Morgunblaðið - 14.02.1985, Blaðsíða 44

44
MORGUNBLAÐID, FIMMTUDAGUR 14. FEBRÚAR 1985
Niðurskurðiir fjár
á Vestfjörðum
— eftir Kristján
Hannesson
Vegna yfirlýsingar Valdimars
Gíslasonar f.h. Búnaðarsambands
Vestfjarða og Bergs Torfasonar
f.h. fjárskiptanefndar, sé ég
ástæðu til að koma á framfæri
nokkrum athugasemdum.
Þeir félagar segja: „Fullreynt
var taelið að niðurskurður ein-
stakra hjarða eins og hann hafði
verið framkvæmdur á Barða-
strönd stöðvaði ekki veikina." En í
bréfi sauðfjárveikivarna dagsettu
14.6. 1984 undirrituðu af Sigurði
Sigurðarsyni segir: „Á fundi
Sauðfjársjúkdómanefndar var
tekið undir tillögur Rauðstrend-
inga um girðingu milli Rauða-
sands og Barðastrandar úr Stál-
fjalli í Patreksfjörð við Skápadal.
Heimanmönnum var heitið aðstoð,
setji þeir upp girðinguna. Þessi
girðing gæfi kost á því að fresta
eða hlífa við fjárskipti svæði, sem
hvorki hefir fundist riðuveiki á
eða grunur um hana. Til nokkurs
er að vinna, því á skaganum sem
myndi girðast af eru yfir tvö þús-
und fjár. Haldi girðingin vel
mætti jafnvel freista þess að
hreinsa þetta hólf er riða fyndist
síðar með því að lóga fé á einstök-
um bæjum og það eftir að ósýkt fé
er komið aftur til Barðastrandar."
Væri ekki rétt að Valdimar,
Bergur og Sigurður reyndu að
jafna þennan ágreining sinn áður
en framkvæmdir verða hafnar við
girðinguna. Það er fjöldamargt
sem ég sé athugavert við yfirlýs-
inguna, en í stuttri blaðagrein er
ekki hægt að sinna því öllu, nema
tilefni gefist síðar. í máli þeirra
félaga kemur fram, að ýmis fé-
lagasambönd og sýslunendir og
einnig fundur fulltrúa sveitarfé-
laga sem haldinn var á Núpi 30.
júní 1984 hafi lýst stuðningi við þá
stefnu að skera niður ailt sauðfé í
Vestfjarðahólfi.
Er þetta sannleikanum sam-
kvæmt? Sýslunefnd Vestur-
Barðastrandarsýslu hefir aldrei
samþykkt niðurskurð á sauðfé
utan Barðastrandarhrepps. Á
fundinum á Núpi var engin tillaga
samþykkt um niðurskurð. Vegna
afgerandi andstöðu fulltrúa
sveitarstjórna frá Patreksfirði,
Tálknafirði og Ketildala- og Suð-
urfjarðarhreppum gegn niður-
skurði kom fram tillaga frá Össuri
Guðbjartssyni og Sigurði Sigurð-
arsyni. Niðurlag tillögunnar var
svohljóðandi: „Fundurinn felur
stjórn Búnaðarsambandsins að fá
fram afstöðu allra sveitarstjóma
á svæðinu, og með hvaða hætti var
tekið tillit til þeirra sjónarmiða
sem komu fram á fundinum. Ein-
hvern veginn hefur þetta starf
Búnaðarsambandsins farið fram
hjá hreppsnefnd og fjáreigendum
í Tálknafirði. Það er rétt að bænd-
ur bera fullt traust til starfsfólks
tilraunastöðvarinnar að Keldum.
Hitt er alrangt að það sé einkamál
starfsmanna Sauðfjárveikivarna
hvernig þeir skipta með sér verk-
um. Eg treysti ekki Kjartani
Blöndal framkvæmdastjóra til
þess að vinna að tilraunum í rann-
„Hvað okkur fjáreig-
endur varðar hefur
þetta samráð og ýtar-
legu umræður líkst meir
galdraofsóknum, þar
sem einskis er svifist.“
sóknarstofunni á Keldum. Það
hefur líka sýnt sig að dýralæknir-
inn er alls ófhæfur til að sinna
mannlegum samskiptum. Það er
affarasælast að Kjartan sinni sínu
starfi og Sigurður sínu.
