Morgunblaðið - 25.08.2005, Blaðsíða 16
Mýrdalssandur | Þótt strandir
og fjörur landsins séu víða fagrar
og ólíkar að eðli og eiginleikum
verður seint deilt um hrikalega
fegurð Reynisfjöru. Þar mætast
drangar og brim með stórkost-
legum afleiðingum þegar brimið
smellir kossi á grjóthart bergið.
Mörg þúsund ferðamenn
heimsækja Reynisfjöru ár hvert.
Þessi erlendi ferðamaður var í
för með félögum sínum og virtist
hugfanginn af brimkossi Atlants-
hafsins á þessari hrjóstrugu
strönd.
Morgunblaðið/Jónas Erlendsson
Þessi erlendi ferðamaður sem var staddur í Reynisfjöru í Mýrdal var að virða fyrir sér brimið í fjör-
unni, en þangað koma mörg þúsund ferðamenn ár hvert.
Rölt í Reynisfjöru
Brimkoss
Akureyri |Höfuðborgin | Suðurnes | Austurland
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, aust-
urland@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Tónleikar í Kerinu | Stórtónleikar verða í
Kerinu í Grímsnesi næstkomandi laug-
ardag, 27. ágúst, klukkan 14. Kerið er af
mörgum talið hljómleikahöll af Guðs náð.
Á tónleikunum koma fram KK og Ellen
Kristjánsdóttir, Jóhann Friðgeir Valdimars-
son tenórsöngvari, Ragnhildur Gísladóttir
söngkona, Hreimur Heimisson söngvari úr
Landi og sonum og Vignir Snær Vigfússon
tónskáld og gítarleikari Írafárs, en þeir leika
saman. Söngdúettinn Hundur í óskilum sem
kemur úr Svarfaðardal leikur einnig en
Hundinn skipa Hjörleifur Hjartarson og Ei-
ríkur. G. Stephensen. Þá koma fram Alex-
ander Jarl Þorsteinsson náttúrusöngvari frá
Vestmannaeyjum, Kjartan Valdemarsson
píanóleikari , Jónas Þórir píanóleikari og
Árni Johnsen sem stjórnar jafnframt tón-
leikunum sem Björgunarsveitin Björg á
Eyrarbakka stendur fyrir.
Röð báta úti á vatni þessa gamla sprengi-
gígs myndar sviðið fyrir listamennina, en ein
hlíð Kersins er grasi gróin og í rauninni eins
og besta áhorfendasvæði. Aðgangseyrir á
þessa fjölbreyttu tónleika er 1000 kr. og frítt
fyrir börn undir fermingu.
Þetta eru þriðju tónleikarnir sem haldnir
eru í Kerinu en slíkir tónleikar þykja mikil
upplifun, ekki síst vegna magnaðs hljóm-
burðar í Kerinu.
Landgræðsludagur | Laugardaginn 27.
ágúst verður haldinn landgræðsludagur í
Ölveri frá kl. 14-16. Þar verður fræðsla um
uppgræðslu Hafnarmela í máli og myndum
og kynning á svepprótum sem stórauka
vaxtarhraða trjáa.
Hafnarmelar hafa gjörbreytt um svip frá
því farið var að græða þá upp árið 1999.
Pokasjóður hefur verið aðal styrktaraðili
þessa verkefnis.
Landgræðslufélag við Skarðsheiði stend-
ur fyrir landgræðsludeginum. Allir eru vel-
komnir að koma og fræðast um þetta merka
landgræðslustarf og þiggja veitingar í boði
Landgræðslufélagsins.
Úr
bæjarlífinu
HÉÐAN OG ÞAÐAN
Morgunblaðið/Margrét Ísaksdóttir
svo eitthvað sé nefnt en
alltaf endað ofan á. Hann
er lífsglaður og virkur
þátttakandi í öllu því sem
Húnavatnssýslur hafa upp
á að bjóða og gildir þá
einu hvort um er að ræða
þorrablót, klassíska tón-
leika eða veiðiferðir á Kili.
Þessi mynd, sem hér
birtist, er tekin þegar Jón-
mundur er nýkominn af
fjöllum, nánar tiltekið úr
Jónmundur Ólafsson,bóndi í Kambakoti íSkagabyggð, er
maður sem hægt er að
segja um að sé þjóðsagna-
persóna í lifanda lífi. Sam-
kvæmt öllum eðlilegum
lögmálum lífsins ætti hann
fyrir löngu að vera kom-
inn yfir móðuna miklu.
