Morgunblaðið - 03.02.1984, Blaðsíða 17

MORGUNBLAÐIÐ, FÖSTUDAGUR 3. FEBRÚAR 1984
17
Helgi Óskarsson ásamt Tódur sínum, Óskari Einarssyni (t.v.) og Óskari Sigurpálssyni, þjálfara (t.h.). Helgi stundar nú heilsurækt í Orkubót undir umsjón þjálfarans Óskars
MorgunbiadiA/júiíus. Sigurpálssonar, sem er með honum á myndinni.
Bjartsýnn á að Trygginga-
ráð komi til mðts við okkur
— segir Óskar Einarsson, faöir Helga
Óskarssonar sem væntanlega fer í aðra
fótaaðgerð til Sovétríkjanna í febrúar
„Helgi hefur tekið stórkostlegum
framförum á árinu sem liðið er frá
því fótleggir hans voru lengdir.
Hann fer ferða sinna sjálfur, stund-
ar líkamsrækt og hefur aukið þol og
styrk. Ekki síst eru þessar framfar-
ir ómetanleg andleg uppörvun fyrir
hann og núna stefnum við feðgar að
annarri ferð til Sovétríkjanna. Þar
mun Helgi gangast undir aðgerð
þar sem læri hans verða lengd um
16 sm,“ sagði Óskar Einarsson í
samtali við Morgunblaðið.
Óskar er faðir Helga Óskars-
sonar, 14 ára drengs, sem kom í
fyrravetur heim eftir ellefu mán-
aða sjúkrahúsvist í Kurgan í Sov-
étríkjunum. Þar voru fótleggir
hans lengdir um 15 sm og var
Óskar með syni sínum allan tím-
ann, enda reglur sjúkrahússins
þær að foreldri fylgi sjúklingum
sem ekki eru fullorðnir. Helgi fór
síðan utan í sumar til eftirlits, en
nú er liðið það ár sem hann þarf
að hvílast á milli aðgerða."
Hvenær verður seinni aðgerðin
framkvæmd?
„Við leggjum væntanlega upp í
næstu ferð þann 18. febrúar, en
það er ekki endanlega ákveðið,"
sagði Óskar. „Sjúkrahúsvistin er
greidd af Sovétmönnum, en ann-
ar sjúkrakostnaður ekki. Ég fór
þess á leit við Tryggingaráð að fá
greiddan kostnað við dvöl mína
þarna þegar Helgi fór í fyrstu að-
gerðina og nú veltur á því hvort
við fáum hann borgaðan. Pening-
arnir ganga þá beint upp í ferðina
í febrúar.
Tryggingaráð kostaði ferð
Helga til eftirlits í sumar og ég er
þakklátur fyrir það. Ég er bjart-
sýnn á að Tryggingaráð komi til
móts við beiðni mína, enda get ég
ekki ímyndað mér að menn séu
hræddir við sjúkrahúskostnað
sem þennan í framtíðinni. Það
eru um tíu íslenskir einstaklingar
byggðir eins og Helgi sem þyrftu
samskonar meðferð. Síðan ber að
hafa það í huga að ef hægt væri
að framkvæma þessa aðgerð hér-
lendis myndi kostnaðarhliðin lík-
legast nema fjórum sinnum
þeirri upphæð sem við erum að
fara fram á.
Hinsvegar er það ljóst að ef ég
fæ ekki greitt fyrir fyrstu ferðina
eru engir möguleikar á að Helgi
geti farið í seinni aðgerðina því
að foreldri verður hann að hafa
hjá sér, það eru reglur sjúkra-
hússins."
A hvaða forsendum æskir sjúkra-
húsið að foreldri fylgi sjúklingi?
„Það er náttúrulega fyrst og
fremst til að byggja hann upp
andlega og veita honum stuðning
meðan á sjúkrahúsdvölinni
stendur. Ég annast hann í tólf
tíma á dag og þjálfa hann upp
líkamlega. Síðasta aðgerð fór
þannig fram að fótleggirnir voru
tvíbrotnir, settir í spelkur og
smám saman teygt á hvorum
fæti. Þetta er því löng og kvala-
full aðgerð fyrir Helga."
Hver hafa viðbrögð manna verið
hérlendis?
„Við höfum mætt góðum skiln-
ingi almennings, yfirvalda og
flestir læknar hafa sýnt þessu
mikinn áhuga, þó ekki allir. Þeir
af íslenskum læknum sem hafa
kynnt sér þessa aðgerð mæla
mjög með henni og það er
ánægjuefni."
Hversu langan tíma tekur að-
gerðin nú?
»Ég á von á að seinni aðgerðin
taki svipaðan tíma og sú fyrri. Ég
get ekki annað en verið stoltur af
Helga fyrir að halda ótrauður
áfram, því að þetta er mikið and-
legt álag. En kannski er andlega
þjáningin við að lifa með fötlun-
ina öllu meiri, fyrst hann er
reiðubúinn að leggja allt þetta á
sig. Vonandi komumst við í
febrúar til prófessors Ilesarov
sem Helgi var hjá áður. Hann er
viðurkenndur færasti og reynslu-
mesti læknirinn á þessu sviði.
Hjá honum eru dagsdaglega 30 til
40 sjúklingar, byggðir eins og
Helgi, og biðlistinn er langur. Því
gæti farið svo að Helgi þyrfti að
bíða eftir aðgerð í þrjú ár til við-
bótar ef hann kemst ekki að nú.
Að síðustu vil ég nota tækifær-
ið og þakka öllum almenningi
fyrir dásamlega velvild og hlýju
sem það hefur sýnt syni mínum.
Slíkt er ómetanlegt," sagði Óskar
Einarsson að lokum.