Búnaðarrit - 01.01.1914, Blaðsíða 293
BÚNAÐARRIT
287
i maganum af undanrennunni, og tókst mér það með
því, að auka hana litið í einu. Þegar hann fór að eta
hey, gaf eg honum svo töðu með, og virtist mér hann
taka eðlilegum framförum; alls kostaði kálfsfóðrið 36 kr.
og ímynda eg mér að hann mundi hafa borgað það,
hefði honum verið slátrað í haust, en heldur ekki meira,
og yflrleitt hugsa eg að ekki geri betur en borga sig
að ala kálfa til frálags, þótt þeim sé gefin undanrenna,
nema þá þar sem svo hagar til, að ekkert sauðfé er á
búi; sauðféð borgar ávalt bezt fóðrið sitt.
Að mörgu leyti þykir óþægilegt að gefa sauðfé
lagarkent fóður, en eg hygg það væri hagkvæmast á
þann hátt, að hafa lausar lagarjötur uppi yfir heyjötun-
um, láta þær hanga í taugum og draga upp og ofan
þegar þær væru notaðar. Gætu þær þá notast til að
varna kindunum að standa uppi í heyjötunni, milli þess
sem þær væru notaðar. Annaðhvort mætti þá láta þær
liggja á heyjötunni, meðan kindurnar drykkju, eða ef það
þætti of hátt, þá að láta þær falla niður með jötuborð-
inu að framanverðu, en þá þyrftu að vera lykkjur í lög-
jötunni, sem gengju gegnum jötuborðið, og tittað að
innanverðu, til að stöðva hana; efni í slíkar jötur væri
bezt og ódýrast að hafa úr þakjárni, í líkingu við stórar
húsarennur, með trébotni í báðum endum; mætti þetta
fyrirkomulag nota bæði i jötuhúsum og garðahúsum, og
væri hagkvæmt og ódýrt.
Eg hefi tvo undanfarna vetur gefið nokkrum lömb-
um mysu, og hefi eg gefið þeim sem svaraði 1 pundi
af mysu á dag lambinu, og dregið af þeim nálægt 6. part-
gjafar í staðinn. Nú met eg mysuna 72 eyri pundið, og
er það sem næst fyrir heysparnaðinum, og virðast mér
þessi lömb vera fult eins vel fóðruð og önnur lömb, sem
eg hefi séð og hafa fengið meira af jafngóðu heyi, en
enga mysu, og einkum virðast þau vera vel heilbrigð.
En hvað er þá unnið við þetta ? Ein aðal-hlunnindin
eru hvað kýrnar gefa góðan áburð til jarðræktarinnar;