Morgunblaðið - 12.06.1982, Blaðsíða 1
48 SÍÐUR OG LESBÓK
126. tbl. 69. árg. LAUGARDAGUR 12. JÚNÍ 1982 Prentsmiðja Morgunblaðsins.
Hart barizt í Líbanon
þrátt fyrir vopnahléið
Beirut, Tel Aviv, Wuhington, 11. júní. AP.
fSRAELAR lýstu í dag yfir einhliða vopnahléi í átökum þeirra við sýrlenska
hermenn í Libanon og skömmu síðar ákváðu Sýrlendingar að fara að dæmi þeirra.
Enn geisa þó bardagar á milli Palestínumanna og ísraela, sem ekki hafa samið
um vopnahlé sin í milli. Hart var barist í úthverfum Beirut-borgar og israelskar
fiugvélar gerðu harða bríð að stöðvum Palestínumanna annars staðar í landinu.
Löng lest ísraelskra skrið-
dreka fer um aðalgötu líb-
önsku borgarinnar Sídon, sem
er skammt fyrir sunnan höfuð-
borgina, Beirut. Myndin var
tekin í fyrradag þegar ísra-
elsher sótti enn norður til
Beirut-borgar.
Símamynd-AP
Vopnahléið milli ísraela og Sýr-
lendinga kemur á sjötta degi innrás-
ar þeirra fyrrnefndu í Líbanon og
mun sérstakur sendimaður Reagans,
Bandaríkjaforseta, í Miðausturlönd-
um, Philip C. Habib, hafa átt mestan
þátt í að koma því á. í skilaboðum,
sem Frelsissamtök Palestínumanna
komu til aðalritara SÞ í dag, segir,
að þau styðji ályktun öryggisráðsins
nr. 508 og 509, en þar var kveðið á
um tafarlaust vopnahlé og skilyrðis-
lausa brottför ísraela frá Líbanon.
Páfa vel fagnað
í Buenos Aires
Buenos Aires, 11. júní. AP.
JÓHANNES PALL páfi II kom í
dag til Buenos Aires í Argentínu í
32ja stunda heimsókn. Við kom-
una sagði hann, að tilgangur ferð-
arinnar væri að biðja fyrir „réttlát-
um og varanlegum“ friði á Suður-
Atlantshafi, þar sem Bretar og Arg-
entínumenn berast nú á banaspjót.
Galtieri, hershöfðingi og oddviti
herforingjastjórnarinnar, tók á
móti páfa á flugvellinum
Gífurlegur mannfjöldi, millj-
ónir manna að sumra sögn, fagn-
aði páfa þegar hann fór um borg-
ina og var síður en svo að sjá, að
hann væri látinn gjalda þess að
hafa áður sótt Breta heim,
erkifjendur Argentínumanna nú
um stundir. í stjórnarráðsbygg-
ingunni gekk páfi til fundar við
herforingjana, sem landinu
stjórna, en i stað þess að heilsa
honum með handabandi féllu
þeir á kné frammi fyrir honum.
Virtist páfa koma það mjög á
óvart.
I ræðu, sem páfi hélt eftir
fundinn með herforingjunum,
sagði hann, að hann væri kom-
inn til að biðja fyrir friði, fyrir
þeim, sem látið hefðu lífið í átök-
um Breta og Argentínumanna. „í
hvert sinn sem lífi manns er
ógnað er ýtt undir þróun, sem að
lokum leiðir til hörmunga," sagði
páfi.
Ekki þykir ljóst af þessu hvort Pal-
estinumenn eru hlynntir vopnahléi
við ísraela.
Fréttamenn segja frá miklum
flutningum sýrlensks herliðs frá
Líbanon og er talið, að þeir muni
koma sér fyrir á nýrri víglínu innan
sinna eigin landamæra. Talsmenn
ísraelska hersins sögðu i dag, að
varaforseti ísraelska herráðsins,
Yekutiel Adam hershöfðingi, hefði
fallið i átökum við Palestínumenn og
hafa ísraelar ekki fyrr misst jafn
háttsettan mann í orrustu.
Á Bandaríkjaþingi í dag fóru fram
miklar umræður um innrás ísraela
og það, að þeir skuli hafa beitt
bandariskum vopnum, sem aðeins
má nota í varnarskyni og öldunga-
deildarþingmaðurinn Mark 0. Hat-
field skoraði á Reagan forseta að
hætta tafarlaust öllum vopnasend-
ingum til ísraels og annarra Mið-
austurlanda. „Borgir og bæir í Líb-
anon eru i rúst, þjóðfélagið í upp-
lausn og saklaust fólk liggur í valn-
um. Hvar mun þessi skelfing enda?“
sagði hann.
Thatcher býr þjóðina
undir „mikiÖ mannfall
London, ll.júní. AP. J J
London, 11. júní. AP.
SEXTÍU breskir hermenn féllu og 120 særðust þegar argentínskar herþotur gerðu
árás á bresk skip, sem voru að flytja lið á land á Falklandseyjum sl. þriðjudag.
