Morgunblaðið - 12.06.1982, Blaðsíða 29

MORGUNBLAÐIÐ, LAUGARDAGUR 12. JÚNÍ 1982 2 9
Fyrirliöi Englands, Kevin Keegan. Kemur liö hans á
óvart?
Platini Frakklandi
Sóknarleikmaður: Roberto
Figueroa. Forvitnilegur leikmað-
ur. Getur skotið með báðum fótum
og þykir sérstaklega hættulegur
er hann nálgast vítateiginn, skor-
ar þá mikið með langskotum. Þá
er hann aukaspyrnusérfræðingur
liðsins og jafnvígur á þrumufleyg-
ana og bogaskotin.
Tékkóslóvakía:
Vörn: Rostislav Vojacek. Vörn
Tékka er talin vera slök er glíma
þarf við háar fyrirgjafir. Sé það
raunin mun skipta Tékka miklu
hvernig Vojacek stendur sig, því
hann er sá leikmaður tékkneska
liðsins sem bestur er í „loftinu".
Miðvallarleikmaður: Jan Kozac
Ekki frægur leikmaður, en klókur
miðvallarleikmaður sem er fær
um að hrella hvaða vörn sem er ef
gát er ekki höfð á honum.
Sóknarleikmaður: Zdnek Neh-
oda. Margir telja hann vera kom-
inn af léttasta skeiði, en líklegt er
að hann gerist leikmaður utan
Tékkóslóvakíu eftir HM og því er
fyrir öllu fyrir hann að standa sig
vel. Um árabil hefur hann verið
fremsti markaskorari tékkneska
landsliðsins.
Ungverjaland:
Vörn: Lazslo Balint. 34 ára gam-
all geysilega leikreyndur miðvörð-
ur. Nautsterkur líkamlega og hinn
mesti refur í þokkabót. Einn af
lykilmönnum ungverska liðsins.
Miðvallarleikmaður: Tibor Nyil-
asi. Fáir miðvallarleikmenn Evr-
ópu skora jafn mikið af mörkum
og Nyilasi. Fyrirliði liðsins.
Sóknarleikmaður: Andreas Tor-
ocsik. Erfiður leikmaður að reiða
sig á sökum skapbresta og
glaumgosalífernis. Síðustu miss-
erin þykir hann þó hafa róast
talsvert og einbeitt sér meira að
lifibrauði sínu, knattspyrnunni.
Þykir vera stórkostlegur fram-
línumaður þegar hann má vera að
því.
Ítalía:
Vörn: Gaetano Scirea. Miðvörð-
ur hjá Juventus og einn af fáum
ítölskum varnarmönnum sem láta
ekkert tækifæri ónotað til að taka
þátt í sóknarleiknum.
Miðvallarleikmaður: Giancarlo
Antognioni. Hefur náð sér eftir
slæmt höfuðhögg og betri en
nokkru sinni fyrr. Bráðleikinn
leikmaður sem getur látið knött-
inn detta niður á fimmeyring 50
metra í burtu.
Sóknarleikmaður: Paolo Rossi.
Auðvitað. Spurningarmerki hvílir
yfir Rossi vegna þess að svo
skammt er síðan hann hóf að leika
knattspyrnu á ný eftir 2ja ára
bannið sem hann þurfti að taka út.
Nái hann sér á strik er þó næsta
víst að hann verður í hópi bestu
sóknarleikmanna keppninnar.
Kuwait:
Vörn: Mahboub Mubarek.
Bankastarfsmaður og talinn besti
miðvörður Mið-Austurlanda. Gef-
ur ekki tommu eftir í návígjum og
þykir hafa sérstaklega gott skyn á
að vera á réttum stað á réttum
tíma.
Breitner, V-Þýskaland.
Miðvallarleikmaður: Saad A1
Houti. Fyrirliði liðsins og starfs-
maður í varnarmálaráðuneyti
Kuwait. Er einnig varnartengilið-
ur og leikreyndasti leikmaður liðs-
ins með yfir 100 landsleiki.
Sóknarleikmaður: Aziz A1 Ab-
ari. Yfirleitt markahæsti leikmað-
ur Kuwait eftir hvert tímabil.
