Morgunblaðið - 03.02.1984, Blaðsíða 26
MORGUNBLAÐIÐ, FÖSTUDAGUR 3. FEBRÚAR 1984
26
Flumbra þarf að sjóða mikinn graut handa tröllastrákunum sínum.
Tröllin aftur í Iðnó
Á sunnudaginn kemur, 5. febrúar, hefjast á ný sýningar á „Tröllaleikj-
um“ Leikbrúðulands í Iðnó. Þættirnir heita: Ástarsaga úr fjöllunum
eftir Guðrúnu Helgadóttur, Búkolla, og Eggið og Draumlyndi risinn.
Sýningar verða framvegis á sunnudögum kl. 15.00.
Bolungarvík
Eldvarnanámskeið
haldið fyrir sjómenn
Bolungarvík, 2. febrúar.
Á FUNDI sínum í desember sl. ákvað skipstjóra- og stýrimannafélagið
Bylgjan að efna til eldvarnanámskeiðs fyrir áhafnir allra fiskiskipa yfir 30
smál. á félagssvæði sínu sem er Vestfirðingafjórðungurinn.
Félagið leitaöi til Guðmundar
Helgasonar slökkviliðsstjóra á
ísafirði, og tók hann málaleitan
félagsins vel og hefur hann annast
allan undirbúning og skipulagn-
ingu og kann félagið honum mikl-
ar þakkir fyrir alla þá vinnu.
Fyrsta námskeiðið var haldið
hér í Bolungarvík þann 24. jan. sl.
Fyrrihluta námskeiðsins, sem
samanstóð af fyrirlestri Guð-
mundar Helgasonar slökkviliðs-
stjóra og sýningu kvikmynda, sátu
áhafnir skuttogaranna Dagrúnar
og Heiðrúnar. Seinni hluti nám-
skeiðsins, sem voru verklegar æf-
ingar, fór fram um borð í Dag-
rúnu, en gert er ráð fyrir að slíkar
æfingar fari fram um borð í Heið-
rúnu við næstu inniveru. Um borð
í Dagrúnu voru fyrst skoðuð og
reynd reykköfunartæki skipsins,
áhafnarmeðlimir voru látnir setja
á sig tækin eftir að límt hafði ver-
ið fyrir grímuna þannig að við-
• komandi gæti ekki séð út um
JNNLENT
hana, þannig útbúnir áttu þeir að
leysa verkefni sem fólst í því að
finna mann í borðsal skipsins.
Að þessu loknu voru skipsmenn
látnir slökkva eld með hand-
slökkvitækjum og þeim kynntar
hinar ýmsu tegundir þeirra tækja,
auk þess sem kannað var hvort
áhöfnin væri með á staðsetningu
þeirra um borð, en um borð í
Dagrúnu eru um 22 handslökkvi-
tæki.
Þá voru brunadælur og bruna-
slöngur skipsins reyndar, en þar
reyndist pottur brotinn því slöng-
ur þær sem reyndar voru gáfu sig
og er því þarft að endurnýja þær
sökum aldurs en Dagrún er 9 ára
gamalt skip.
Áhafnarmeðlimir Dagrúnar
töldu slík námskeið ákaflega þörf
og að of lítið væri hugaö að þess-
um málum þar sem mikið væri í
húfi og nauðsyn að bregðast rétt
við á hættustund.
Að tilhlutan skipstjóra- og
stýrimannafélagsins Bylgjunnar
samþykktu útgerðir skipa á fé-
lagssvæðinu að greiða allan kostn-
að við námskeið þessi.
Að sögn formanns skipstjóra-
og stýrimannafélagsins Bylgjunn-
ar, Guðmundar M. Kristjánsson-
ar, er fyrirhugað námskeið í slysa-
hjálp um borð í fiskiskipum að af-
loknum þessum eldvarnanám-
skeiðum.
— Gunnar
Ályktun trúnaðarráðs starfsmannafélags ríkisstofnana:
Ekki verði hvikað frá
kröfunni um 15 þúsundin
Trúnaðarmannaráðsfundur
Starfsmannafélags ríkisstofnana
sem haldinn var 31. janúar síðastlið-
inn lýsir undrun sinni á seinagangi
og neikvæðum viðbrögðum viðsemj-
enda opinberra starfsmanna í þeim
viðræðum sem nú standa yfir um
kröfugerö BSRB, segir meðai annars
í ályktun sem Morgunblaðinu hefur
borist
Þar segir ennfremur:
„Fundurinn leggur áherslu á að
samningagerðum verði flýtt, svo
þær kjarabætur sem um verður
samið, komi þeim strax til góða,
sem mesta þörfina hafa. Mikils-
vert er að sá skilningur stjórn-
valda vakni fyrir því sjónarmiði,
sem fram kemur í kröfugerð
BSRB, að lögð verði megináhersla
á bætur fyrir þá lægst launuðu er
þola enga bið. Stjórnvöldum ber
skylda til að láta af einstreng-
ingslegri afstöðu sinni og skilja
þann vilja sem fram hefur komið
hjá launþegum til að axla með
öðrum þau vandamál, sem blasa
við þegnum landsins, og varða
lífsafkomu þeirra og atvinnu.
Fundurinn krefst þess að
stjórnvöld finni leið til að stemma
stigu við óbilgjörnum og stig-
hækkandi álögum sveitarfélag-
anna, sem í engu hafa viljað láta
af sínu. Hækkuð þjónustugjöld,
útsvör, fasteignagjöld og lækkað-
ar barnabætur eru ljós dæmi um
skilningsleysi stjórnvalda.
