Tímarit lögfræðinga - 01.04.1955, Page 41

Eigi má neinn heldur nota tákn, sem hann annars hefir
heimild á, ef sú notkun er til þess fallin að villzt verði á því
og öðru tákni, sem annað viðskiptafyrirtæki notar með
réttu.
Annað ákvæði laganna um óréttmæta verzlunarhætti er
og vert að nefna, þ. e. hin svonefnda heildarregla (General-
klausul). Efni hennar er í stórum dráttum það, að með dómi
megi banna athafnir á viðskiptasviði, ef þær eru and-
stæðar heiðarlegum viðskiptaháttum. Ef skoðað er frá víðu
sjónarmiði, má segja það, sem einnig er nokkuð almenn
skoðun á sviði alþjóðaviðskipta, að vörumerkjaréttur er
í raun og veru einn þáttur samkeppnisréttarins.
1 vörumerkjaréttinum er því leitazt við að koma sam-
keppninni á heiðarlegan og réttlátan grundvöll; þar er
og reynt að koma í veg fyrir að almenningur verði dreg-
inn á tálar.
103