Morgunblaðið - 12.06.1982, Blaðsíða 28

28
MORGUNBLAÐIÐ, LAUGARDAGUR 12. JÚNÍ1982
Boniek Póllandi
Nehoda Tékkóslóvakíu
Souness Skotlandi
Torocik Ungverjalandi
Ceulemans Belgíu
HVERJIR VERÐA stjörnurnar á HM, hvaöa leikmenn munu
skara fram úr og reynast liöum sínum betri en engir? Enska
vikuritið Shoot freistaöi þess fyrir skömmu aö spá um þaö.
Tíndi liðið út einn varnarmann, einn miövallarleikmann og einn
framherja úr hverju liði, leikmenn sem eiga eftir aö leika stór
hlutverk og koma mikiö við sögu. Viö skulum hér á eftir renna
yfir niöurstööu þeirra Shoot-manna.
Alsír:
Vörn: Nordine Kourichi. Hann
leikur með franska liðinu Bord-
eaux og þykir sérstaklega sterkur
leikmaður, einkum þegar glímt er
við háar sendingar. Hann er lið-
tækur mjög þegar lið hans fær
aukaspyrnur og hornspyrnur, nýt-
ir hæð sína þá vel og skorar tals-
vert af mörkum. Er kattliðugur og
fljótur að hlaupa.
Miðvallarleikmaður: Lakhdar
Bellumi. Hann er kallaður hinn
afríski Diego Maradona, geysilega
leikinn og markheppinn, auk þess
sem sendingar hans yfir vellina
þvera og endilanga eru frægar um
alla Afríku.
Sóknarleikmaður: Damel Zid-
ane. Sterkur miðherji sem leikur
með belgíska félaginu Courtrai.
Skorar mikið af mörkum, bæði
fyrir belgiska félagið og landslið-
ið.
Argentína:
Vörn: Daniel Passarella. Það
þarf varla að kynna fyrirliða
heimsmeistaranna. Geysisterkur
leikmaður sem aldrei gefst upp,
sterkur hvort heldur knötturinn
er á jörðu niðri eða í loftinu. Hann
er einnig liðtækur sem aukamaður
í sókn ef svo ber undir. Skorar
þannig yfirleitt slatta af mörkum.
Miðvallarleikmaður: Diego
Maradona. Hann þarf heldur ekki
að kynna. Nú fær hann tækifæri
til að sýna að hann sé besti
knattspyrnumaður veraldar. Ekk-
ert spurningarmerki hvílir yfir
leikni hans og knatttækni. Spurn-
ingin er miklu fremur hvernig
honum tekst upp í glímunni við
ósvífna varnarmenn sem víla ekki
fyrir sér að sparka menn niður.
Maradona á eftir að verða fyrir
barðinu á þeirri stétt knatt-
spyrnumanna, það er öruggt.
Framherji: Ramon Diaz. Hann j
gæti orðið ásinn í spilabunka
Menottis. Geysilega fljótur og
leikinn sóknarmaður. Hann hefur
skorað talsvert af mikilvægum
mörkum fyrir argentínska liðið,
enda þykir erfitt að eiga við hann.
Austurríki:
Vörn: Bruno Pezzey. Miðvörður-
inn sterki sem leikur með Ein-
trakt Frankfurt í Vestur-Þýska-
landi. Að margra mati er hann
sterkasti varnarmaður þýsku
knattspyrnunnar og segir það
raunar meira en mörg orð um
styrkleika piltsins.
Miðvallarleikmaður: Herbert
Prohaska. Hefur leikið með Inter
Milanó að undanförnu og staðið
sig þar frábærlega vel. Hann hef-
ur þar lært að bregðast við „mað-
ur á mann“-varnarleik, en slík
reynsla gæti reynst ómetanleg á
Spáni.
