Árbók VFÍ/TFÍ - 01.06.2009, Page 10
árlega Verktækni golfmót og svo árshátíðin í byrjun febrúar skipa fastan sess í starfi
félagsins og eru ákaflega vel sótt mannamót.
A síðasta aðalfundi var samþykkt fyrirliggjandi kauptilboð í eignarhlut félagsins í
Engjateigi 7. Þeir menn, sem höfðu framgöngu um að koma lóðareigninni til þeirra
verðmæta sem hún skilaði félaginu, og hússtjórnin eiga þakkir skildar. Ástæðan fyrir
sölunni var einföld - að borga upp allar skuldir félagsins. Ekki var ákjósanlegt að vera
með skuldbindingar vegna hárra fjárhæða í verðtryggðum lánum. Þó að eignir væru á
móti var alveg óvíst hvemig fasteigna- og leigumarkaðurinn mundi þróast. Það er
skoðun mín að sala eignarinnar hafi verið afar farsælt skref og tryggt frekar rekstrar-
grundvöll félagsins.
Síðastliðið vor átti sér stað innan stjórnar VFÍ umræða um siðareglur, en einn stjórnar-
manna hafði í tengslum við starf sitt verið að skoða siðareglur félagsins og haft til hlið-
sjónar reglur verkfræðingafélaga í Evrópu. Þó að grunnstefið hafi verið hið sama mátti
sjá hjá hinum félögunum aðrar áherslur sem væntanlega eru tilkomnar á síðari árum,
eins og umfjöllun um skýrari samfélagslega ábyrgð. Að teknu tilliti til hinna breyttu
aðstæðna í þjóðfélaginu, sem vakið hafa upp margar áleitnar spurningar, fór umræðan
meira að snúast almennt um siðferði í störfum fólks. Ef takast á að bæta siðferði hljóta
böndin að berast að störfum fólksins sem í landinu býr. í uppeldinu, í samskiptum við
fjölskyldu, vini og félaga, lærist það siðferði sem fylgir einstaklingum út í lífið. Það er þó
ekki þar með sagt að einstaklingnum takist alltaf að yfirfæra þá þekkingu yfir á þau störf
sem viðkomandi tekur að sér. Eftir því sem störfin verða sérhæfðari og úrlausnirnar
sértækari er flóknara að leysa hin siðferðislegu álitamál tengdu starfinu.
I öllu félagsstarfi er nauðsynlegt að staldra við með reglulegu millibili, líta yfir farinn veg
og spyrja sig spurninga um hvaða áhrif þróunin og breytingarnar hafi haft á félagið og
starfið í nafni þess. Að hefja þá vinnu að fara í endurskoðun á okkar annars ágætu siða-
reglum er fólgið mikið tækifæri. Tækifæri til endurgjafar til samfélagsins, með hvaða
hætti verkfræðingar skuldbinda sig til að vinna störf sín. Það er fyrst og fremst umræðan
samhliða slíkri vinnu sem er dýrmæt. Þannig uppgötvast og kemur í ljós hvernig hin
almennu siðferðisgildi eiga við í einstökum starfsaðstæðum. Það krefst þors að stíga það
skref að hefja samræðuna um siðferði innan verkfræðinnar. Einungis þannig getum við
látið reglurnar mynda þá ytri ásýnd sem stéttarmeðlimir geta sameinast um og staðið
stolt á bak við.
ÁVARP FORMANNS T F [
Árbók tæknifræðinga og verkfræðinga er vettvangur vísindagreina
og rannsókna. Félögin hafa staðið að útgáfu árbókarinnar um rúm-
lega tuttugu ára skeið, allt frá árinu 1988. Greinarnar vekja jafnan
áhuga og eru áhugaverð lesning bæði fyrir lærða og leika.
Eftir hrun hagkerfis íslendinga urðu margir tæknimenntaðir menn
að leita nýrra tækifæra í atvinnu. í ljós kom að hugmyndaauðgi og
sköpunargáfa tæknifræðinga og verkfræðinga er umtalsverð.
Aðstæður á vinnumarkaði eftir að hagkerfi landsins nánast hrundi til grunna varð til þess
að félögin brugðust við af krafti. Meðal annars var efnt til samstarfs við Nýsköpunar-
miðstöð Islands. Haldinn var kynningarfundur og síðan reglulegir vinnufundir. Starfs-
menn Nýsköpunarmiðstöðvarinnar buðu upp á einkaviðtöl þar sem tæknifræðingar og
verkfræðingar gátu rætt sínar hugmyndir og fengið álit fagaðila á því hvort hún væri
gjaldgeng til styrkumsóknar. Mikill áhugi varð strax á þessu framtaki félaganna og var
ánægjulegt að sjá að nokkrir þeirra sem tóku þátt í framtakinu unnu áfram með sínar
hugmyndir og fengu frekari ráðgjöf frá Nýsköpunarmiðstöðinni.
8
Arbók VFl/TFl 2009