Morgunblaðið - 26.02.1983, Blaðsíða 3
MORGUNBLAÐIÐ, LAUGARDAGUR 26. FEBRÚAR 1983
3
Mikil eining innan NATO
Bandarískur ráðherra á beinni
símalínu með ísl. fréttamönnum
FYRSTI Fundur ísl. frétta-
manna á beinni símalínu með
manni erlendis fór fram í
Menningarstofnun Bandaríkj-
anna á fimmtudag. Rætt var við
Richard R. Burt, aðstoðarutan-
ríkisráAherra Bandaríkjanna,
en hann hefur Evrópumál á sér-
sviði sínu. Fréttamenn frá ís-
lenzku dagblöðunum en einnig
útvarpi og sjónvarpi tóku þátt í
fundinum og spurðu ráðherrann
margvíslegra spurninga.
Fundurinn byrjaði með því,
að Burt flutti inngangserindi
af myndbandi, sem tekið var
upp fyrir tveimur dögum í
Washington, en síðan sent
hingað til lands. Þar reifaði
ráðherrann ýmis mál, efni
varðandi samskipti Banda-
ríkjanna og íslands, en síðan
gátu fréttamennirnir spurt
hann símleiðis, margvíslegra
spurninga, þar sem hann var
staddur í Washington.
Kichard R. Burt, aðstoðarutanrík-
isráðherra Bandaríkjanna, sem sat
fyrir svörum hjá blaðamönnum.
Burt var m.a. spurður að
því, hvort nú ríkti meiri óein-
ing innan Atlantshafsbanda-
lagsins en í annan tíma og
svaraði hann því neitandi.
Samstaðan innan NATO væri
engu minni nú en áður. Víst
væru til staðar skiptar skoð-
anir um sum mál. NATO væri
hins vegar ekki Varsjár-
bandalagið. NATO væri
bandalag fullvalda og sjálf-
stæðra ríkja, þar sem enginn
segði öðrum fyrir verkum.
Þegar litið væri á NATO í
heild, þá væri eindrægni inn-
an þess sennilega meiri og
betri nú en nokkru sinni síð-
ustu 20 ár.
Nánar verður skýrt frá
þessum fundi Richard R.
Burts með íslenzkum frétta-
mönnum síðar hér í blaðinu.
Frá fyrsta símalínufundi frétta-
manna, sem haldinn er hér. Á
fundinum, sem fram fór í
Menningarstofnun Bandaríkj-
anna við Nesveg í Reykjavík,
var rætt við Richard R. Burt í
Washington. Á myndinni eru
talið frá vinstri: Kenneth Yat-
es, fulltrúi hjá Menningar-
stofnuninni, Marshal Brement,
sendiherra USA, Einar Sigurðs-
son, fréttamaður útvarps, Guð-
mundur Pétursson, fréttamað-
ur DV, Bogi Ágústsson, frétta-
maður Sjónvarps, Jón Krist-
jánsson, fréttamaður Tímans,
Magnús Sigurðsson, fréttamað-
ur Morgunbl. og Ólafur Gísla-
son, fréttamaður Þjóðviljans.
Hafnarfjarðarbær
hugleiðir kaup
á klaustrinu í
Hafnarfirði
HINN 10. janúar sl. leitaði Karmelíta-
reglan eftir því við bæjarstjórn Hafn-
arfjarðar að hún hugleiddi kaup á
klaustrinu í Hafnarfirði. En eins og
kunnugt er hafa nunnurnar hætt
klausturlífi hérlendis sakir þess hvað
reglan hér var orðin fáliðuð.
Guðbjartur Ólafsson bæjarritari
sagði, að eiígin ákvörðun hefði enn
verið tekin um kaup á klaustrinu,
en bæjarverkfræðingar hefðu skoð-
að húsið, og komist að þeirri niður- “
stöðu að það væri i góðu ásigkomu-
lagi miðað við aldur, en fyrsti
áfangi hússins var byggður 1939, en
seinna var byggt við 1955 og 1965.
Klaustrið hefur í kringum 1.200
ferm gólfflöt. Guðbjartur sagði að
málið yrði afgreitt einhvern tíma á
næstu vikum. Um það í hvað húsið
yrði nýtt ef af kaupum yrði, sagði
Guðbjartur að ein hugmyndin væri
sú, að þarna yrði tónlistarskóli, en
Tónlistarskóli Hafnarfjarðar á við
mikinn húsnæðisvanda að etja.