Skorar mikið, einkum úr auka-
spyrnum og er jafnvígur á báða
fætur.
Nýja Sjáland:
Vörn Bobby Almond: Lék áður
sem áhugamaður með Tottenham,
en snéri heim er hann náði ekki
atvinnumannasamningi við félag-
ið. Hefur verið fastamaður í
landsliðinu í 4 ár, stór og sterkur
miðvörður af gamla skólanum.
Miðvallarleikmaður: Steve
Sumner. Fyrirliði liðsins, en fædd-
ur í Englandi. Duglegur og
útsjónarsamur tengiliður. Einnig
markheppinn ef svo ber undir,
þannig skoraði hann sex mörk í
13—0 sigri liðsins gegn Fiji-eyjum
i undankeppninni.
Sóknarleikmaður: Wynton Ruf-
er. Gekk næstum til liðs við Nor-
wich á síðasta keppnistímabili, en
fékk ekki atvinnuleyfi er á reyndi.
Hann skoraði 4 mörk í 3 fyrstu
landsleikjum sínum og fær nú
stærra svið og mikilvægara til að
sýna og sanna getu sína.
Norður írland:
Vörn: Mal Donaghie. Getur leik-
ið hvar sem er í öftustu vörninni
og jafnvel sem tengiliður ef svo
ber undir. Sterkur og útsjónar-
samur varnarmaður og einnig með
þeim markheppnari.
Miðvallarleikmaður: Sammy
Mcllroy. Hann þarf varla að
kynna, leikinn og hættulegur
sóknartengiliður. Stilli hann fall-
byssuna rétt gætu Júgóslavía og
Spánn orðið illa fyrir barðinu á
honum.
Sóknarleikmaður: Gerry
Armstrong. Þó hann eigi ekki fast
sæti í aðalliði Watford hefur hann
staðið sig betur en enginn í lands-
liðspeysunni. Kraftur hans og
markheppni gætu fleytt írska lið-
inu yfir erfiðar flúðir.
Perú:
Vörn: Jorge Olaechea. Mjög full-
kominn knattspyrnumaður og sér-
staklega þykir hann hættulegur er
hann nær knettinum og hefur góð-
an tíma til að kanna stöðuna.
Miðvallarleikmaður: Julio Cesar
Uribe. Margir spá því að þessi
piltur steli senunni á HM. Leikni
hans þykir vera með ólíkindum,
einnig markheppnin. Fáir eða eng-
ir eru jafn hættulegir í auka-
spyrnunum.
Sóknarleikmaður: Jeronimo
Barbadillo. Hægri útherji með
mikla tækni og fádæma yfirferð í
hverjum leik. Stórkostlega leikinn
með knöttinn og skorar töluvert af
mörkum. Hann segist vera 27 ára,
en FIFA fullyrðir á móti að hann
sé 29 ára!
Pólland:
Vörn: Vladislav Zmuda. Leikur
nú í þriðju HM-keppni sinni þó
hann sé aðeins 27 ára gamall.
Einn sterkasti miðvörður Evrópu.
Miðvallarleikmaður: Zbignew
Boniek. Einn af fremstu miðvall-
arleikmönnum Evrópu og auka-
spyrnusnilld hans er rómuð. Hann
leikur með Juventus næsta keppn-
istímabil.
Sóknarleikmaður: Wlodzimier
Smolarek. Eitt af nýju nöfnunum í
pólska liðinu, en Smolarek mun
mynda framlínu Póllands ásamt
gamla brýninu Szarmach. Talinn
svipa mjög til Gerd Miiller og það
segir meira en mörg orð.
Skotland:
Vörn: Alan Hansen. Talinn af
mörgum fullkomnasti miðvörður
bresku knattspyrnunnar og þessir
mörgu eru jafn vissir að eftir HM
verður hann einnig talinn í hópi
bestu miðvarða Evrópu.
Miðvallarleikmaður: Graeme
Souness. Geysilega fjölhæfur mið-
vallarleikmaður: Einnig leikmað-
ur sem gengur til leiks með rétt
hugarfar, að gefast aldrei upp þó á
móti blási.
