Þjóðhagsreikningar 1901-1945 - 01.08.1992, Blaðsíða 178
Kjöt og gœrur, magn og verð, markárin 1901 til 1945
Kjötmagn í kg. og gærur í stykkjatölu eru áætlaðar í samræmi við það sem sagt er
hér á undan. Hið sama gildir um áætlað heildarverð kjöts. Gæruverð er áætlað með
hliðsjón af verði fyrir útfluttar saltaðar gærur, samanber töflu 3.
Taflan sýnir þessar magn- og verðtölur 1901-1945 reiknaðar með aðferð Skipu-
lagsnefndar, að teknu tilliti til þess sem á undan er sagt um vantalinn stofn og um
hlutfall milli heildarkjötmagns og „jafngildi dilkakjöts“. Að auki eru tilfærðar þær
magntölur sem nýttar verða fyrir 1935-1945.
Sauðfjárkjöt, útflutningur og ráðstöfun innanlands
í töflu 5 er tilfært:
1. Áætlað framleitt heildarmagn, bæði dilkakjöt og annað. þús. kg., sbr. töflu 3.
2. Útflutt kjötmagn samkvæmt verslunarskýrslum. Þau ár 1901-1915 er lifandi
sauðfé var flutt út, eru áætluð 20 kg. á hverja kind. Saltkjöt og freðkjöt er tilfært
eftir magntölum verslunarskýrslna, þótt þar sé um verga þyngd að ræða.
Aukaafurðir, mör o.a. eru ekki taldar.
3. Mismunur á (1) og (2) reiknaður sem gróf áætlun um ráðstöfun innanlands að
meðtöldum birgðabreytingum.
4. Mannfjöldi í þúsundum. Tölur 1905 áætlaðar, en seinni tölur, manntalstölur og
áætlanir í Mannfjöldi, mannafli og tekjur júlí 1981 (úr Ritgerð áætlanadeildar
Framkvæmdastofnunar ríkisins), þó allar færðar til miðárs.
5. Ráðstöfun innanlands á mann, kg. á ári, (3) / (4).
Til samanburðar eru tilfærðar tölur Skipulagsnefndar og Búnaðarskýrslna 1951 um
lið (5).
Gœrur, útflutningur og ráðstöfun innanlands
í töflu 6 er yfirlit yfir gæruútflutning, magn og verð, samkvæmt verslunarskýrslum
og samanburður við áætlaða framleiðslu.
Þótt vitað sé að magntölur útflutnings í byrjun aldarinnar hafi verið hærri en skráð
er í Verslunarskýrslum, er hér ekki gerð tilraun til leiðréttingar. Fyrir aðalvöruna,
saltaðar gærur, er tilfærð stykkjatala öll markárin nema 1915 og 1920. Þar sem
margfaldarinn 2,0 milli stykkjatölu og skráðrar þyngdar hefur bersýnilega verið nýttur
1935, er hér áætlað að svo hafi einnig verið 1915 og 1920, (stykkjatölur tilfærðar í
sviga).
Fyrir aðrar gæru- og kindaskinnsvörur vantar stykkjatölu öll ár nema 1901, 1905
og 1910 og stykkjatölur hafa verið áætlaðar (1 stk. = 2,0 kg.). Þessi áætlun er í hæsta
máta óviss, en hefur litla þýðingu nema 1925, 1935 og 1940, en þau ár líta ágiskanir
sennilega út þegar verðtölur eru bomar saman við verð fyrir saltaðar sauðagærur. Til
þess að fá þennan samanburð við gerða áætlun um framleiðslu, varð að telja með
„gæmr á lifandi fé“ í útflutningstölum. Nokkur slíkur útflutningur var fram að fyrri
heimsstyrjöld.
176