Fundurinn leggur áherslu á að í
engu verði hvikað frá kröfum
BSRB og hvetur til órofa sam-
stöðu um kröfuna um 15.000 króna
lágmarkslaun fyrir dagvinnu.
Fundur trúnaðarmannaráðs
SFR fordæmir þá starfshætti sem
einstakir ráðherrar hafa tamið sér
í samskiptum við starfsfólk sitt
með upphrópum og fullyrðingum í
fjölmiðlum um sölu eða niðurlagn-
ingu á ýmissri opinberri þjónustu,
án undangenginna athugana. Um-
ræða um gagnsemi eða þörf fyrir
störf opinberra stofnana er sjálf-
sögð og eðlileg og hvort þær full-
nægi þeim kröfum sem til þeirra
eru gerðar, eða breytinga, sé þörf
sem þjóni samtíðinni.
Sjálfsagt er að taka til endur-
skoðunar þarfir þjóðfélagsins, og
þjónustustofnana þess. Það er
jafn sjálfsagt að gera það með
þeim hætti að hún valdi sem
minnstri óþarfa röskun og óþæg-
indum fyrir starfsmenn sem við
þær starfa.
Starfsfólk sem sett er undir
mæliker orðhvatra ráðamanna
verður fyrir margvíslegum óþæg-
indum vegna umtals, þar sem
jafnvel er látið að því liggja að
störf þeirra séu óþörf eða betur
komin í annarra höndum.
Fundurinn krefst þess að ráða-
menn taki upp vinsamlegri vinnu-
brögð í samskiptum við launafólk,
og spari stóryrðin, sem eru til þess
eins fallin að hindra eðlileg sam-
skipti en vekja ýfingar og óþarfa
tortryggni milli aðila, öllum til
óþurftar og skaða."
Guðmundur Helgason kynnir áhöfn mb. Dagrúnar notkun og meðferð reyk-
köfunartækja.
Austurbæjarbíó:
Næturvaktin
Austurbæjarbíó hefur nú tekið til
sýningar bandarísku gamanmyndina
Næturvaktin.
Myndin greinir frá ævintýrum
þeirra Chuck og Bill, starfsmanna í
iíkhúsi í New York. Bill telur sig
mikinn hugvitsmann og finnst það
með öllu óhæft að nota ekki rólegar
stundir í vinnunni til að afla auka-
penings. Finnur hann upp á ýmsu í
því skyni.
Leikstjóri er Ron Howard, en tón-
list er eftir Burt Bacharach. Aðal-
leikendur eru Henry Winker og
Michael Keaton.
Tónleikar
Vonbrigða
í kvöld
Hljómsveitin Vonbrigði heldur
sína fyrstu opinberu tónleika á árinu
í Félagsstofnun stúdenta í kvöld. Á
tónleikunum mun hljómsveitin flytja
nýja tónlist, sem margir munu vænt-
anlega ekki hafa heyrt áður. Tón-
leikarnir í kvöld verða einir fárra
áður en hljómsveitin heldur í hljóð-
ver.
Auk Vonbrigða koma hljóm-
sveitirnar Jói á hakanum og
Lojpipos og Spojsippus fram á
þessum tónleikum. Báðar eiga
nokkuð langan feril að baki, en
hafa ekki efnt til margra tónleika.
Mannabreytingar hafa orðið í síð-
arnefndu sveitinni og er þetta í
fyrsta sinn, sem hún kemur fram í
núverandi mynd.
Tónleikarnir í kvöld hefjast kl.
22 og þeim lýkur klukkan 1 eftir
miðnætti.
Hljómsveitin Vonbrigði.
Félagsheimili KFUM
ogKí Keflavík vígt
SAMBAND íslenskra kristniboðs-
félaga hefur haft þann hátt á und-
anfarin ár að efna til kristniboðs-
viku til kynningar á starfsemi
sinni utanlands og innan.
Nú stendur yfir í Keflavík
æskulýðs- og kristniboðsvika og
í því tilefni var félagsheimili
KFUM og K vígt.
Séra Jónas Gíslason, lektor,
framkvæmdi vígsluna að við-
stöddum fjölda gesta og velunn-
ara starfsins. Húsið stendur við
Hátún 36, að grunnfleti 160 mz,
þar var áður brauðgerðarhús,
sem endurbyggja varð að lang-
mestu leyti. Hafa þar margar
fórnfúsar hendur unnið mikið og
óeigingjarnt starf, frá því að
húsið var keypt í júní 1981.
Eftir mjög rysjótt veðurfar
dagana fyrir vígsluna var veður
hið besta vígsludaginn og færð
góð, auðveldaði það mjög loka-
undirbúninginn og gaf samkom-
unni aukinn hátíðarblæ.
Að lokinni vígslu og dagskrá
henni samfara var viðstöddum
boðið til kaffidrykkju í hinu ný-
vígða húsi. Samkomur hafa verið
í húsinu á hverju kvöldi það sem
af er vikunni og verða áfram allt
til sunnudags 5. febrúar, hefjast
þær kl. 20.00. Aliir eru velkomn-
ir á samkomurnar, sem bæði eru
sniðnar við hæfi barna og full-
orðinna. (FrélUlilkynning)
Frá vígslu félagsheimilis KFUM og K í Keflavík.
Morgunbladid/Heimir Stígsson.