Morgunblaðið - 03.02.1984, Blaðsíða 3
MORGUNBLAÐIÐ, FÖSTUDAGUR 3. FEBRÚAR 1984
3
Kjarvalsstaðir:
120 þúsund
gestir á síð-
asta ári
UM 120 þúsund gestir komu á
sýningar og aðra listviðburði á
Kjarvalsstöðum á árinu 1983,
samkvæmt upplýsingum sem
Morgunblaðið fékk hjá Þóru
Kristjánsdóttur listráðunaut á
Kjarvalsstöðum í gær. Þóra
sagði þetta vera um 20% aukn-
ingu frá árinu áður, þegar um
100 þúsund manns komu á sýn-
ingar í húsinu.
„Aðsókn hefur vaxið jafnt og
þétt síðari ár,“ sagði Þóra „og lík-
lega er aðsóknin í fyrra sú mesta
frá upphafi. Það skal þó tekið
fram að ég hef ekki tölur frá
fyrstu árunum, en þá komu marg-
ir hér enda húsið nýtt. Ég veit
ekki hvað veldur þessum aukna
áhuga, en vonandi fer þar saman
aukinn áhugi á myndlist og
ánægja með þær sýningar, sem
hér hafa verið haldnar. Einnig
getur það átt þátt í vaxandi að-
sókn að við erum oft með fleiri en
eina sýningu í gangi í einu, þannig
að fólk getur séð mismunandi list-
sýningar í einni og sömu ferðinni
að Kjarvalsstöðum."
Einangrun lesta Ljósafoss:
Slippstöðin
átti lægsta
tilboðið
Akureyri, 2. fehrúar.
EIMSKIPAFÉLAG íslands hf. bauö
nýlega út verkefni við að einangra
lestir Ljósafoss. Bánist tilboð frá
þremur innlendum skipasmíðastöðv-
um og fimm erlendum.
Ekki tókst að afla upplýsinga
um upphæð tilboðanna hjá Eim-
skip í dag en skv. heimildum Mbl.
var tilboð frá Slippstöðinni á Ak-
ureyri lægst og munaði allt að
helmingi á því og hæsta tilboðinu,
sem var erlent.
Sveinn Ágústsson hjá Eimskip
sagði í viðtali við Mbl. í dag, að
ekki væri unnt að greina frá til-
boðsupphæðum að svo stöddu.
Fyrir lægi að jafnframt því að
lestir skipsins yrðu einangraðar
þyrfti að fara fram tólf ára flokk-
unarviðgerð og ætti eftir að leita
tilboða í hana. Sveinn kvað þá
Eimskipsmenn hafa fullan hug á
að láta vinna bæði verkefnin inn-
anlands.
Sigurður Ringsted hjá Slipp-
stöðinni sagði að tilboð stöðvar-
innar í einangrun lesta hafi verið
lægst allra tilboða og að þeir
gerðu sér góðar vonir um að fá
verkið. Einnig vonuðust þeir eftir
að fá tólf ára flokkunarviðgerðina.
— G.Berg.
Léttvín ekki
heimilað
í matvöru-
verslunum
Ríkisstjórnin ákvað á fundi sínum
í gærmorgun að verða ekki við
beiðni Kaupmannasamtakanna um
að heimilað yrði að selja létt vín í
matvöniverslunum.
Albert Guðmundsson fjármála-
ráðherra sagði í viðtali við Mbl. í
gær, að hann hefði gert ráðstafan-
ir í ráðuneyti sínu til að Kaup-
mannasamtökunum yrði tilkynnt
um niðurstöðu ríkisstjórnarinnar.
Hann kvaðst ekki geta sagt frá af-
stöðu einstakra ráðherra, en það
hefði verið samþykkt að verða
ekki við þessu erindi.
Kankvís
komin í
fiskinn
á ný
Vinnsla hófst að nýju í
fiskiðjuveri Bæjarútgerð-
ar Reykjavíkur í gærmorg-
un, en togarinn Hjörleifur
kom til Reykjavíkur á
miðvikudagsmorgun.
Mor^unblaöið RAX.