Framherji: Hans Krankl. Gamli
maðurinn hefur skorað ótrúlega
reglulega bæði fyrir félög sín og
landsliðið síðustu 7 árin. Hann er
síður en svo farinn að gefa eftir,
hefur raunar aldrei verið betri að
margra mati.
Belgía:
Vörn: Luc Millecamps. Fasta-
maður í belgíska liðinu, stór og
sterkur leikmaður. Félagi hans í
miðvarðarstöðunum, Walter
Meews, verður í leikbanni í fyrsta
leik Belgíu og því mun mæða mik-
ið á Millecamps. Hefur ekki leikið
vel að undanförnu og er skemmst
að minnast er Lárus Guðmunds-
son sýndi honum í tvo heimana í
úrslitaleik belgísku bikarkeppn-
innar."
Miðvallarleikmaður: Vilfried
Van Moer. Nú 37 ára gamall.
Hann er enn heilinn á bak við
belgíska liðið þó ekki leiki hann nú
j orðið alltaf heilu leikina. Þykir
vera einhver klókasti knatt-
spyrnumaður Evrópu.
Sóknarleikmaður: Jan Ceule-
mans. Einn af bestu framherjum
Evrópu að mati sérfræðinga.
Hann sýndi og sannaði í Evrópu-
keppni landsliða 1980, að hann er
stórhættulegur, jafnvel er mót-
herjarnir pakka í vörn.
Brasilía:
Vörn: Junior. Talinn besti bak-
vörður veraldar. Hann sannar það
líklega fyrir trúleysingjunum á
HM. Aukaspyrnur hans eru og
rómaðar.
Miðvallarleikmaður: Zico. Hann
þykir loks vera farinn að sýna
hvað í honum býr, þó Brasilíu-
menn hafi árum saman líkt hon-
um við hinn fræga Pele. Hvað um
það, pilturinn býr yfir stórkost-
legri knattleikni og síðustu miss-
erin hefur hann skorað mikið af
mörkum, bæði fyrir lið sitt og
landsliðið.
Sóknarleikmaður: Paolo Isidoro.
Þótt ótrúlegt kunni að virðast, er
framlínan helsti höfuðverkur
Brasilíumanna. Isidoro þykir þó
hafa skilað sínu hlutverki manna
best úr framlínudeild þeirra Bras-
ilíumanna.
Stjarna Brasilíumanna, Zico, arftaki Péle.
Kamerún:
Vörn: Francois Doubme Lea.
Hann er tággrannur og brothætt-
ur að sjá, en það er missýn. Sterk-
ur í návígjum og þykir hafa sér-
staklega gott auga fyrir staðsetn-
ingum. Talinn vera besti miðvörð-
ur Afríku.
Miðvallarleikmaður: Theopile
Abega. Rólegur og yfirvegaður
knattspyrnuheili. Hann byggir
upp sóknarleik Kamerún og brýt-
ur niður sóknarleik andstæð-
inganna. Var fyrirliði liðsins þar
til fyrir skömmu.
Sóknarleikmaður: Roger Milla.
Atvinnuknattspyrnumaður hjá
franska liðinu Bastia. Mikill
markaskorari og jafnvígur á báða
fætur. Mikill spretthlaupari ef svo
ber undir.
Chile:
Vörn: Elias Figueroa. Ekki bara
knattspyrnumaður, heldur skáld,
textahöfundur og söngvari. Lang
frægasti og leikreyndasti leikmað-
ur Chile og þrívegis verið kjörinn
leikmaður ársins í heimalandi
sínu-.
Miðvallarleikmaður: Miguel
Neira. Tengiliður gæddur öllum
helstu og bestu kostum knatt-
spyrnumanns. Sterkur, duglegur,
útsjónarsamur og leikinn.
Sóknarleikmaður: Patricio Jan-
ez. Hægri útherji og áður Chile-
meistari í spretthlaupum. Sagður
vera með hjartagalla, en hann
lætur það ekkert á sig fá. Þykir
vera sérvitur, en sérstaklega
skemmtileg „týpa“.
