Búnaðarrit - 01.01.1914, Blaðsíða 291
BÚNAÐARRIT
285
hátt, breytt undanrennunni eða einhverju af henni 1
einhver önnur matarefni.
Margur vill nú eflaust segja, að enn þá sem komið
er sé ekki of mikið til af þessari vöru víðast hvar, en
síðan smjörmarkaðurinn komst í lag og kúm fór að
fjölga., veit eg að þetta á sér stað, einkum þar sem fáir
eru menn í heimili eða kýr mjög margar; og kúm þarf
að geta fjölgað enn meira, ekki hvað sízt vegna áburðar-
ins, sem nauðsynlegur er fyrir ræktun landsins. Það
má því með sanni segja, að mikið spor væri stigið í þá
átt, ef gott ráð fyndist til að hagnýta sér undanrennuna,
svo að góðum notum kæmi.
Eftir mínu áliti hljóta að verða miklir örðugleikar
á ostagerð hér á landi sökum strjálbýlis og örðugra
samgangna, en mér hefir komið til hugar, hvort við gætum
ekki notað undanrennuna okkur til hagsmuna með
því að gefa hana skepnum, eins og mikið tíðkast í öðr-
um löndum. Eftir minni reynslu virðist mér sem undan-
rennan muni kosta heima á staðnum, þar sem hún er fram-
ieidd, það er að segja langt upp til sveita, þar sem jörð
er ódýr, og þar sem túnrækt og öll meðferð kúnna er í
góðu lagi, 2 aura pundið; að minsta kosti kostar hún
ekki meira í mínu búi. Eg met nýmjólkina á 9 aura
pottinn, og fyrir smjörið úr nýmjólkurpottinum hefi eg
fengið 5 aura, eru þá 4 aurar eftir, sem verður þá verðið
á undanrennunni, og reiknast mér þetta sanngjarnt eftir
því, sem eg get komist næst. í búreikningi mínum. Nú
er útheyspundið af meðalgóðu útheyi alment álitið að
kosta 2 aura pundið ; ætti þá undanrennupundið að jafn-
gilda útheyspundinu að verðgildi, en að notagildi er eg
ókunnugur um hvort það jafnar sig eins vel; að vísu
veit eg, að í bærilegu útheyi er meira næringarefni en í
jafnri þyngd af undanrennu, en hvort það kemur skepn-
unni tiltölulega betur að notum, veit eg ekki enn þá, en
um það langar mig til að fræðast, og er það meðfram
tilgangur þessara lína að mælast til að þeir, sem þekk-