Það voru ekki liðnir nema
nokkrir dagar frá því að fundur-
inn á Núpi var haldinn þar til ég
ásamt fjáreigendum í Patreks-
hreppi vorum boðaðir á fund með
fulltrúum Sauðfjárveikivarna.
Fundur var haldinn á sýsluskrif-
stofunni á Patreksfirði. Reynt var
að fá okkur til að undirrita samn-
ing um niðurskurð á hjörðum
okkar. Tilmælunum var hafnað,
þess í stað var fulltrúum afhent
mótmælaskjal gegn aðförum
sauðfársjúkdómanefndar, undir-
ritað af öllum sauðfjáreigendum
frá Patreksfirði, Raknadal og
Lambeyri.
í yfirlýsingu ykkar segir:
„Starfsmenn sauðfjárveikivarna
hafa haft fullt samráð við heima-
menn um aðgerðir í niðurskurðar-
og fjárskiptamálum og rætt þau
ýtarlega við einstaka fjáreigendur
og aðra þá er málið varðar." Þetta
er fallega sagt, ef satt væri.
Hvað okkur fjáreigendur varðar
hefur þetta samráð og ýtarlegu
umræður líkst meir galdraofsókn-
um, þar sem einskis er svifist. í
stað umræðna um málið var nú
beitt þeirri tækni að leggja ein-
staka fjáreigendur í einelti og
beita þá þrýstingi. Aðferðin var
einföld og árangursrík: með fag-
urgala og loforðum um fjárbætur
annarsvegar, og svo hótunum um
fjárútlát og valdbeitingu hinsveg-
ar.
Hefir tilraunamanninum frá
Keldum tekist að brjóta niður
viljastyrk fjáreigenda á Patreks-
firði svo að þeir hafa sárnauðugir
afhent kindurnar sínar undir
hnífinn. Af þessum ofsóttu fjár-
eigendum stend ég nú einn og
þrátt fyrir hertar aðgerðir gegn
hjörð minni lifir hún enn og mun
halda áfram að lifa. Fréttatil-
kynningarr frá sauðfjárveikivörn-
um sem birst hafa í sjónvarpi, út-
varpi og blöðum um að búið sé að
skera niður hjá mér eru tilhæfu-
lausar.
Með vaxandi undrun hefur al-
menningur fylgst með þessum að-
gerðum. Bændur og fjölskyldur
þeirra hafa fyllst ótta og öryggis-
leysi og réttarvitund fólks hefur
verið alvarlega misboðið. Bóndan-
um á Ósi í Arnarfirði votta ég
samúð mína, en hjörð hans var
skorin niður í haust af litlu tilefni
og gegn mótmælum hans.
Enginn efast um dugnað og
ósérhlífni rannsóknarmannsins
frá Keldum. Til dæmis má nefna
að hann lagði það á sig núna rétt
fyrir jólin að fara vestur á Barða-
strönd og í mesta fárviðri sem
gengið hefur yfir Vestfirði á þess-
um vetri braust hann ásamt fríðu
föruneyti yfir Dynjandisheiði,
meðal annars til að heimsækja
Pétur bónda á ósi. Þetta var
hraustlega gert og virðingarvert
ef tilgangur ferðarinnar hefði ver-
ið sá að veita gamla manninum
andlegan styrk vegna álagsins, er
hann varð fyrir er kindur hans
voru skornar niður. En því miður,
það var ekki tilgangur ferðarinn-
ar, heldur fékk Pétur skipun frá
þessum valdamikla manni um að
jafna fjárhúsin við jörðu og
brenna og jarðsetja allt heila
draslið. Tilfinningasemi kemur
auðvitað ekki til greina þegar vís-
indamenn cru að störfum. Það er
vonandi að tár gamla mannsins
hafi ekki spillt jólagleði vísinda-
mannsins eftir að hann kom heim
úr þessari frægðarför.
Ein spurning að lokum til ykkar
félaga, Valdimars og Bergs. Gæti
hugsast að sextugasta og sjöunda
grein stjórnarskrár lýðveldisins
Islands gildi fyrir umkomulitla og
afskekkta bændur vestur á fjörð-
um? Þið þurfið ekki að svara: Slíkt
er óhugsandi! Friðhelgi eignar-
réttarins nær ekki út fyrir Stór-
Reykj avikursvæðið.
