verkum Jóns Laxdal í Listasafninu á
Akureyri, opnun samsýningar 6 ungra mynd-
listarmanna að Hafnarstræti 98, söguganga
um miðbæ Akureyrar, heilgrillað naut á teini,
tónlist af öllu tagi, draugaganga og mataruppi-
stand í Borgarbíói.
Lokaviðburður Akureyrarvöku mun svo
fara fram við Glerárstíflu og við nýja Glerár-
virkjun Norðurorku kl. 23.15. Glæsileg sýning
verður á stíflunni og lóninu og að því búnu
verður virkjunin vígð.
Fjölbreytt
dagskrá á
Akureyrarvöku
SKÓLANEFND Akureyrar samþykkti á fundi sín-
um í vikunni tillögu frá Brynhildi Þórarinsdóttur þess
efnis að nýi leikskólinn við Helgamagrastræti beri
nafnið Hólmasól, í höfuðið á Þorbjörgu hólmasól sem
var fyrsta barnið sem fæddist í Eyjafirði eftir því sem
Landnáma segir. Þorbjörg hólmasól var barn Helga
magra og Þórunnar hyrnu, en leikskólinn stendur við
götur sem nefndar eru eftir þeim.
Framkvæmdir við byggingu nýja leikskólans
standa yfir en hann á að vera tilbúinn til notkunar í
byrjun næsta árs. Byggingin er tæplega 1.000 fer-
metrar að stærð á tveimur hæðum og þar verður
rými fyrir 140 börn. Verkið var boðið út í alútboði og
bárust fjórar tillögur. Samið var við Hyrnu ehf. um
byggingu hússins en tilboð fyrirtækisins hljóðaði
upp á 210 milljónir króna.
Á fundi skólanefndar var farið yfir stöðu mála í
leikskólunum í byrjun skólaársins 2005-2006. Fram
kom að tekin hafa verið inn 288 börn frá því í vor og
eru þá tæplega 1000 börn í leikskólunum nú. Búið er
að bjóða foreldrum allra tveggja ára barna pláss fyr-
ir þau í leikskóla. Búið er að manna nær allar stöður í
leikskólunum og verður hlutfall leikskólakennara á
deild um 67%.
Nýr leikskóli við Helgamagrastræti
Hólmasól skal hann heita
Morgunblaðið/Kristján
Leikskóli Það blés heldur köldu að norðan á karlana sem voru að vinna á þaki nýja leikskólans við Helga-
magrastræti í gær. Spáð er áframhaldandi norðanátt og kulda á næstu dögum.
FYRIRTÆKIÐ Harla á Akur-
eyri hefur gert samstarfssamn-
ing við dönsku auglýsingastof-
una A-Dale Danmark A/S í
Árósum. Hlutverk Harla sam-
kvæmt samningnum er texta-
vinnsla í bæklinga sem A-Dale
framleiðir fyrir viðskiptavini
sína á Íslandi.
Auglýsingastofan A-Dale
Communication hefur á aðeins
sjö árum orðið einn vinsælasti
framleiðandi auglýsingafjár-
magnaðra kynningarbæklinga
fyrir fyrirtæki á ýmsum sviðum
atvinnulífsins. Fyrirtækið hefur
nú yfir 100 starfsmenn og starf-
semi í Danmörku, Noregi,
Þýskalandi, Austurríki, Banda-
ríkjunum og á Íslandi, segir í
fréttatilkynningu.
Harla er ungt fyrirtæki á Ak-
ureyri sem sérhæfir sig í texta-
vinnslu ýmiss konar, ritun texta,
prófarkalestri og fleiri skyldum
verkefnum. Framkvæmdastjóri
og eini starfsmaður fyrirtækis-
ins er Haraldur Ingólfsson.
Fyrsta samstarfsverkefni Harla
og A-Dale er bæklingur fyrir
Kælismiðjuna Frost sem gefinn
verður út fyrir Íslensku sjáv-
arútvegssýninguna í Kópavogi
7.-10. september.
Vöxtur í starf-
semi Harla
Semur við
danska
auglýsinga-
stofu
Vaxtarsamningur | Bjarni Jónasson hefur
tekið við verkefnastjórn við Vaxtarsamning
Eyjafjarðar. Um er að ræða stýringu og sam-
ræmingu á vinnu þeirra aðila sem koma að
framkvæmd samningsins. Atvinnuþróun-
arfélag Eyjafjarðar (AFE) er framkvæmdar-
aðili samningsins og hefur Halldór Ragnar
Gíslason sinnt hlutverki verkefnisstjóra und-
anfarið ár en hann mun nú sinna sértækum
verkefnum hjá AFE. Bjarni Jónasson hefur
fjölbreytta reynslu sem stjórnandi og ráðgjafi
og hefur um skeið stýrt vinnu við einn af fjór-
um klösum Vaxtarsamningsins, heilsuklasa, og
mun hann halda þeirri vinnu áfram.
♦♦♦