Fjögur sækja
um stööu
fréttamanns
FJÓRIR umsækjendur eru um stöðu
fréttamanns við útvarpið. Staðan er
auglýst frá 15. marz næstkomandi
og í sex mánuði.
Umsækjendur eru Atli Stein-
arsson, Birna Þórðardóttir, Stef-
anía Sigríður Bjarnadóttir og
Þorgrímur Gestsson. Umsóknirn-
ar voru lagðar fyrir fund út-
varpsráðs í gær og verður vænt-
anlega gengið frá ráðningu í stöð-
una í næstu viku
Rallye d’Islande:
Umsóknin komin
í GÆRMORGUN barst dómsmálaráðuneytinu umsókn frá rallýskipuleggj-
andanum franska, Jean-Claude Bertrand, um að halda hér á landi alþjóðlegt
rallý í ágústlok. Bcrtrand hefur unnið ötullega að því sl. ár að koma þessari
rallýkeppni á hér á landi, og hefur m.a. látið dreifa auglýsingaplakati um
keppnina um alla Evrópu.
Örn Sigurðsson hjá dómsmála-
ráðuneytinu sagði að sér fyndist
þetta heldur geyst af stað farið
hjá Frakkanum, að auglýsa
keppnina áður en hann hefur
fengið tilskilin leyfi til að halda
hana. „En okkur skilst að það hafi
tekið óvenjulega langan tíma að
vinna umsóknina og því hafi dreg-
ist að senda hana inn,“ sagði Örn.
„Ef við sjáum ekkert athugavert
við umsóknina munum við veita
leyfið, en með þeim fyrirvara þó,
sem alltaf er hafður, að Vegagerð-
in, ásamt lögreglustjórum og
sveitarstjórnum þeirra svæða sem
leiðin Iiggur um, hafi ekkert við
umsóknina að athuga."
Birgir Sigurðsson hjá Ferða-
málaráði sagði, að Ferðamálaráð
hefði ekki haft nein afskipti af
þessu máli, en fyrir skömmu hefðu
komið til sín nokkrir Frakkar með
upplýsingar um skipulag keppn-
innar og leiðarlýsingu. Hins vegar
hefði Ferðamálaráð ekkert gert til
að kynna keppnina.
Fiskteningar, físk-
bollur, skreið eða
saltfískur til Ghana
NÚ NTENDUR yfir fjársöfnun meAal landsmanna til hjálpar Ghanamönnum.
Ákveðið er að nota það fé, sem safnast til kaupa á íslenzkri framleiðslu og
senda til hinna hjálparþurfi. Ekki er enn Ijóst á hvern hátt söfnunarfénu
verður varið né heldur hversu mikið fé verður til ráðstöfunar. Meðal þess,
sem rætt hefur verið, er að kaupa niðursuðuvörur, og þá koma fiskbollur
helst til greina, skreið, herta þorskhausa eða saltfisk.
Guðmundur Einarsson. fram-
kvæmdastjóri Hjálparstofnunar
kirkjunnar, hélt í gær til Póllands
og þaðan liggur leiðin til Genfar í
Sviss. í farteski Guðmundar eru
ýmis sýnishorn af þeim vörum,
sem íslenzk fyrirtæki og stofnanir
hafa boðið til sölu vegna Ghana-
söfnunarinnar. Meðal annars eru
fiskteningar, sem unnir eru úr
möluðum þorskhausum.
Gunnlaugur Stefánsson hjá
Hjálparstofnun kirkjunnar sagði í
gær, að mörg fyrirtæki hefðu snú-
ið sér til söfnunaraðila og m.a.
boðist til að gefa skreið. Engin
ákvörðun hefði enn verið tekin um
hvað keypt yrði. í hjálparbeiðni
vegna ástandsins í Ghana hefði
áherzla verið lögð á matvæli og
lyf, og ljóst væri, að þörfin fyrir
hjálp væri gífurleg. Á næstunni
væri búist við að fjöldi hinna þurf-
andi ykist mjög, og að aðstoða
þyrfti um eða yfir 2 milljónir
manna fram í september. Gíró-
reikningur Ghanasöfnunarinnar
er 46000-1.
Opið í dag til kl 4
SAAB- eigendur athugið,
tökum þann gamla upp í nýjan
-eða seljum hann fýrir þig
ef þú vilt heldur. Mikil
eftirspurn tryggir hagstæð skipti.
TÖCCURHR
SAAB
UMBODID
BÍLDSHÖFÐA 16, SÍMAR 81530-83104