Morgunblaðið - 14.02.1985, Blaðsíða 24

24
MORGUNBLAÐIÐ, FIMMTUDAGUR 14. FEBRÚAR 1985
Heppnir með góðan
anda í fyrirtækinu
Rætt við Matthías og Eirík í Víði um nýja
stórmarkaðinn í Mjóddinni og framtíðaráform
Þeir leggja nótt við dag, eru sí-
fellt á þönum, tveir ungir bræður
sem ásamt konum sínum voru að
opna þriðju matvöruverzlun sína í
Reykjavík, og nýja verzlun er stór-
markaður, stærsta matvöruverzlun
landsins. Hér er um að ræða þá
Matthías og Eirík Sigurðssyni í
Víði. Allur bragurinn í kringum þá
er hávaðalaus, skipulagningin og
hagræðingin slík að allt gengur að
óskum með lipru og þægilegu
starfsliði sem tekur þátt í verzlun-
inni af lífi og sál, hvorki meira né
minna en 150 manns I vinnu hjá
þeim bræðrum að meðtöldum
hlutastörfum. Fullkomustu tæki
sem völ er á eru í verzluninni og
vinnslunni, en þeir bræður fóru
sjálfir um Evrópu þvera og endi-
langa til að velja það besta úr ótal
öðrum enda stórmarkaðar Víðis er kæliborðaþjónustan.
2200 fermetra plássi stórmarkaðarins skipar ávaxtatorgið veglegan sess
eins og sjá má.
Við opnun stórmarkaðs Víðis var boðið upp á veitingar
og það er auðséð að þeim þykir góður kaffisopinn, Jóni
Múla og kvennablómanum í kringum kaffikönnuna.
Það er líf og fjör hjá þessum ungu mönnum sem unnu
af kappi við að raða vörum í hillur.
Morgunbladið/á.j.
Eigendur Víðis, hjónin Eiríkur Sig-
urðsson og Helga Gísladóttir til
vinstri og Matthías Sigurðsson og
Selma Skúladóttir til hægri.
Þessi mynd var tekin nóttina fyrir opnun stórmarkaðs Víðis, allt á rúi og stúi
en hver hlutur komst á sinn stað í tæka tíð.
Það er oft ærið handtak að fylla í hillur, en þarna er Matthías að rabba við starfsfólk sem vinnur við vörumerkingar
og frágang.
möguleikum. Það var ævintýri lík-
ast að fylgjast með því þegar Víðir
í Mjóddinni var á lokasprettinum
við að komast á legg. Fáum dögum
fyrir opnun var ekki hægt að láta
sér detta í hug að dæmið gengi upp
en það var engann bilbug að finna
á hinu unga og dugmikla starfsliði
Víðisverzlananna. Dæmið gekk
upp og nú er þessi nýja verzlun
liðlega mánaðargömul orðin einn
af föstu liðunum í borgarlífinu,
2.200 fermetra verzlun á jarðhæð,
kjötvinnsla, fiskvinnsla, vöru-
geymsla og fleira á neðri hæð og
eftir er að byggja tvær hæðir fyrir
verzlanir og þjónustu margskonar.
Við ræddum við þá Matthías og
Eirík um verzlunarrekstur þeirra
og uppbyggingu Víðishússins í
Mjóddinni.
Sú þróun hefur átt sér stað,
sögðu þeir, að fólk vill nú í æ
ríkari mæli sækja þjónustu í
stærri verzlanir og gera stór
innkaup á einu bretti. Neyzlu-
venjur hafa breyzt. Við vildum
vera í þessum hópi og með meiri
möguleika á umsetningu hjá
okkur er jafnhliða meiri mögu-
leiki hjá okkur að útvega vörur á
sem hagstæðustu verði. Við eig-
um að geta boðið lægsta verð
hverju sinni með þeirri aðstöðu
sem við höfum skapað, aðstöðu
sem flæðir um þrjár verzlanir
okkar þar sem magninnkaup og
skipulagning eru tveir aðal pól-
arnir.
Við erum með okkar eigin
kjötvinnslu, fiskvinnslu, allt
mjög fullkomið og vel útbúið
tækjum. 90% af öllu kjöti sem
við komum til með að selja fer í
gegnum okkar vinnslu og við er-
um þannig lausir við milliliðina.
