Morgunblaðið - 13.11.1983, Blaðsíða 25

MORGUNBLAÐIÐ, SUNNUDAGUR 13. NÓVEMBER 1983
73
Gleymdi ég einhverju?
»ig á þessu?“
Lagt á borð eftir kúnstarinnar reglum.
Og uppvaskið verður ekki umflúið á
cndanum ...
KetHI Axelsson, kaupmaöur.
„Vonast til
að verða
sjálfbjarga
segir Ketill Axelsson
kaupmaður
„Þegar ég kom heim úr vinnunni
einn daginn tilkynnti konan mín
mér að hún væri búin að skrá mig á
þetta námskeið. Sennilega hefur
hún frétt af tvíbökuáti mínu í sumar-
húsi okkar í sveitinni og ofboðið
það!“ sagöi Ketill Axelsson, kaup-
maður.
„Ég kann að sjóða fisk, og þetta
allra nauðsynlegasta, en meira er
það nú ekki. Það er jú lengi hægt
að lifa á góðum fiski, en konan
vildi sem sé að ég lærði fleira."
Ketill sagðist ekki hafa hugsað
sér að leysa eiginkonuna af í eld-
húsinu, en hugmynd hans væri sú
að aðstoða hana þar í viðameiri
heimboðum. „Það er full mikil til-
ætlunarsemi að láta hana eina sjá
um alla matargerð í stærri veisl-
um,“ sagði hann.
„Ég vonast til að verða sjálf-
bjarga í eldhúsinu að loknu þessu
námskeiði. Það hefur verið dá-
samlega skemmtilegt í þessum
matreiðslutímum,“ sagði Ketill.
Kristján Loftsson, framkvæmda-
stjóri.
„Beiti
bara
dósahnífnum“
segir Kristján Lofts-
son framkvæmdastjóri
„Eins og er um fleiri hér var ég
boóaöur hingað af kunningja, og
varð engrar undankomu auðið.
Kunningi minn hafði frétt að ég
beitti dósahnífnum einu verkfæra í
eldhúsinu, og fannst það ekki ná
nokkurri átt,“ sagði Kristján Lofts-
son, framkvæmdastjóri.
„Hreint út sagt þá kann ég ekk-
ert í matargerð, og beiti bara
dósahnífnum. Ég helli ekki einu
sinni upp á könnuna, heldur laga
mér skyndikaffi."
Kristján sagðist vonast til að
taka einhverjum framförum á
námskeiðinu, og virtist vera nokk-
uð ánægður með árangurinn fram
að þessu. „Það hefur að minnsta
kosti engum orðið meint af því
sem ég hef mallað hérna," sagði
hann.
„Eina eldhúsverkið sem ég virð-
ist kunna virkilega vel er að
skræla kartöflur. Þegar ég fór að
skræla hér í eldhúsinu og undrað-
ist hvað ég átti auðvelt með hand-
brögð, rifjaðist það upp fyrir mér
að ég var mikið við skrælingar um
borð í Hval I þegar ég var messi
sumarið 1956.
Jón Eggertsson, tollvörður.
„Flaskaá
tæknilegu
atriðunum“
segir Jón Eggertsson
tollvörður
„Félagi minn, Karl Hinriksson,
sem er hérna á námskeiðinu, hafði
samband við mig og fékk mig til að
koma hingað. Ilann vissi að ég er
mikill matmaður, og ætti erfitt með
að standast freistingar af þessu
tagi,“ sagði Jón Eggertsson, toll-
vörður.
„Ég get búið til einföldustu
máltíðir, og með herkjum get ég
lagað kaffi. Ég er aldrei klár á því
hve lengi á að sjóða mat eða
steikja, og á hvaða hitastigi. Það
eru svona tæknileg atriði sem ég
flaska á, og vil bæta úr því með
því að sækja þetta námskeið,"
sagði hann.
Jón kvaðst hafa áhuga á því að
vera sem mest í eldhúsinu heima
hjá sér, ef hann kæmist hjá upp-
vaskinu. Hann sagðist hjálpta til
þar töluvert, en liti á sig sem með-
reiðarsvein konunnar í eldhúsinu.
„Það er enginn vafi á því að það
stefnir í það að karlar sinni mat-
seld til jafns við konur,“ sagði
hann „Maður sér það á svona
námskeiði að við getum þetta engu
síður en þær.“
„Hef alltaf
haft gaman
af matseld“
segir Ólafur Guö-
mundsson sölustjóri
„Ketill vinur minn Axelsson
hringdi í mig og sagði að ég va-ri
Ixikaður á þetta námskeiö, og það
þýddi ekkert að mögla. Kaunar hafði
ég heldur ekki ásta-ðu til þess því ég
Ólafur Guðmundsson, sölustjóri.
hef alltf haft gaman af matseld, og
hafði ekkert á móti því að koma
hingað,“ sagði Olafur Guðmunds-
son, sölustjóri.
Ólafur kvaðst kunna að sjóða
fisk, og fullyrti að kunnátta sín
næði lengra og tæki til steikinga,
sósugerðar, súpugerðar o.fl. dá-
semda i heimi matargerðarlistar-
innar. „Ég get búið til einfaidan
mat, enda hef ég verið að fikta við
þetta að gamni mínu í mörg ár,“
sagði hann.
„Ég er hingað kominn vegna
þess að ég hef gaman af því að búa
til mat, og er ánægður ef ég læri
að búa til sómasamlegan mat.“
Ólafur sagðist ekki eiga von á
því að verða skikkaður í eldhúsið
heima að námskeiðinu loknu.
Hann hefði raunar verið þar með
annan fótinn lengi, og á því yrði
engin breyting.
„Ekki
vantraust
á konuna“
segir Haukur
Kristinsson vélstjóri
„Mér finnst ég þurfa að geta eld-
að á sama hátt og konan mín. Annað
er ekki lengur við hæfi. Þaö að ég er
hingað kominn er sannarlega ekki
vantraust á eldamennsku hennar.
Ilún hvatti mig frekar en hitt,“ sagði
llaukur Kristinsson, vélstjóri.
Hann kveðst kunna harla lítið í
matseld. „Ég get soðið mat, pyls-
ur, fisk o.þ.h., og sinnt allra nauð-
synlegustu eldhúsverkum, en lítið
annað.“
Haukur sagðist ætla að prófa
sig fram í matargerð af varfærni á
næstunni, og vildi meina að æfing-
in skapaði meistarann á þvi sviði
sem öðrum.
„Ég er ekki í pokkrum vafa um
að ég fæ að spreyta mig í eldhús-
inu heima þegar þessu námskeiði
er lokið," sagði hann, en kvaðst
ekki óttast að verða lokaður þar
inni til frambúðar.
Ilaukur Kri.stinsson, vélstjóri.