Sóknarleikmaður: Ken Dalglish.
Hann ætlar sér að þessu sinni að
bæta upp fyrir slaka frammistöðu
í siðustu tveimur HM-keppnunum.
Skotar hafa átt í erfiðleikum með
sóknarleik sinn og Dalglish fær
því aldrei betra tækifæri til að
sýna fram á óumdeilanlega getu
sina.
Spánn:
Vörn: Rafael Gordillo. Fremsti
Flamenco-söngvari Spánverja,
einnig besti bakvörðurinn.
Sprettharður og leikinn. Einnig
fastari fyrir en skrattinn.
Miðvallarleikmaður: Jesus Zam-
ora. Hávaxinn og fram úr hófi
leikinn tengiliður. Spánverjar
kannast best við hann vaðandi upp
allan völl með andstæðingana
meira og minna á afturendunum í
kjölfarinu.
Sóknarleikmaður: Jesus Satr-
ustegui. Er ekki í öfundsverðu
hlutverki, því Spánverjar hafa
ekki verið frægir fyrir að leika
opna sóknarknattspyrnu síðustu
misserin. Þegar það er athugað er
með ólíkindum hverju Jesus hefur
fengið áorkað sem eini framherji
liðsins. Markahæsti leikmaður
Real Sociedad fimm af sex síðustu
keppnistímabilunum.
Sovétríkin:
Vörn: Axelander Chivadse.
Fyrirliði og einn traustasti varn-
armaður Evrópu. Virðist alltaf
hafa nógan tíma til að gera það
sem hann vill á vellinum. Útsjón-
arsamur leikmaður sem skilar
knettinum vel frá sér.
Miðvallarleikmaður: Leonid
Murjak. Tekur stöðu Davids Kipi-
ani sem varð skyndilega að leggja
skóna á hilluna vegna meiðsla.
Leikmaður sem smitar frá sér
baráttuvilja og leikgleði.
Sóknarleikmaður: Oleg Blochin.
Betri leikmaður heldur en 1975, er
hann var kjörinn besti knatt-
spyrnumaður Evrópu. Eldfljótur
og markheppinn. Einnig stjór-
snjall í fyrirgjöfum sem eru sniðn-
ar á kollinn á miðherjanum
Shengelia.
Vestur-Þýskaland:
Vörn: Uli Stielieke. Leikur sem
tengiliður hjá Real Madrid, en
sem miðvörður í landsliði Þjóð-
verja. Stjórnar og skipuleggur að
hætti Franz Beckenbauer.
Miðvallarleikmaður: Paul
Breitner. Eins fullkominn mið-
vallarleikmaður og völ er á. Skor-
ar mörk, leggur þau upp og drífur
alla með sér með baráttu- og
leikgleði. Þá verður reynsla hans
úr spænsku knattspyrnunni dýr-
mæt, en hann lék áður með Real
Madrid.
Sóknarleikmaður: Karl-Heinz
Rummenigge. Hann þarf vart að
kynna, nánast fullkominn fram-
herji. Flestir telja að Rummen-
igge verði marhakóngur keppninn-
ar.
Júgóslavía:
Vörn: Velimir Zajec. Kallaður
Beckenbauer Júgóslavíu og segir
það allt sem segja þarf, hann er
gæddur sömu kostum og keisar-
inn. í jafnríkum mæli má svo allt-
af deila um.
Miðvallarleikmaður: Vladimir
Petrovic. Verður undir smásjánni
hjá áhangendum Arsenal, enda
gengur hann til liðs við félagið eft-
ir HM. Grannur og óálitlegur sem
knattspyrnumaður, en útlitið
blekkir.
Sóknarleikmaður: Vahid Hali-
hodzic. Hefur verið slakur síðustu
mánuðina, en þegar hann er upp á
sitt besta er hann miðherji í
fremstu röð. Spurningin er sú
hvort hann nær sér á strik eða
ekki.
Miðvallarleikmaöurinn Jesus Zamora er einn af lykil-
mönnum Spánverja. Haröskeyttur og sækinn knatt-
spyrnumaöur, sem lætur sór ekki allt fyrir brjósti
brenna.