Morgunblaðið - 12.06.1982, Blaðsíða 22

22
MORGUNBLAÐIÐ, LAUGARDAGUR 12. JÚNÍ1982
Kjaftfori Toni
Ein af stjörnum
vestur-þýska
iandsliosins:
Harald Schumacher
(Toni)
Hann varö aö leita sálfræöilegrar aöstoöar. Kvensól-
fræðingur kippti sjálfstraustinu í lag hjá honum. í dag
segir hann öllum aö hann sé bestur — hann er líka
frábær.
Harald Schumacher (28) mark-
vörður vestur-þýska landsliðsins í
knattspyrnu lætur sér ekki allt
fyrir brjósti brenna. Síðastliðin
tíu ár hefur hann verið atvinnu-
knattspyrnumaður. Meiðsli hafa
oft sett strik í reikninginn. Á
atvinnumannaferli sínum hefur
hann rifbeinsbrotnað, slitið lið-
bönd, fingurbrotnað.
Toni eins og hann er oftast kall-
aður lætur þessi meiðsli lítið á sig
fá. Hann hefur sagt að sennilega
séu markverðir ekki með öllum
mjalla fyrst að þeir séu tilbúnir að
taka þá áhættu sem því fylgir að
vera markvörður.
Á því leikur enginn vafi að Toni
hefur „kjaftinn" fyrir neðan nefið.
Þegar að hann var ekki valinn í
landsliðið stóð ekki á honum að
gefa út opinberar yfirlýsingar við
blaðamenn. Um fyrirrennara sína
í vestur-þýska landsliðsmarkinu
sagði hann gjarnan, „það sem
þessir karlar geta í dag, gat ég
fyrir mörgum árurn".
Landsliðsþjálfarar Vestur-Þjóð-
verja voru eðlilega ekkert yfir sig
hrifnir af þessum kjaftfora mark-
verði Kölnarliðsins og yfirlýsing-
um hans opinberlega. Þetta á bæði
við um Helmut Schön og Jupp
Derwall.
Ekkert benti heldur til þess að
Toni yrði nokkurn tíma valinn í
vestur-þýska landsliðið, en segja
má að örlagadísirnar hafi orðið
honum hliðhollar. Skömmu fyrir
Evrópukeppni landsliða sem hald-
inn var á Ítalíu 1980, meiddist að-
almarkvörður vestur-þýska lands-
liðsins, Nigbur frá Schalke, og
Toni kjaftfori var valinn í lands-
liðið.
Hann kom, sá og sigraði. í Evr-
ópukeppninni á Ítalíu sýndi hann
markvörslu á heimsmælikvarða
og töldu margir sérfræðingar að
Vestur-Þjóðverjar gætu fyrst og
fremst þakkað Toni þennan frá-
bæra árangur vestur-þýska lands-
liðsins.
Eftir keppnina var Toni spurður
að því hver væri besti markvörður
Vestur-Þjóðverja. Ekki stóð á
svarinu fremur en fyrri daginn:
„Ég er sá langbesti og Immel
(Dortmund) verður einfaldlega
alltaf nr. 2 á meðan ég er til stað-
ar.“
Þeir sem þekkja Toni vel, segja
að hann hafi verið mjög viðkvæm
sál fyrstu ár sín í atvinnuknatt-
spyrnu. Hann byrjaði ekki sem
markvörður. í yngri flokkum lék
hann allar stöður allt frá hægri
bakverði til vinstri útherja.
Móðir Tonis var mikil áhuga-
manneskja um knattspyrnu og
hreifst sérstaklega af landsliðs-
markverði Vestur-Þjóðverja á
þeim tíma, Fritz Herkenrath.
Mamma Tonis var ekkert að tví-
nóna við hlutina og taldi strák á
að gerast markvörður og Herken-
rath skyldi vera fyrirmynd hans.
• Aðalmarkvörður v-þýska landsliðsins í knattspyrnu, Schumacher, þykir vera einn af snjöllustu markvörðum heims
í dag. Það kemur vsntanlega í Ijós í HM-keppninni hvað í honum býr.
Árangur lét heldur ekki á sér
standa. Var Toni fljótlega valinn í
ýmiss konar svæða úrvaldslið og
að lokum í vestur-þýska unglinga-
landsliðið. Næst lá leiðin til F.C.
Köln. í hálft annað ár mátti hann
sætta sig við að verma vara-
mannabekk liðsins. Gerhard Welz
lék þá í marki Kölnarliðsins og
var óumdeilanlega markvörður
númer eitt hjá Kölnarliðinu.