Áð lokum legg ég til, að málið
verði sett í geðrannsókn.
Kristjin Hannesson er bóndi í
Lambeyri í Tálknafírdi.
Unglingablaðið
Útkall komið út
ÚT ER komið annað tbl. unglinga-
blaðsins Útkalls. í þessu blaði er
m.a. opnuviðtal við Ásgeir Tómasson
á rás 2, viðtal við Jens Kr. Guð-
mundsson sem er höfundur Popp-
bókarinnar, grein um Duran Duran,
auk þess sem plakat fylgir með blað-
inu af þeim félögum.
Útkall kemur út á þriggja mán-
aða fresti og ritstjóri er Sigurður
B. Stefánsson.
r
i
Atvinnumál
í kjölfar efnahagsvanda þjóðarinnar blasa við gífurlegir erf-
iðleikar í atvinnumálum og rekstri fyrirtækja. Því þarf að hefja
öfluga sókn til nýsköpunar í atvinnulífi.
Sjálfstæðiskonur vilja að:
Atvinnuvegunum verði búin rekstrarskilyrði, sem hvetja til
aukinnar framleiðni með bættri nýtingu framleiðsluþáttanna,
meiri arðsemi og aukinnar ábyrgðar framleiðenda.
Rannsóknarstarfsemi verði efld.
Markaðsþekking verði aukin og framleiðsla löguð að mark-
aðsþörfum.
Uppstokkun fari fram á sjóðakerfi atvinnuveganna.
— í sjávarútvegi verði lögð áhersla á fjölbreyttari úrvinnslu
sjávarafla, nýtingu fleiri tegunda nytjafiska og vöruvöndun.
— í landbúnaði fari fram gagnger endurskoðun. Framleiðsla
umfram innanlandsþarfir verði á ábyrgð framleiðenda, en ekki
skattborgara. Ráðist verði í nýjar búgreinar, re.vnist rekstrar-
grundvöllur fyrir hendi.
— islenskur iðnaður búi við eðlileg samkcppnisskilyrði gagn-
vart innfluttum iðnvörum. Hvatt verði til aukinnar hagræð-
ingar og sjálfvirkni.
Þær undirstöðugreinar sem íslendingar hafa til skamms tíma
byggt afkomu sina á, geta hvorki staðið undir bættum lífskjör-
um né tekið við auknu vinnuafli. Þvi þarf að fjölga stoðum
atvinnulifsins með eflingu vanþróaðra atvinnugreina, t.d. ferða-
þjónustu og uppbyggingu nýrra.
Órtölvubyltingin er hafin og íslensk fyrirtæki verða að horfa
til framtíðar og tileinka sér hina nýju tækni til að verða sam-
keppnisfær innanlands sem og erlendis. Takist það er augljóst
að möguleikar á að bæta lífskjör okkar aukast að mun.
Það er staðreynd að atvinnulífið byggir í auknum mæli á
atvinnuþátttöku beggja kynja. Þess vegna er knýjandi að
menntun og hæfileikar hvers einstaklings nýtist í starfi, án
tillits til kynferðis. Því skal unnið að þvi að:
— raska kynbundnu náms- og starfsvali
— stöðuráðningar og starfsframi ráðist af hæfileikum umsækj-
enda en ekki kynferði
— samræma hlutverk fjölskyldunnar og þarfir atvinnulifsins.
Landssampand sjálfstæðiskvenna
Fjölbreytt starf LS
Stefnumörkun fyrir framtíðina
ÞAU mistök urðu á síðu Lands-
sambands sjálfstæðiskvenna sl.
laugardag, að rangur texti birtist
með ofanritaðri fvrirsögn. Hér
kemur réttur texti. Biðst blaðið
velvirðingar á þessu.
FRÁ ÞVÍ að síöa LS birtist síð-
ast í Morgunblaðinu hefur mik-
ið starf verið unnið innan LS og
þykir rétt að gera hér nokkra
grein fyrÍT því. Hæst ber full-
trúaráðsfund LS, sem haldinn
var á Þingvöllum sl. haust.