Hann hefur orðið undir
rútu, nauti, margra tonna
húsklæðningu, dráttarvél
veiðiferð í Friðmund-
arvötn á Auðkúluheiði.
Veiðin var ekki mikil enda
viðraði illa til veiða vegna
kalsamrar veðráttu. Sam-
ferðamenn Jónmundar,
sem kvörtuðu lítillega yfir
kuldanum, sögðu að Jón-
mundur hefði aðeins
kreppt hnefana fastar og
sagt „svona gerði maður í
gamla daga til að halda á
sér hita“.
Morgunblaðið/Jón Sigurðsson
Jónmundur kemur af fjöllum
Rúnar Kristjánssonorti um gönguSteingríms J. Sig-
fússonar landshorna á
milli:
Skáhallt yfir Ísland gekk
okkar Skallagrímur.
Innblástur við ýmsu fékk,
orti og þuldi rímur.
Fann á vörum lifna ljóð,
laus úr þingsins skorðum.
Hiklaus vötn og ár hann óð
eins og Grettir forðum.
Ættarlandsins undramál
opnuðu þúsund munnar.
Djúpt og fagurt sveif að sál
seiðmagn náttúrunnar.
Skein við honum veröld víð
vafin sólargulli.
Ljúf er sérhver lausnartíð
langt frá þingsins bulli.
Djarflega um dal og hæð
drjúgar leiðir gekḱann.
Blessað landið beint í æð,
brjóst og hjarta fékḱann.
Eins þó fengi veður vont,
vilja og dug ei missti.
Síðast gekk hann fram á Font,
fold þar glaður kyssti.
Þegar næst til þings hann snýr
þá sjá allir flokkar,
að í sál og sinni býr
seiður landsins okkar.
Af göngu
Steingríms
pebl@mbl.is
Hafnarfjörður | Skipulags- og bygginga-
ráð Hafnarfjarðar samþykkti á fundi sín-
um þann 23. ágúst sl. að auglýsingatími
deiliskipulagstillögu varðandi stækkun
Alcan verði framlengdur um þrjár vikur,
eða til 29. ágúst. Þá verður frestur til að
gera athugasemdir framlengdur til 12.
september.
Ástæðan fyrir framlengingu auglýsinga-
tíma og kynningar er ítarleg kynning á
deiliskipulagstillögunni og kynningarfund-
ur sem haldinn verður þann 5. september
nk. Fundurinn verður auglýstur nánar síð-
ar.
Alcan hefur óskað eftir því að gera deili-
skipulag fyrir stækkað athafnasvæði ál-
versins í Straumsvík vegna fyrirhugaðrar
stækkunar þess upp í allt að 460.000 tonna
framleiðslu á ári. Fyrir liggur samþykkt
deiliskipulag fyrir núverandi athafnasvæði
álversins.
Frestur til að
gera athuga-
semdir lengdur
vegna kynningar
Esjan | Allt að sjö þúsund manns hafa
gengið á Esjuna í sumar og skrifað nafn
sitt í gestabók Ferðafélags Íslands á Þver-
fellshorni. Að sögn Páls Guðmundssonar,
framkvæmdastjóra FÍ, hafa um 500 manns
gengið á fjallið í viku hverri og allt upp í
eitt þúsund manns þegar mest var í júní.
FÍ hefur staðið fyrir vikulegum Esju-
ferðum í sumar auk Esjuhappdrættis og
verður síðasta Esjugangan í dag, fimmtu-
dag. Lagt verður af stað kl. 18.30 frá bíla-
stæðinu við Mógilsá. Þar verður greint frá
þeim framkvæmdum sem FÍ hefur staðið
fyrir á Þverfellshorni í sumar þar sem
gerðar hafa verið tröppur og festar keðjur
efst í fjallinu til að auðvelda aðgengi.
Halldór Ásgrímsson forsætisráðherra
ætlar að taka þátt í göngunni í dag, en for-
sætisráðuneytið styrkti framkvæmdir á
Þverfellshorni. Fararstjóri er Höskuldur
Jónsson, fyrrverandi forseti FÍ.
Um 7 þúsund
manns á Esjunni
í sumar
♦♦♦
Bílar á morgun
Fleiri erlendir ferðamenn
nota bílaleigubíla en rútur
til að fara um landið
Ferðamynstrið
að breytast