Morgunblaðið - 16.12.1984, Blaðsíða 45

MORGUNBLAÐIÐ, SUNNUDAGUR 16. DESEMBER 1984
C 45
MAGG
greip um herðar mér og bað mig um
að gera svo vel að haga mér skikk-
anlega, og dómarinn sagði sefandi:
„Vær nu rolig.“
Ég kvað' það varla hægt fyrir
heiðvirðan mann, þegar hann væri
kallaður lygari beint upp í andlitið
og sagt, að hann hefði ekki rétt til
að leiða sönnun að sakleysi sínu, og
það af lovens handhævere.
Bað hann mig að segja sögu
mína. Kvaðst ég geta það, þó að ég
hefði litlu, sem málið snerti, við að
bæta, og auk þess hefði hann á
blöðum fyrir framan sig framburð
minn frá fyrri yfirheyrslum.
Rakti ég nú söguna frá upphafi,
svo vel sem ég gat, því að hann var
alltaf að grípa fram í og reyna að
flækja mig, svo að ég hrópaði einu
sinni öskureiður:
„De skal bare ikke pröve pá at
forvirre mig, det kan De jo ikke!“
Og svo bætti ég við, að enda þó að
saga mín væri eintóm lygi, sem hún
ekki væri, myndi ég samt geta sagt
hana nákvæmlega eins svo ekki
skakkaði orði, svo oft sem hann
vildi, og hvað mikið, sem hann
reyndi að flækja mig. — Þá brosti
hann, en lét sig þó ekki.
Hann sagði, að ég hefði gefið
skipstjóranum allt aðra skýringu
en ég kvað það ósatt og myndi skip-
stjórinn hafa gleymt úr sinni
skýrslu. Hann kvað mig furðu vog-
aðan að segja skipstjóra gefa ranga
skýrslu. Ég hló. „Han er jo bare et
menneske," sagði ég.
Hann vildi ekki trúa því, að kons-
úllinn hefði sent mig um borð án
þess að segja skipstjóranum frá því,
því að það væri vaninn. „Kan
hænde,“ sagði ég, „men ikke í dette
tilfælde."
Sagði dómarinn þá, að ég skyldi
spyrja mann, sem sat við hliðina á
mér og leit út sem gamall skip-
stjóri, var víst frá DFDS [Samein-
aða gufuskipafélaginu], hver væri
venjan, þegar konsúllinn sendi
mann heim. Hann kvað það eins og
dómarinn segði og bætti því við, að
hann hefði aldrei heyrt aðra eins
sögu og mína um skipið Rana og
mínar mystísku 1500 kr. og fleira.
„Saa har De ikke været længe
nok til sös,“ hreytti ég út ur mér.
Naa, við þjörkuðum fram og aft-
ur í upp í klukkutíma. Ég varð hvað
eftir annað svo aðsúgsmikill, að
dómþjónninn, stór og þrekinn
náungi, varð að grípa inn í. Hann
ætlaði að gerast ósvífinn, en ég leit
stíft á hann og bað hann að be-
handle mig með höflighed. Honum
þótti ég vera fjandi stífur á mein-
ingunni, en lét svo vera.
Loks samdist svo með okkur, að
þeir skyldu síma til Newcastle þá
strax, en ekki trúði dómarinn mér
meir en svo, að hann bað mig nú að
játa strax til að spara þetta ómak
og segja sannleikann. Ég sagðist
því miður ekki geta sagt þeim ann-
an sannleika en þeir hefðu heyrt, og
þó að það væri ekki sannleikur,
myndi ég samt segja það sama [og
ég hefði sagt], því að mig tæki ekk-
ert sárt, þó að þeir ómökuðu sig.
Þeir brostu, J)ótti víst bæði skömm
og gaman að mér.
Dómþjónninn, sem fylgdi mér út,
gamall maður sköllóttur með rautt,
en vingjarnlegt nef sagði: „Ja,
Magnusson. Det var en haard
Dyst!“
Meðan við biðum þess að fara inrj
fyrir réttinn, vorum við inni í svo-
litlum klefum niðri, 2 og 2. í mínum
klefa var annar þessara tveggja Al-
byrginga, sem höfðu „stúvað“ [falið
sig í skipi] til Englands. Þeir voru
mjög nervösir vesalingarnir, bjugg-
ust við 100 kr. í sekt og 70 kr. i
fargjald hvor. Fengu þeir pappfr til
að skrifa heim og biðja um peninga.