Samkvæmt lögum LS eiga sæti
á slíkum fundum, auk stjórnar
LS, einn fulltrúi frá hverju að-
ildarfélagi og til hans voru
ennfremur boðaðar konur úr
þingflokki, miðstjórn, málefna-
nefndum og verkalýðsráði og
konur, sem eiga sæti í flokks-
ráði fyrir hönd LS. Fundinn í
Valhöll sátu 50 konur.
Framkvæmdastjórn LS
hefur haldið marga fundi til
undirbúnings vetrarstarfinu
og stjórnarfundur var hald-
inn 9. nóvember sl. Á þann
fund kom ólafur G. Einars-
son, formaður þingsflokks
sjálfstæðismanna, og skýrði
stjórnarkonum frá störfum
Alþingis. Þótti mikill fengur
að komu hans og sýndu fund-
arkonur þingmálum mikinn
áhuga. Fréttabréf LS hafa
komið út reglulega, það síð-
asta nú um áramótin. Þar er
skýrt frá ýmsu, sem er á döf-
inni hjá LS, m.a. fyrirhugaðri
útgáfu bókar í tilefní loka
kvennaáratugar Sameinuðu
þjóðanna nú á þessu ári.
Verður bókin unnin í sam-
vinnu við Hvöt, félag sjálf-
stæðiskvenna í Reykjavík, og
hefur Bessí Jóhannsdóttir
tekið að sér ritstjórn.
LS hefur tekið þátt í starfi
Framkvæmdanefndar um
launamál kvenna og mun
halda því áfram. Sólveig
Hinriksdóttir hefur tekið við
sem aðalfulltrúi LS í því
samstarfi af Björgu Einars-
dóttur. LS tekur einnig þátt í
störfum Friðarhreyfingar ís-
lenskra kvenna og er Anna
Arnbjarnardóttir aðal-
fulltrúi þar.
Vegna loka kvennaáratug-
arins hafa verið stofnaðir 5
hópar til þess að undirbúa
aðgerðir. Álþjóðahópur, at-
vinnu- og launamálahópur,
fræðsluhópur, gönguhópur og
listahópur. Fimm manna
framkvæmdanefnd á að sam-
ræma starf hópanna og vinna
að fleiri verkefnum. I henni
eiga sæti: Elín Pálsdóttir
Flygering, Jóhanna Sigurð-
ardóttir, Lára Júlíusdóttir,
María Pétursdóttir og Sól-
veig Ólafsdóttir. Skrifstofa
Jafnréttisráðs s. 91-27420
gefur upplýsingar um þessa
starfsemi. Sjálfstæðiskonur
hafa tekið virkan þátt í þess-
um undirbúningi. LS vill
hvetja sjálfstæðiskonur utan
stór-Reykjavíkursvæðisins
til þess að hafa forgöngu um
aðgerðir í sínum byggðarlög-
um og geta þær, sem vilja
sinna þessu, haft. samband
við Önnu Borg í síma 91-
82900 og 91-82779.
Hvöt og LS hafa tekið upp
þá nýbreytni að hafa „opið
hús“ í Valhöll í hádeginu síð-
asta fimmtudag hvers mán-
aðar, er þar í boði léttur
málsverður og konur hvattar
til að taka börn sín með.
Hafa konur kunnað vel að
meta þetta tækifæri til að
hittast og spjalla saman.
Að lokum skal vikið aftur
að fulltrúaráðsfundinum í
Valhöll í haust, en þar voru
teknir til ítarlegrar umræðu
fimm mikilvægustu þættir
þjóðmála: atvinnumál, efna-
hagsmál, fjölskyldu- og jafn-
réttismál, menntamál og
utanríkismál. I fréttabréfi
LS, sem út kom eftir fundinn,
birtust ályktanir hans um
þessa málaflokka með yfir-
skriftinni „Stefnumörkun
fyrir framtíðina". Er ætlunin
að birta þessar ályktanir hér
á siðunni, einn málaflokk í
senn og verður byrjað á at-
vinnumálunum. Formaður
starfshópsins, sem undirbjó
ályktunina um atvinnumál og
stýrði umræðum um þann
málaflokk á fundinum, var
Salome Þorkelsdóttir, forseti
efri deildar Alþingis.
V
Umsjón: Sólrún Jensdóttir, Björg Einarsdóttir, Ásdís J. Rafnar
J