El Salvador:
Vörn: Jaime Rodrigues. Hefur
leikið í Vestur-Þýskalandi með
Bayer Uerdingen. Hávaxinn og
leikreyndur miðvörður sem hefur
gott auga fyrir samleik.
Miðvallarleikmaður: Jose Hu-
ezo. „Svífur" framhjá mótherjum
sínum. Talinn í hópi bestu
knattspyrnumanna Mið-Ameríku,
mjög leikinn og foringi af guðs
náð.
Sóknarleikmaður: Jorge Gonzal-
es. Kallaður „töframaðurinn" í
heimalandi sínu og svar Mið-
Ameríku við Maradona. Víst er að
svo góður er hann ekki, hins vegar
skorar hann furðu mikið af mörk-
um miðað við hve landslið Chile
leikur stífan varnarleik.
England:
Vörn: Phil Neal. Ekki beint
frægur fyrir snilldartakta, en
leikreyndur og áreiðanlegur bak-
vörður. Hvernig honum tekst upp
gegn frönsku og tékknesku útherj-
unum hefur stórkostlega mikið að
segja fyrir enska liðið. Neal gæti
því orðið lykilmaður hvernig svo
sem litið er á málið.
Miðvallarleikmaður: Bryan
Robson. Eini leikmaðurinn sem
lék alla leiki Englands í undan-
keppninni og missti ekki úr einn
einasta upphitunarleik. Sérgrein
Robsons er að „dekka" uppbyggj-
ara andstæðingsins, hirða af hon-
um knöttinn og skapa síðan sjálf-
ur stórhættu með eigin leikni, út-
sjónarsemi og markheppni. Talinn
vera einn af fáum leikmönnum
Englands á heimsmælikvarða.
Sóknarleikmaður: Kevin Keeg-
an. Hver annar? Hann skoraði 30
mörk á síðasta keppnistímabili og
lék betur en nokkru sinni fyrr.
Undir lok tímabilsins meiddist
hann hins vegar illa í baki og í
síðustu landsleikjum Englands
virkaði hann þungur og þreytu-
legur. Enginn vafi er þó talinn
leika á því að hann rífi sig upp
fyrir HM-leikina og þegar hann er
í formi standast honum fáir snún-
ing.
Frakkland:
Vörn: Marius Tresör. Miðvörð-
urinn sterki hjá Bordeaux, einn
frægasti og leikreyndast leikmað-
ur franska liðsins. Sterkur hvort
sem er í skallaeinvígjum eða jarð-
bundnari einvígjum. Hefur og
næmt auga fyrir sóknarmöguleik-
um.
Miðvallarleikmaður: Michel
Platini. En ekki hver? Frægasti
knattspyrnumaður Frakklands og
einn snjallasti knattspyrnumaður
Evrópu. Skorar mikið af mörkum,
ekki síst beint úr aukaspyrnum og
stjórnar sóknarleik Frakka með
miklum glæsibrag.
Sóknarleikmaður: Dominique
Roucheteou. Frakkar eiga marga
snjalla útherja, en engan þó betri
en Roucheteou, sem er betri en
nokkru siijni fyrr. Ef Frakkar
ættu miðherja í sama gæðaflokki
og Roacheteou væru þeir hærra
skrifaðir.
Honduras:
Vörn: Anthony Costly. Líkist
meira hnefaleikara en knatt-
spyrnumanni og þykir knatt-
spyrna hans bera nokkurn keim af
líkamsmeiðingaíþróttum. Þeir eru
ekki öfundsverðir miðherjarnir
sem lenda í klónum á Costly.
Miðvallarleikmaður Ramon
Maradiaga. Vinstrifótarmaður
sem getur sundrað vörn með
40—50 metra löngum hnitmiðuð-
um sendingum. Þá er hann harður
og áræðinn, brýtur þannig oft á
bak aftur sóknarlotur andstæð-
inganna.