Sá, sem var inni hjá mér, skrifaði
föður sínum. Það hlýtur að hafa
verið sárt fyrir þá að skrifa þau
bréf. Ég veit ekki, hvort þeir hafa
fengið peningana. Annars biðu
þeirra 19 dagar [í fangelsi].
Var mér síðan fylgt upp í klefa
minn af sama þjóninum. Spurði ég
hann, hvað byggingin væri gömul.
Kvað hann hana vera 150 ára. Var
ég hissa, að allt skyldi vera svo fínt
í svo gömlu húsi.
Sat ég nú um kyrrt, það sem eftir
var dagsins. Þóttist ég hafa staðið
mig vel.
Bók um áfengi
Agademian ’84 lýkur sunnudag
UNDANFARNAR tvær vikur hefur
staðið yfir í austursal Kjarvalsstaða
myndlistarsýning fimm listamanna
sem ber yfirskriftina AGADEMIAN
’84. Þeir sem sýna eru:
Steingrímur Þorvaldsson, sem
er með málverk unnin á striga og
útsagaðar tréplötur. Öll verkin
voru gerð í Svíþjóð á þessu ári þar
sem hann hefur verið við nám í
Listaháskólanum í Stokkhólmi
síðastliðin tvö ár.
Magnús V. Guðlaugsson sýnir
nokkrar „málaðar skissur" unnar
á þessu ári. Þessi verk voru á
einkasýningu hans í Middelburg í
Hollandi í mars á þessu ári.
Stefán A. Valdimarsson sýnir
stór málverk gerð á þessu ári bæði
á íslandi og í Hollandi þar sem
hann stundar nú nám.
Ómar Skúlason, en hann sýndi
síðast í Listmunahúsinu fyrir
hálfum mánuði þar sem myndir
hans hlutu misjafna dóma gagn-
rýnenda.
Pétur Stefánsson („BIG NÓS“)
sýnir blýantsteikningar, en Pétur
hefur verið kallaður fyrsti
„pönkmálarinn" á íslandi.
Sýningunni lýkur sunnudaginn
16. des. kl. 22.00. (Úr fréttatilk.)
ÚT ER komin hjá Iðnskólaútgáf-
unni bókin Áfengi eftir Hrafn
Pálsson MS.
Páll Sigurðsson, ráðuneytis-
stjóri í Heilbrigðis- og trygg-
ingamálaráðuneytinu, ritar for-
mála og segir þar m.a.: „Höfundi
hefur tekist, í mjög stuttu máli, að
draga fram ótrúlegan fjölda stað-
reynda, og enda þótt hann prédiki
hvergi í bókinni, fer ekki á milli
mála, hvaða skoðun hann hefur á
áfengisneyslu. Honum tekst að
koma þessari skoðun á framfæri
enda þótt hann segi hana aldrei
berum orðum.
I þessu felst ef til vill höfuðkost-
ur bókarinnar; hún er safn stað-
reynda, en reynir að leiða lesand-
ann að sömu niðurstöðu og höf-
undurinn hefur komist af eigin
reynslu.
Ég tel að þetta rit eigi erindi við
alla; í því koma fram margar upp-
lýsingar um áfengi sem öllum, er
þess neyta á að vera kunnugt um.
Ég tel einnig að þetta rit geti verið
góð handbók fyrir kennara og
leiðbeinendur sem vilja ræða
opinskátt um áfengi og áfengismál
við nemendur sína.“
Kaflaheiti bókarinnar eru m.a.:
Áfengið í aldanna rás, Áfengið og
fjölskyldan, Helstu meðferðar-
staðir á fslandi, Alcoholics Ano-
Hrafn Pálsson
nymous. Auk þess eru í bókinni
upplýsingar um áfengismál sem
áhugafólk um þessi efni getur
nálgast á söfnum. Bókinni lýkur á
orðasafni. Árni Elfar sá um
myndskreytingu og káputeikn-
ingu, bókagerðardeild Iðnskólans í
Reykjavík annaðist setningu og
Iðnskólaútgáfan prentaði.
í honum finnur þú firnin öll af sófum,
stólum, skápum, skeiðum, speglum og
öðrum gæðavörum, allt á IKEA verði.
Leiðbeiningar um verð og annað eru á bls. 3.
Hafir þú ekki fengið eintak, hringdu þá eða skrifaðu okkur og við
sendum þér eintak um hæl - ókeypis.
HAGKAUP IKEA sími68 65 66
IKEA1985 - hundrað litasíður af heillandi húsbúnaði.