Þjóðlíf - 01.07.1986, Blaðsíða 53
kom hann alltaf fram sem ein heild.
Til marks um þessa samstöðu má
benda á að á annan tug manna
frömdu í lokin pólitískt sjálfsmorð
frekar en að bregðast því sem þeir
töldu vilja félaga sinna. Þar má nefna
Friðgeir Björnsson og Má Pétursson
sem voru við það að fá þingsæti. Frið-
geir fór í framboð fyrir SFV en flestir
ákváðu að hverfa frekar úr pólitík-
inni.
Þessi hópur átti sér enga ákveðna
foringja. Hann gat ekki sæst á leið-
sögn eins manns, til þess voru
leiðtogaefnin of mörg. Það kvað eng-
inn upp úr fyrir hönd hópsins. Þetta
var bæði styrkur og veikleiki; styrkur-
inn fólst í því að aldrei var beðið eftir
að einhver tæki af skarið heldur voru
allir virkir og skapandi í starfinu;
veikleikinn var sá að þetta ástand
bauð því heim að fyrr eða síðar hlyti
að koma til uppgjörs.
Það var nauðsynlegt fyrir svona
hóp að finna sér sameiginlegan óvin.
Árið 1971 kom til valda ný ríkisstjórn
og því var ekki Iengur hægt að beina
spjótum sínum í þá átt. Ungt fólk var
á þessum árum mótað af hugsjónum
68-kynslóðarinnar og þær settu mark
sitt á hópinn. Og sameiginlegi óvinur-
inn fannst í Framsókn. Menn voru
óánægðir með að ekki skyldu verða
kynslóðaskipti í forystu flokksins en
það þurfti að heyja baráttuna á póli-
tískum grunni. Þess vegna var búinn
til ágreiningur til að réttlæta um-
skiptin í þingliðinu og forystunni. Af
þessari baráttu varð enginn árangur
þótt teflt væri stíft.“
Gunnlaugur var spurður að því
hvaða þýðingu hann teldi sameining-
arhugmyndir ungra framsóknar-
manna og Möðruvallahreyfinguna
hafa haft fyrir vinstri menn í landinu.
„Möðruvallahreyfingin hafði ekki
aðra þýðingu fyrir vinstri hreyfinguna
en þá að framlengja líf SFV um nokk-
ur ár,“ svaraði hann. „Áhrifin á
Framsókn urðu önnur og djúpstæð-
ari. Innan flokksins hafði verið mjög
öflugt starf, bæði á hægri og vinstri
kanti. Það var ekkert mál að rífa upp
2-300 manna fundi enda skipulagið
gott. Við brotthlaupið myndaðist
tómarúm í flokknum sem leiddi svo
til stöðnunar í öllu starfi hans. Út á
við fékk flokkurinn hægri slagsíðu í
vitund fólks. Langtímaáhrifin á
flokkinn eru þau, að það vantar heila
kynslóð í hann, fólk um fertugt er
nánast ekki til. Þetta hefur þau áhrif
að þegar skipta verður um forystu
verður flokkurinn að taka yngri
menn sem ekki eru eins skólaðir inn í
forystuna. Þessara áhrifa mun gæta í
sjö til tíu ár til viðbótar."
Gunnlaugur var að lokum spurður
hvort hann teldi hugmyndir þessa
hóps hafa verið óraunsæjar miðað við
aðstæður innan Framsóknarflokksins
og í þjóðfélaginu almennt á þeim
tíma.
„Ef rétt hefði verið haldið á spilun-
um væru nú sennilega tíu manns eða
svo úr þessum hópi í forystu og þing-
liði flokksins," svaraði Gunnlaugur.
„Möðruvallahreyfingin var ótímabær
tilraun til sameiningar vinstri manna
og hafði þau áhrif að hún verður ekki
reynd næstu tíu til 15 árin. Ef einhver
sameining verður þá er líklegast að
það verði frjálslyndir miðjumenn úr
Framsókn, Alþýðuflokki og Sjálf-
stæðisflokki gegn markaðshyggju-
öflunum."
Vönduð íslensk framleiðsla
Nær handverki
verður vart komist
10% staðgreiðsluafsláttur og góð
greiðslu-kjör.
FURUHÚSIÐ
Þessi glæsilegu húsgögn eru úr massífri
furu og fást í ljósum viðarlit og brún-
bæsuð.
SUÐURLANDSBRAUT 30 105 REYKJAVÍK S: 68 70 80
ÞJÓÐLÍF 53