Við erum með mikið af faglærðu
fólki í hverri búð, í kjötafgreiðsl-
um eru kjötiðnaðarmenn og
kokkar bæði til að liðsinna
viðskiptavinum og vanda vöru-
meðferð.
í Mjóddinni höfum við skapað
fiskvinnsluaðstöðu þar sem við
getum tekið við fiski beint úr bát
og unnið hann eins og okkur sýn-
ist, ýmist sem nýtt hráefni, salt-
að eða reykt. Það má segja að
þetta sé nýjung í stórmarkaði og
þetta hefur að sjálfsögðu áhrif á
vöruverð. Fiskurinn kemur beint
úr bát og í verzlunina og það er
ekki aðeins að fiskurinn verði
ferskari á boðstólum heldur á
hann einnig að vera ódýrari.
Það sem við teljum okkur vera
að gera bæði í fiski og kjöti er
eins fagleg afgreiðsla og kostur
er með meira vöruúrvali en
gengur og gerist í stórmörkuðum
almennt og það má segja að það
sé nýjung í stórmarkaði að við
bjóðum upp á heimsendingar
með þær vörur sem fólk hefur
verzlað. Þannig reynum við að
tengja saman möguleika stór-
markaðarins og þjónustu kaup-
mannsins á horninu þótt stærðin
og vöruúrvalið sé eins mikið og
raun ber vitni.
Á neðri hæðinni sem búið er
að byggja í Mjóddinni er kjöt-
vinnsla fyrir allar búðirnar
okkar, pökkun og fleira og svo er
heitur matur einnig á boðstól-
um, enda er mjög fullkomið eld-
hús hjá okkur. Fiskvinnslan er
einnig í Mjóddinni, öll ávaxta-
pökkun fyrir búðirnar, allur
matvörulager, en með þessu
fyrirkomulagi er loks komin sú
aðstaða sem við höfum stefnt að
til þess að geta boðið betri þjón-
ustu og lægra vöruverð.
Lóðin í Mjóddinni freistaði
okkar í mörg ár og þegar okkur
gafst kostur á lóðinni hikuðum
við ekki. Á þessu svæði er fólkið,
Mjóddin er þjóðbraut fyrir
framtíðina, miðdepill og það
svæði sem hefur bestar aðkomu-
leiðir í borginni.
Jú, það á eftir að byggja tvær
hæðir á Víðishúsinu í Mjóddinni
og það er unnið markvisst að því.
Það er gert ráð fyrir að á ann-
arri hæðinni verði flestallar
vörutegundir á boðstólum sem
ekki fást í matvöruverzluninni
og á þriðju hæðinni almenn
þjónusta og veitingastaður. í
Mjóddinni á eftir að byggja 5
verzlunarhús með margþætta
starfsemi eins og til dæmis
Fálkinn, Penninn, Sigfús Ey-
mundsson, apótek, Póstur og
sími, ÁTVR, Vouge og Brauð-
bær, auk heilsugæzlustöðvar.
Þannig á þetta afmarkaða svæði
eftir að verða eitt mesta þjón-
ustusvæði í Reykjavík á mjög af-
mörkuðu svæði.
Það sem við höfum lagt mest
upp úr við skipulagninguna á
stórmarkaðinum í Mjóddinni er
að viðskiptavininum líði vel, við
höfum haft það að markmiði að
skipuleggja þannig að verzlunin
sé persónuleg, ekki aðeins per-
sónuleg afgreiðsla hjá þjálfuðu
starfsfólki heldur einnig að það
sé rúmgott án þess að vera eins
og geimur.
Við viljum leggja áherzlu á
það að svona uppbygging, eins og
við höfum staðið í, er ekki fram-
kvæmanleg nema með góðu sam-
starfsfólki og áhugasömu og
okkar viðskiptaaðilum báðum
megin frá. Við höfum verið
heppnir með góðan anda í fyrir-
tækinu og gott starfsfólk bæði í
verzlununum og húsbyggingunni
og fjölskyldur okkar hafa staðið
vel með okkur og síðast en ekki
sízt höfum við verið lánsamir
með það að eiga trausta við-
skiptavini og það er ef til vill
bezta vísbendingin um að við sé-
um á réttri leið. — á.j.