Þjóðhagsreikningar 1901-1945 - 01.08.1992, Blaðsíða 129

Undirflokkar hinna sex manntala 1901-1950 verða hér felldir inn í sex atvinnu-
geira I}. Auk þess nær sjöundi geirinn yfir „óflokkað“, þannig að fjöldatölur hvers
geira ná yfir þá einstaklinga sem á einn eða annan hátt eru tengdir framleiðslustarfinu
með líkt endamark öll manntalsárin. Til viðbótar verður einn geiri fyrir þá einstaklinga
sem hafa framfæri sitt frá hinu opinbera, svo og þá einstaklinga sem vegna ónógra
upplýsinga eða ábendinga í manntölum, verða ekki heimfærðir á atvinnugeirana.
Hér á eftir verður gerð nánari grein fyrir því hvaða starfsemi er felld undir hvem
af hinum sjö geirum.
Geiri A. Framleiðsla landbúnaðarafurða að smásölu- eða útflutningsstigi
í yngri manntölum eru menn skiptir á atvinnugreinar eftir því hvort um frum-
framleiðslu er að ræða, t.d. lifandi fénaður að sláturhúsi o.s.frv., eða frekari úrvinnslu
að neyslu eða útflutningi. Þessa greiningu er ekki hægt að gera samkvæmt eldri
manntölum, enda atvinnuhættir þá þannig að þessi vinna var að mestu á sömu
höndum.
í yngri manntölum (sbr. ISIC-classification of all economic activities, sjá Manntal
1950, bls. 192) var greint á milli landbúnaðar (Agriculture etc.) og iðnaðar (Food
manufacturing etc.). Hér verður því að færa úr iðnaði í A, til þess að fá nokkumveginn
heillega mynd 1901-1950. Athugandi er einnig að þessi tilfærsla auðveldar tengingu
þegar athugaðar eru tölur um útflutning og áætlanir um neyslu innanlands á neyslu-
hæfum landbúnaðarafurðum.
Geiri B. Framleiðsla sjávarafurða að neyslu- eða útflutningsstigi
Hér gildir hið sama og sagt er um A. í yngri manntölum verður að sameina tölur
fyrir fiskveiðar og tölur fyrir ýmsan úrvinnsluiðnað, til þess að fá samsvörun við eldri
manntöl og þá einnig til þess að auðveldara sé að hnýta mannaflatölur samkvæmt
þessari atvinnuflokkun við magn- og verðmætatölur útfluttra sjávarafurða og neyslu
þeirra innanlands.
Geiri C. Byggingarstarfsemi, húsa- vega- og hafnargerð o.þ.h.
í eldri manntölum kemur þessi aðalflokkur ekki fram. Mannafli hans er falinn í
„Handverk og iðnaður“ og „Ýmisleg minniháttar störf‘ (sjá manntal 1901) og án efa
á fleiri stöðum. Undirflokkun eldri manntala verður notuð til þess að fá skynsama
ágiskun um vægi allt tímabilið, en slík gróf ágiskun um vægi mannfjöldans getur verið
til aðstoðar við áætlanir um þýðingu þessarar fjárfestingarstarfsemi.
Geiri D. Iðnaður og iðja (nema vinnsla landbúnaðar -eða sjávarafurða)
Eins og áður er nefnt verður ýmis starfsemi sem í yngri manntölum er flokkuð sem
iðnaður í víðari skilningi, færð undir geira A eða B, og starfsemi sem flokkuð er undir
0 Orðið atvinnugeiri er hér notað í stað atvinna, atvinnugrein, skipting eftir atvinnu
o.s.frv. sem notuð eru í hinum ýmsu manntölum til áherslu á að skilgreiningum
þeirra er ekki fylgt.
127