Þetta tók á taugar hins unga og
ákafa Toni og sjálfstraust hans
var ekki orðið upp á marga fiska.
Marlies, kona Tonis ráðlagði hon-
um að fara til kvensálfræðings
nokkurs, sem virtist hafa ráð und-
ir hverju rifi. Hún kom sjálfs-
trausti kappans heldur betur í lag
með að kenna honum að nota
hvíldarþjálfun (autogenes train-
ing).
Hvert skyldi vera leyndarmálið
fyrir góðum árangri Toni „kjaft-
fora“: „Maður verður umfram allt
að trúa á sjálfan sig. Vera aldrei í
nokkrum vafa um hæfni sína,“ og
hann bætti því við að það sé eng-
um blöðum um það að fletta að
Vestur-Þjóðverjar verði heims-
meistarar í knattspyrnu á Spáni.
Ekki eru allir Spánverjar
sáttir við HNI í knattspyrnu
Frá Heljfu JónHdóttur, frétLa
ritara Mbl. í Burgos.
NÚNA þegar aðeins örfáir dagar eru
eftir þangað til HM á Spáni hefst
með leik núverandi heimsmeistara,
Argentínu, og Belgíu, kemur í Ijós,
að mikill hluti Spánverja lætur sér
fátt um finnast, þótt HM fari fram
þar í landi dagana 13. júní — 11.
júlí. Hvorki Naranjito, né fagrar yf-
irlýsingar Saporta, né hin stórfeng-
lega auglýsingaherferð tengd keppn-
inni, né heimsins bestu knattspyrnu-
menn er koma til landsins og sýna
leikni sína á leikvöngum 14 borga,
hefur tekist að hrífa a.m.k. 52%
Spánverja. Þessi fjöldi mun meira
að segja gera flest til þess að „flýja“
HM.
Það slæma fyrir hina áhuga-
lausu um knattspyrnu er að býsna
erfitt verður að komast hjá því að
heyra HM nefnda, a.m.k. þann
tíma sem keppnin fer fram. Ein
lausnin er að taka sumarfrí sitt
fyrr en venjulega (helsti sumar-
Ieyfistími Spánverja er ágúst-
mánuður) og fara þá ekki á gömlu,
góðu ströndina, eins og öll árin,
heldur heimsækja einhver þessara
tíndu og gleymdu fjallaþorpa, þar
sem nútíminn með rafmagn (og þá
sjónvarp) hefur ekki ennþá haldið
innreið sína. Núna er varla hægt
að finna lítinn bar eða ómerkilega
krá á Spáni, þar sem ekki hefur
verið fjárfest lítillega í sjónvarpi,
og þá vitaskuld litasjónvarpi til
þess að fastir viðskiptavinir hætti
ekki að líta inn (í heilan mánuð)
og kjósi fremur að sjá HM-leiki
heima hjá sér, eða á öðrum bar
sem hefur komið fyrir stóru lita-
sjónvarpi. Þannig er að þeir, sem
ekki hirða um HM, fá ekki einu
sinni frið fyrir knattspyrnu þegar
þeir fá sér vínglas eða kaffibolla
eftir matinn.
Samkvæmt skoðanakönnunum í
öllum héruðum Spánar hafa að-
eins 23% Spánverja ákveðið að
fylgjast með öllum leikjum heims-
meistarakeppninnar í sjónvarpi,
útvarpi og blöðum. Það eru ein-
mitt þessi 23% sem ætla ekki að
stíga fæti á skrifstofuna þennan
mánuð, né skipta sér af kveinum
og kvörtunum eiginkvenna sinna
vegna þess að hér er um að ræða
Spánverja sem dá og lifa fyrir
knattspyrnu. HM er mikilvægasti
knattspyrnuviðburður heims og
fer aðeins fram á 4ra ára fresti.
Hér er á ferðinni atburður, sem
þessir eldheitu og áköfu knatt-
spyrnuunnendur mega ekki missa
af hvað sem það kostar. 24 af
hundraði munu fylgjast með mik-
ilvægustu leikjum keppninnar,
enda þótt knattspyrna sé ekki
uppáhaldsíþróttagreinin þeirra.
Aðeins 13% Spánverja eru svo
óðir og uppvægir unnendur knatt-
spyrnu að þeir borga með glöðu
geði stórfé fyrir miða á leiki
keppninnar. 86% ætla að halda
kyrru fyrir heima og 35% munu
ekki einu sinni kveikja á sjónvarp-
inu til þess að fylgjast með út-
sendingum leikja HM. 24% munu
horfa á mikilvægustu leikina, 22%
hafa eingöngu áhuga á frammi-
stöðu spænska landsliðsins og
18% ætla sér að horfa „með öðru
auga“ á suma leiki spænska lands-
liðsins.