Þessar fréttir voru í dag hafðar eftir heimildarmönnum innan bresku stjórnarinn-
ar, í sömu mund og Margaret Thatcher varaði þjóðina við og sagði, að búast mætti
við „miklu mannfalli" í úrslitaorrustunni um Port Stanley.
Mannfallið sl. þriðjudag er það
mesta, sem Bretar hafa orðið fyrir í
Falklandseyjastríðinu, og hafa þeir
nú misst 209 menn og um 300 hafa
særst. Flestir féllu í árás Argentínu-
manna á landgönguskipið Sir.
Galahad, en um borð í því voru 300
menn, sem biðu þess að ganga á land
í Fitzroy á Austur-Falklandi. John
Nott varnarmálaráðherra lagði á
það áherslu í gær, að þetta áfall
hefði engin áhrif á sókn breska hers-
ins að Port Stanley.
Breska ríkisútvarpið skýrði frá því
í dag, að tekist hefði að hlera samtal
Menendez, yfirmanns argentínska
herliðsins á Falklandseyjum, við yf-
irboðara hans í Buenos Aires og
kvað þar nokkuð við annan tón en í
opinberum yfirlýsingum herfor-
ingjastjórnarinnar. Sagði Menendez,
að liði hans hefðu engar birgðir bor-
ist að undanförnu vegna aðgerða
breska hersins og var haft eftir hon-
um, að ef „svona heldur áfram, verð-
ur staða okkar vonlaus innan
skamms“.
Margaret Thatcher, forsætisráð-
herra Breta, sagði i dag, að búast
mætti við „miklu mannfalli“ þegar
látið yrði til skarar skriða gegn Arg-
entínumönnum í Port Stanley. Hún
að Bretar hefðu sýnt mikið
langlundargeð, þeir krefðust þess
ekki, að Argentinumenn gæfust upp
skilyrðislaust, heldur að þeir hyrfu á
brott með her sinn „skipulega og
með fullum sóma“. Thatcher sagði,
að Argentínumenn virtust hins veg-
ar heldur kjósa blóðug átök.
Breskur varðflokkur átti í dag í
átökum við argentinska hermenn og
féllu fimm úr liði þeirra síðar-
nefndu. Að öðru leyti virðist allt
kyrrt og er ekki búist við neinum
tíðindum meðan á heimsókn páfa í
Argentínu stendur.
Slmamynd AP.
Ronald Reagan Bandaríkjaforseti við Berlínarmúrinn í gær, föstudag. í baksýn er
varðturn en austur-þýsku hermennirnir fylgdust vel með ferðum Reagans þann
tíma sem hann skoðaði þetta mesta mannvirki austur-þýskra stjórnvalda.
„Óttast frelsið
mest af ölluu
— sagöi Reagan þegar hann stóð viö Berlínarmúrinn
Berlin, 11. júní. AP.
EVRÓPUFERÐ Ronalds Reagans
Bandaríkjaforseta, sem hófst 2. júní,
lauk í dag með stuttri viðkomu i
Vestur-Berlín þar sem hann skoðaði
meðal annars Berlínarmúrinn. f ræðu,
sem hann flutti við það tækifæri, sagði
hann, að múrinn væri til sanninda-
merkis um það, að kommúnistar óttuð-
ust ekkert meira en frelsi fólksins, og
einnig skoraði hann á Sovétmenn að
taka heiðarlegan þátt í friðarviðleitni
Bandarikjamanna.
„Hann er jafn ljótur og hugmynd-
in, sem býr að baki honurn," sagði
Reagan þegar hann kom að Berlín-
armúrnum ásamt konu sinni, Nancy,
Helmut Schmidt kanslara Vestur-
Þýskalands og Haig utanríkisráð-
herra. „Mig hefur lengi langað til að
spyrja kommúnista hvernig stendur
á múrnum. Ég veit að vísu svarið.
Það er frelsið, sem þeir óttast," sagði
Reagan.
f sjónvarpsviðtali, sem haft var
við Reagan í Charlottenborgarhöll,
skoraði hann á Sovétmenn að taka
höndum saman við vestræn ríki í
nýrri friðarsókn og sagði, að fyrsta
skrefið í þá átt væri að taka vel í
tillögur Bandaríkjastjórnar um
gagnkvæma fækkun í herjum banda-
laganna í Evrópu og brottflutning
kjarnorkuvopna. Hann sagði, að eng-
um manni handan múrsins stafaði
hætta af bandarískum vopnum, þau
yrðu notuð í varnarskyni, ekki til
árásar.
Komu Reagans var mjög vel fagn-
að í Berlínarblöðunum og í borginni
voru víða uppi spjöld og borðar þar
sem hann var boðinn velkominn. Áð-
rir voru ekki jafn hrifnir og segir í
fréttaskeytum, að 6— 7.000 pönkarar
og hippar hafi efnt til mótmæla og
átt í átökum við lögregluna.