Morgunblaðið - 14.02.1985, Blaðsíða 52

52
MORGUNBLAÐIÐ, FIMMTUDAGUR 14. FEBRÚAR 1985
fólk í
fréttum
Fyrir fáum árum var
spænski söngvarinn
Julio Iglesias lítt þekktur
fyrir sínar hugljúfu ball-
öður nema í hinum
spænskumælandi heimi. í
dag er hann heimsfrægur
og hvert stórstirnið af
öðru keppist við að fá
hann í dúett með sér. Jul-
io hefur ekki bara flau-
elsmjúka rödd í poka-
horninu heldur þykir
hann mjög þokkafullur og
nýtur gífurlegrar kven-
hylli. Ekki skal fullyrt
neitt um Diönu Ross, sem
syngur með honum „All of
You“, en eitthvað skýn úr
augunum.
FRANK SINATRA:
Sagði skilið við
sígarettur og hefur
aldrei liðið betur
Söngvarinn frægi Frank Sin-
atra er nú 69 ára gamall, en
honum líður eins og hann væri tíu
árum yngri. Þetta er nokkuð ný
bóla, því Sinatra þótti vera orðinn
fremur hrumur og farinn að bera
aldur sinn illa heldur en hitt. Hver
er ástæðan? Jú, hann er hættur að
reykja. „Ég svældi Camel og
Lucky Strike í 50 ár, en mér varð
loks ljóst að það myndi trúlega
lengja líf mitt um nokkur ár ef ég
tæki á mig rögg og hætti. Það tók
mig hálfa öld að fá vitið í þessum
efnum. Þetta er erfitt, ég fæ enn
af og til vanlíðan í kroppinn og þá
langar mig ákaflega til að tendra
eina, en þá yrðu þær auðvitað
miklu fleiri, það gildir því að sýna
hörku og það sem hjálpar mér að
gera það er líðan mín á milli hinna
æ fátíðari vanlíðunarkasta. Ég fer
nú í langa göngutúra með konu
minni, syndi, sippa og spilá tennis.
Ég var algerlega ófær um að
stunda iíkamsrækt seinni árin,
svo móður var ég eftir reykingarn-
ar,“ segir söngvarinn öðrum til
viðvörunar ...
Angie Bowie, fyrrum
eiginkona rokkgoðs-
ins Davids Bowie, hefur
ekki hugsað sér að leggja
á hilluna áform sín um að
verða sjálf fræg söng-
kona. Eftir skilnaðinn við
David flýtti hún sér vest-
ur um haf til Kaliforníu
til að breyta um umhverfi.
Þar tók hún saman við
söngvara að nafni Drew
Blood og eiga þau saman 4
ára dóttur. Barnið er nú
það stálpað að Angie er
farin að leita að hljóm-
sveit sem hún gæti sungið
með. Drew liðsinnir henni
eins og hann frekast getur
og víst er að ekki mun
nafnið fæla hljómlistar-
menn frá því að freista
gæfunnar með ungu kon-
unni. Á myndinni er
Angie broshýr með dóttur
þeirra Davids, Zowie
Bowie ...
Reyklaus 9. bekkur í Garðaskóla
Það er óhætt að segja að þessi níundi bekkur úr Garðaskóla, Garðabæ, hafi af miklu að státa. Bekkurinn, sem samanstendur af 26
ungmennum, er algjörlega reyklaus og aðspurð sögðu krakkarnir að ekki væri það á stefnuskrá að byrja að reykja á næstunni. Þau voru öll
sammála um að slæmt væri, ef einhver félaganna brygðist og eyðilegði „reyklausa bekkinn“ fyrir þeim, en það væri reyndar ekki mikil hætta
á því þar sem enginn virtist hafa áhuga á slíku.
Harry
Belafonte
handtekinn
Hinn gamalkunni söngvari
Harry Belefonte lét pólitískar
skoðanir sínar hlaupa með sig í
gönur í Washington fyrir
skömmu. Fyrir vikið var hann
handtekinn, en brot hans var þó
ekki meira en svo að hann var
kominn á ról skömmu síðar. Þann-
ig er mál með vexti, að fjölmenni
mikið hefur tekið þátt í mótmæla-
stöðu fyrir utan sendiráð Suður-
Afríku síðustu vikurnar, en þar er
aðskilnaðarstefnu hvítra manna í
landinu mótmælt. Margt frægt
fólk hefur látið sjá sig í aðgerðun-
um, enda mjög víðtæk andstaða
gegn stjórnkerfi Suður-Afríku.
Lögreglan hefur ávallt verið til
staðar til að koma í veg fyrir að
eitthvað bregði út af og hefur ver-
ið dregin lína. Þeir sem álpast inn
fyrir línuna eru handteknir og það
var nákvæmlega það sem Harry
gerði eins og svo margir aðrir á
undan honum. Hafa meira að
segja borgarstjórar og þingmenn
verið gómaðir þarna.
Dóttir Harrys Shari, er óðum að
verða fræg leikkona eins og við
greindum frá í Mbl. fyrir nokkrum
dögum. Harry virðist vera að falla
í gleymsku, því hann ætlaði að
heimsækja dóttur sína í upptöku-
ver fyrir nokkrum dögum, en
dyravörðurinn bar ekki kennsl á
hann og varpaði honum á dyr ...