Hér er átt við spænska karl-
menn í millistéttum og hálauna-
stétt, um fertugt, er búa í fjöl-
mennum bæjum og borgum. Fjöldi
þeirra er fara á völlinn og þeirra
sem fylgjast munu með leikjum í
sjónvarpi, eykst með aldursfjölda
enda þótt aldur spili ekki mikið
inn í þegar um er að ræða almenn-
an áhuga á heimsmeistarakeppn-
inni.
Skýr munur er á áhuga kynj-
anna. 70% spænskra kvenna líkar
ekki eða hafa ekki minnsta áhuga
á knattspyrnu. 53% ætla sér ekki
einu sinni að fylgjast með einum
leik í sjónvarpi. 40% þora ekki að
spá neinu um úrslit keppninnar.
Þær konur, sem minnstan áhuga
sýna, eru verkakonur og þær er
búa í þorpum og litlum bæjum.
Sundlaugar og bingó
Frá og með 13. júní næstkom-
andi hefst sérstakt tímabil fyrir
17% spænskra karlmanna, sem
alls engan áhuga hafa á knatt-
spyrnu. Þeir munu skipta um stöð
þegar leik er sjónvarpað eða ein-
faldlega slökkva. Kvenmennirnir
verða „þeirra“ því þær verða í
sundlaugunum, í bingósölum, í
kvikmyndahúsum eða á veröndum
kaffihúsa meðan unnustar eða
eiginmenn beina allri athygli
sinni að leikjum HM...
Það eru ófá spænsk hjón eða pör
er ekki hafa orðið á eitt sátt hvað
varðar að fara í sumarfrí í júní í
stað ágúst. Margir eiginmenn
kjósa fremur að fara ekki á
ströndina með það í huga að njóta
leikja HM í litasjónvarpinu eða á
myndbandi, sem þeir eru nýbúnir
að festa kaup á... Mörg rifrildin
hafa endað þannig að ákveðið hef-
ur verið að þeir verði eftir heima
og bjóði vinum sínum að horfa á
sjónvarpið og að þær fari á
ströndina með börnin (einhverja
spænska krakka hlýtur þó að
langa til að fylgjast með keppn-
inni...)
9% spænskra kvenna hafa
áhuga á HM. 5% eru harðákveðin
í að fara á völlinn. Þótt meirihluti
þeirra sýni lítinn áhuga á keppn-
inni, eru samt 25% sem ætla að
sjá mikilvægustu leiki keppninnar
í sjónvarpi og 12% kvennanna
hafa áhuga á að fylgjast með
spænska landsliðinu og ætla að
sjá alla leiki liðsins.
Spáð um úrslit
Þessar skoðanakannanir, sem
eru mjög ábyggilegar, ná einnig
yfir úrslitaspár. Meirihluti fólks-
ins er spurður var, heldur því
fram, að A-Þýskaland sigri í
keppninni, í öðru sæti verði Bras-
ilía, Spánn í þriðja sæti, Argent-
ína í fjórða sæti og England í
fimmta sæti. Verkafólk er áber-
andi meirihluti þeirra sem spá því
að Spánn verði heimsmeistari.
Hvað sem því líður eru aðeins
15% Spánverja, sem trúa því að
Spánn geti orðið sigurvegari.
(24% segja, að A-Þýskaland sigri
og 17% að Brasilía hreppi heims-
meistaratitilinn.) Þeir sem ekki
vita, svara ekki, það er að segja,
þeir sem ekki hafa minnstu hug-
mynd (né áhuga) um hvaða þjóðir
hafa mestu möguleika til sigurs.
Hér er um að ræða 27% þeirra
er spurðir voru. Þetta þykir at-
hyglisvert þar sem varla hefur
verið talað og fjallað um annað í
öllum fjölmiðlum á Spáni síðustu
mánuði en heimsmeistarakeppn-
ina í knattspyrnu. Heilu tímaritin
hafa verið gefin út eingöngu helg-
uð HM með öllum hugsanlegum
upplýsingum um þær 24 þjóðir er
mæta í lokakeppnina.
Konur eru verr að sér í HM en
karlmenn, enda almennt miklu
minni áhugi hjá þeim (lesa ekki
íþróttablöð eða íþróttasíður
dagblaðanna, né fylgjast með
íþróttaþáttum í sjónvarpi eða út-
varpi). Konur eldri en 46 ára og
íbúar smárra og fámennra þorpa
(tiltölulega fámennur hópur) eru
einna öruggust með sigur spænska
landsliðsins.