Morgunblaðið - 24.07.1984, Blaðsíða 62

62
MORGUNBLAÐIÐ, ÞRIÐJUDAGUR 24. JÚLÍ 1984
Einar Elíasson, stjórnarfonnadur Eldbergs hf„ fyrir miðri mynd, ásamt
Þjóðverjunum Hans-Thomas Winter, t.v., og Erik Klirz.
íslenskur vikur
ÍSLENSKUR vikur verður notaður
í byggingar í Þýskalandi innan tíð-
ar. Fyrirtiekið Eldberg hf., sem er í
eigu Jarðefnaiðnaðar hf. á Selfossi
og þýska fyrirtckisins UBG, hefur
nú sett upp hreinsibúnað fyrir vik-
ur við Heklurætur.
Forsaga þessa er sú, að í lok
síðasta árs og í byrjun þessa
flutti Jarðefnaiðnaður hf. nokk-
uð magn af óunnum vikri til
V-Þýskalands, en þar í landi hef-
ur vikur lengi verið notaður í
steyptar húseiningar. Islenski
vikurinn reyndist ekki nógu
hreinn til að uppfylla kröfur
Þjóðverja og var því ráðist í að
hanna og framleiða vélasam-
stæðu til hreinsunar. Eldberg hf.
hóf hreinsun á vikrinum í síð-
ustu viku og voru forsvarsmenn
fyrirtækisins afar bjartsýnir á
framhaldið.
Einar Elíasson, stjórnarfor-
maður Eldbergs hf., sagði í sam-
tali við blm., að íslenskur vikur
ætti örugglega eftir að hasla sér
völl á erlendum mörkuðum, sér-
staklega þeim þýska. „Vikurinn
er notaður í húseiningar, sem
uppfylla ströngustu kröfur um
styrkleika og einangrun," sagði
Einar. „Við höfum fullan hug á
að steypa þessar einingar sjálfir
og byggja úr þeim hér á landi, en
fyrst verðum við að gera rann-
sóknir á vatnsþoli þeirra, því hér
gerir mikil slagveður. Við viljum
ekki flana að neinu og ekki setja
vöru á markað, sem ekki er ör-
ugg. Þjóðverjar eru nú að hanna
nýja tegund steina úr vikri, sem
hafa vatnsþétt ytra byrði og sú
gerð mun að öllum líkindum
henta okkar aðstæðum mjög
vel.“
Hans-Thomas Winter, stjórn-
armaður Eldbergs og eigandi
v-þýska fyrirtækisins Beweco, er
Hreinsunarbúnaður fyrir vikur. Fremst á myndinni sést ker, sem óunnum vikrí er mokað í. Hann berst eftir
færibandi í vél, sem skilur grófan vikur frá flnni og hreinsar jafnframt óhreinindi úr vikrinum. Grófi vikurinn er
malaður smátt, en vikurinn er þó seldur í tveimur kornastærðum. Morgunbiaðið/Ragnhiidur
seldur til Þýskalands
nú staddur hér á landi ásamt
tæknilegum framkvæmdastjóra
sínum, Erik Kúrz. Erik hafði orð
fyrir þeim félögum og lýsti yfir
mikilli ánægju þeirra með ís-
lenska vikurinn. „Við höfum vik-
ur í V-Þýskalandi og höfum unn-
ið úr honum hingað til,“ sagði
hann. „Okkar vikur er hins vegar
það óhreinn að 60% hans nýtist
ekki. Við hreinsun á islenska
vikrinum tapast ekki nema um
5% og sá munur er það mikill, að
það borgar sig að flytja efnið til
V-Þýskalands, þrátt fyrir flutn-
ingskostnað."
— Hvers vegna er vikur
notaður í húseiningar?
„Vikur einangrar mjög vel. í
Þýskalandi eru lög, sem kveða á
um orkusparnað og með notkun
vikursins er hægt að spara V3 af
orkukostnaði, miðað við önnur
hús. Við notum Heklu-vikurinn í
útveggi og þá þurfum við ekki á
einangrun úr plastefnum að
halda, en með hækkandi olíu-
verði hækkar verð á plasti.
