Morgunblaðið - 16.12.1984, Blaðsíða 17

C 17
MORGUNBLAÐIÐ, SUNNUDAGUR 16. DESEMBER 1984
ORÐABÓRin
sem svo margir hafa beðið eftir
Enska er alþjóðlegt tungumál sem gegnir mikilvægara hlutverki í
samskiptum manna, menntun og störfum en nokkur önnur tunga
nútímans. Mvju ensk-íslensku orðabókinni er ætlað að bæta úr
brýnni þörf. I henni er svo mikiil orðaforði að hún mun fullnægja
þörfum allflestra íslendinga sem lesa eða nota ensku. Lögð hefur
verið rík áhersla á að íslenska orðaforða margvíslegra sérgreina
sem til þessa hefur einkennst af enskuslettum. Auk þessa er
almennur orðaforði bókarinnar margfalt yfirgripsmeiri og
nákvæmari en þekkst hefur í íslenskum orðabókum yfir erlend
tungumál fram að þessu. Á því er enginn vafi að með útgáfu þessarar
bókar er brotið blað í íslenskri orðabókagerð.
Nýja orðabókin er ætluð ÖLLUM sem nota þurfa ensku.
/ þeim hópi eru:
— námsfólk á öllum stigum náms.
— Þeir sem starfa við kennslu, þýðingar, rannsóknir, viðskipti, iðnað
og stjórnun.
— Allir aðrir sem lesa eða hlusta á ensku, hvort heldur er í bókum,
dagblöðum eða tímaritum, í sjónvarpi, útvarpi eða kvikmyndum.
Við teljum að það skipti höfuðmáli að hafa eftirfarandi átta
atriði í huga, þegar valin er orðabók:
1. Að bókin hafi að geyma það sem þig fýsir að vita.
2. Að bókin sé í takt við tímann.
3. Að megináhersla sé lögð á notagildi.
4. Að vísindum, lækni ogöðrum sérsviðum, t.d. lagamáli. séu gerð
full skil.
5. Að öll hugtök sem þurfa skýringar við séu á sínum stað í bókinni.
6. Að merkingar margræðra orða séu vandlega aðgreindar.
7. Að allar orðskýringar séu settar fram á eðlilegu og skiijanlegu máli.
8. Að orðabókin sé alhliða hjálpartæki við lestur.
Við hvetjum þig til þess að gera samanburð, það getur borgað sig
Verð bókarinnar er sem hér segir:
Fyrstu 2000 eintökin eru seld á sérstöku kynningarverði,
með tvö þúsund króna afslætti á kr. 7.904,00 eintakið.
Síðan hækkar verðið íkr. 9.904,00 eintakið. Hægt er að kaupa bókina
í öllum bókabúðum og í forlagsverslun okkar.
BÓKAÚTGÁFAn ÖRN St ÖRLYGUR
Síðumúla 11, sími 84866