Árbók VFÍ/TFÍ - 01.06.2009, Side 224

Stöðugleiki verður líka ávallt lykil-
þáttur í rekstri álvers. í 1.100 metra
löngum kerskálum Fjarðaáls þarf að
halda 336 rafgreiningarkerum stöð-
ugum og skipta um 560 rafskaut á
sólarhring. Steypuskálinn verður að
geta tekið á móti að meðaltali 960
tonnum af bráðnu áli á sólarhring og
skautsmiðjan þarf að afhenda nýju
rafskautin á réttum tíma og endur-
vinna um leið þau notuðu. I
frammistöðuávinningnum verður
mælt hversu vel tekst að fylgja
áætlunum í framleiðslunni. Það
tengist um leið stöðlun verklags og
viðhaldi búnaðarins.
Umhverfismál koma einnig beint inn
í frammistöðuávinninginn. Annars
vegar á að halda niðri svokölluðum
ristíma í rafgreiningarkerunum og
hins vegar losun vetnisflúors í kerskálunum. Samkvæmt starfsleyfi þarf hvort tveggja að
vera innan ákveðinna marka. Flúor er nauðsynlegur hluti af raflausninni í kerunum.
Þegar spenna í kerunum fer yfir ákveðin mörk er hætta á myndun fjölflúorkolefna sem
eru miklu öflugri gróðurhúsalofttegund en koltvíoxíð. Við álframleiðsluna myndast
einnig vetnisflúor sem að langstærstum hluta er sogaður inn í lofthreinsivirkið þar sem
hann binst súráli og berst með því inn í kerin. Árangursmælingin snýr að því magni
vetnisflúors sem sleppur út í kerskálann og fer ekki í gegnum hreinsivirkið. Með góðum
kerrekstri geta starfsmenn haft veruleg áhrif bæði á ristíma og losun vetnisflúors.
Ætlunin er einnig að hafa mælikvarða fyrir kostnað og virðisauka inni í frammistöðu-
ávinningnum. Starfsmenn Fjarðaáls hafa sett af stað mörg verkefni sem miða að því að
lækka kostnað, en árangurinn getur verið erfitt að mæla stöðugt yfir árið. Hins vegar er
auðvelt að mæla hvort ákveðnir kostnaðarliðir haldast innan fjárhagsáætlunar. Eins má
mæla hvort áætlanir um framleiðslu verðmætari afurða ganga eftir. Ætlunin er að auka
verulega hlutfall verðmætari álvíra og tíu kílóa stanga úr álblöndum. Fyrirtækið þarf líka
að búa yfir sveigjanleika til að mæta þörfum viðskiptavina.
Allir þessir mælikvarðar styðja hver annan og vinna saman að því að gera Fjarðaál að
betra fyrirtæki. Starfsmenn móta mælikvarðana sjálfir í samræmi við markmið fyrir-
tækisins og bera undir framkvæmdastjórn þess til samþykktar. Þarna gefst um leið tæki-
færi til að sameina starfsmenn og efla skilning þeirra á eðli starfseminnar. Mæli-
kvarðarnir verða svo áfram í stöðugri þróun.
2 2 2
Arbók VFf/TFl 2009