Notkun vikursins er því mjög
hagkvæm lausn,“ sagði Erik
Kúrz að lokum.
v
Líklegt er, að vikur frá íslandi
verði notaður víðar en í
V-Þýskalandi, því Englendingar
hafa sýnt þessari byggingarað-
ferð mikinn áhuga. Enskt bygg-
ingarfyrirtæki, eitt af 5 stærstu
þar í landi, sendi t.d. fulltrúa
sinn hingað til að kynna sér að-
stæður og var fulltrúinn, Drake
að nafni, hrifinn af því sem fyrir
augu bar. „Við Englendingar
höfum ekki notað vikur í bygg-
ingar hingað til,“ sagði Drake,
„en þar sem einangrunarefni
verða sífellt dýrari með hækk-
andi olíuverði, þá verðum við að
kanna þennan möguleika. Við
gætum byrjað innflutning síðar
á þessu ári, en til að byrja með
ætlum við að kaupa 20 tonn til
reynslu. Sjálfur er ég fylgjandi
því að kaupa vikur frá íslandi, í
stað t.d. Grikklands, því matur-
inn hér er miklu betri en þar og
því ánægjulegra að koma hingað
í viðskiptaerindum," sagði Drake
og brosti við.
Eldberg hf. mun framleiða um
30 þúsund tonn af hreinsuðum
vikri á þessu ári, 60 þúsund á því
næsta og 100 þúsund tonn 1986.
Hreinsunarbúnaðurinn afkastar
um 90 tonnum á klukkustund og
er áætlað að fyrsti skipsfarmur-
inn fari til V-Þýskalands um
miðjan ágúst og verða það 5 þús-
ur.d tonn. Jarðefnaiðnaður hf. á
20% hlutafjár í sölufyrirtækinu
ISBI, sem mun vinna að vöru-
þróun og markaðsmálum i Mið-
Evrópu.
Húsavík:
Hafa dreift um 260
tonnum f áburðarflugi
Húsatík, 16. júlí.
STARFSMENN landgræðsl-
unnar voru við störf í Þingeyj-
arsýslu fyrir nokkru, og höfðu
bækistöð á Aðaldalsflugvelli.
Að venju voru flugmenn frá
Flugleiðum í hópnum, þaö voru
þeir Hilmar Baldursson og Páll
Stefánsson sem flugu vél
græðslunnar Páli Sveinssyni
að þessu sinni.
Starfsmenn voru í óða önn að
fylla tank flugvélarinnar áburði
þegar tíðindamann Mbl. bar að
garði, og voru hálfberir við vinnu
sína enda orðnir kaffibrúnir af
allri sólinni, en veður hafa þeir
haft mjög gott hér og sögðust vera
lítið hrifnir af að fara aftur suöur
í rigninguna.
Stefán H. Sigfússon fulltrúi
sagði að verkið hefði gengið mjög
vel og unnist á mettíma, aðeins 5
dögum.
Stefán sagði þá vera búna að
fljúga með um 260 tn af áburði, í
um 20 girðingar og önnur ógróin
en illa farin svæði, m.a. vegna
ágangs sauðfjár, og hefði sumt
verið unnið í samvinnu við hlutað-
eigandi sveitarfélög.
Það er ekki haft hátt um alla þá
sjálfboðavinnu sem flugmenn
Flugleiða skila til þjóðarinnar við
landgræðslu, það er ekki ofsagt að
þeirra störf séu ómetanleg, aðeins
á þessu sumri hafa þeir flogið 400
flugtíma á Páli Sveinssyni og svip-
að undanfarin ár, en oft er því
haldið meira á lofti sem miður er
gert en því sem vel er gert.
Þegar flogið var með áburðinn
mátti víða sjá árangur baráttu við
auðn og grjót, en vinsæll er bless-
aður nýgræðingurinn hjá sauð-
fénu því vfða var það að naga
hann og helst þar sem hann er rétt
að koma upp úr urðinni og er á
viðkvæmu stigi.
Áhöfnin á Páli Sveinssyni var
ekki í nokkrum vandræðum með
að fljúga lágflug við hin erfiðustu
skilyrði og dreifa áburðinum, og
var sannarlega gaman bæði að sjá
til þeirra og frjúga með þeim. Auk
þeirra Hilmars og Páls var Hann-
es Thorarensen flugvirki og flug-
maður landgræðslunnar um borð,
og stjórnaði hann dreifingunni.
Að jafnaði starfa sex menn við
fræ- og áburðardreifingu á hinum
ýmsu svæðum.