Þjóðhagsreikningar 1901-1945 - 01.08.1992, Blaðsíða 17
Þessi aukning svarar til þess að árlegur meðalvöxtur framleiðslunnar í heild hafi
verið um 3,8% og um 2,7% á mann. Þetta er litlu minni vöxtur en næstu fjóra
áratugina þar á eftir en árlegur meðalvöxtur á tímabilinu 1945-1986 varð um 4,2% í
heild og um 2,9% á mann.
Til samanburðar má líta á hagvaxtartölur fyrir Norðurlönd önnur en ísland á sama
tíma. í bókinni Norden förr och nu sem gefin var út 1989 er m.a. grein eftir Odd
Aukrust þar sem gerður er samanburður á hagvexti á Norðurlöndum undanfarin 100
ár. Þar kemur fram að á tímabilinu 1913-1950 varð árlegur meðalvöxtur á mann
mestur í Noregi og Svíþjóð eða 2,1 %, en nokkru minni í Finnlandi eða 1,7% og 1,5%
í Danmörku. Samkvæmt þessu hefur hagvöxturinn hér á landi verið talsvert meiri en
annars staðar á Norðurlöndum á þessum tíma.
Fyrri hluta aldarinnar má skipta í fimm tímabil.
Hið fyrsta nær frá 1901 og til 1914 en meðal hagvöxtur þess tímabils var um 3,9%,
eða um 3,1 % á mann.
Næsta tímabil 1914 til 1920 einkennist af afar miklum sveiflum en í lok þessa
tímbils er framleiðslan nánast sú sama og í upphafi en að teknu tilliti til fólksfjölgunar
er framleiðslan á mann minni í lok tímabilsins en í upphafi þess.
Þriðja tímabilið nær frá 1920 og til 1930 sem er tímabil mikils hagvaxtar þegar á
heildina er litið en meðal hagvöxtur þessa tímabils var 5,9%, eða um 4,5% á mann.
Fjórða tímabilið nær frá 1930 til 1939. Fyrsta ár þessa tímabils dróst framleiðslan
saman, en upp úr því rfkti stöðugur hagvöxtur. Meðal hagvöxtur var 2,9% og um 1,7%
á mann.
Á fimmta tímabilinu þ.e. frá 1939 til 1945 varð mikill hagvöxtur eða um 5,6% að
meðaltali á ári, og 4,2% á mann.
Þannig eru í sem allra stystu máli niðurstöður þeirra þjóðhagsreikninga sem hér
hefur verið leitast við að draga upp. Hér á eftir verða þessar niðurstöður bornar saman
við ýmsa aðra vitneskju úr efnahags- og atvinnusögu þessa tímabils.
Mynd 2 Verg þjóðarframleiðsla á mann 1902-1945
% Magnbreyting frá fyrra ári
15