Morgunblaðið - 14.02.1985, Blaðsíða 43

MORGUNBLAÐIÐ, FIMMTUDAGUR 14. FEBRÚAR 1985
43
Bræðraborgarstíg. Borgarráð
samþykkti í febrúar 1984 ein-
stefnu á vestasta hluta Vesturgötu
en frestaði öðrum tillögum um-
ferðarnefndarinnar.
Er hausta tók 1984 óttuðust íbú-
ar við Vesturgötu að enn gengi í
garð vetur með snjó og hálku og
þeim hættum sem af umferð höfðu
stafað undanfarið ár. Var því
gengist fyrir undirskriftasöfnun
að tilhlutan Ibúasamtaka vestur-
bæjar meðal fullorðinna íbúa við
götuna. Skrifað var undir eftirfar-
andi yfirlýsingu:
„Undirritaðir íbúar við Vestur-
götu skora hér með á borgarráð
Reykjavíkur að samþykkja hið
fyrsta tillögur umferðarnefndar
borgarinnar um hraðahindranir í
formi upphækkana og þrenginga á
Vesturgötu, nánar tiltekið við
Ægisgötu og Bræðraborgarstíg,
og að tryggja að framkvæmdum
þessum ljúki fyrir komandi vetur.
Samþykkt borgaryfirvalda um
lækkun hámarkshraða í gamla
vesturbænum sl. sumar var óneit-
anlega til bóta, en þó vantar enn
mikið á að reglum sé hlýtt við
Vesturgötu og löggæsla borgar-
innar virðist ekki vera þess megn-
ug að sjá til þess að reglum sé
fylgt. Því skora íbúar eindregið á
borgarráð að tryggja vörn gegn
þeirra hröðu umferð, slysahættu
og hávaðamengun sem fólk býr nú
við.“
Undir yfirlýsingu þessa skrif-
uðu hátt á annað hundrað íbúar
við götuna og voru það 96% þeirra
sem náðist til. Undirskriftalistar
voru sendir borgarráði 24. des-
ember 1984 ásamt bréfi þar sem
minnt var á margendurteknar
umleitanir í skrifum og viðtölum.
I kjölfar þessara aðgerða var
málið tekið upp á ný I Borgarráði
og samþykkt að setja á Vesturgötu
tvær hraðahindranir og skyldu
þær vera við Ægisgötu og Bræðra-
borgarstíg. Skýrt var tekið fram í
samþykkt borgarráðs að hraða-
hindranir skyldu vera í formi hlið-
arþrenginga en ekki upphækkana.
Vegna framkominna sjónarmiða
fulltrúa SVR í umferðarnefnd var
ráð fyrir því gert að ekki væri um
annað fyrirkomulag að ræða.
í samþykkt borgarráðs var
skýrt tekið fram að hraðahindran-
ir skyldu vera í formi hliðarþreng-
inga, — ekki upphækkana. Vegna
framkominna sjónarmiða SVR í
umferðarnefnd var ráð fyrir því
gert að ekki væri um annað fyrir-
komulag að ræða.
Greinilegt var að gerðir höfðu
áhrif. Strætisvagnar óku götuna,
verulega dró úr hraða næst þreng-
ingunum. Það kom þó greinilega í
Ijós að of langt var á milli þessara
hindrana og of margir freistuðust
til að ná upp of miklum hraða
milli þeirra. Á þriðja eða fjórða
degi frá uppsetningu hliðanna bar
hins vegar svo við að vagnstjórar
á leið 2 lögðu fyrirvaralaust niður
akstur á Vestugötu fyrir vestan
Ægisgötu. Tilkynntu þeir að þeir
myndu ekki aka þennan spotta
meðan þrengingar þessar væru í
vegi þeirra. Ekki var sett breyting
á leiðakerfi sérstaklega kynnt eða
settar upp nýjar biðstöðvar.
Breytingarnar voru heldur ekki
kynntar á þeim tveimur biðstöðv-
um sem vagnstjórarnir treystu sér
ekki til að sinna.
Ekki skulu hér rakin í smáatrið-
um þau fréttaskot og flugufregnir
sem fylgdu í kjölfar þessara að-
gerða eða árásir á einstaklinga.
Framkvæmdastjóri umferðar-
nefndar Reykjavíkur bauð full-
trúum SVR og íbúasamtaka Vest-
urbæjar til fundar þann 7. febrúar
sl. Þar voru þessi mál rædd af
þeim skilningi, sem í sjálfu sér
ríkir milli þessara aðila um þörf á
auknu umferðaröryggi. Niður-
staða þessara umræðna var lögð
fram sem tillaga í borgarráði 12.
febrúar 1985 og eftirfarandi sam-
þykkt þar:
„Varðandi hraðahindranir á
Vesturgötu.
1. Hliðarhindranir, sem settar
voru upp við Ægisgötu og
Bræðraborgarstíg, verði teknar
niður.
2. Zebra-gagnbrautir með upp-
hækkunum komi á þremur stöð-
um á Vesturgötu, þ.e. við Æg-
isgötu, Stýrimannastíg og
Bræðraborgarstíg. Skulu þessar
upphækkanir gerðar eins fljótt
og unnt er eftir að malbiks-
framkvæmdir hefjast í vor.
Verði þær lagðar m.t.t. stræt-
isvagna.
íbúasamtökin telja að hér sé um
betri ráðstöfun til hraðahindrun-
ar að ræða og verði veturinn mild-
ur er hér aðeins um liðlega
tveggja mánaða bið að ræða á
framkvæmd raunverulegra að-
gerða til hraðahindrunar.
Grein þessi er sett saman til
þess að varpa ljósi á framkvæmd
málsins fyrir íbúa hverfisins og þá
ökumenn sem þar eiga leið um.
Fyrir hönd Íbúasamtaka vestur-
bæjar.
Anna Kristjánsdóttir,
Stefán Örn Stefánsson.
AEG RYKSUGAN
ER ALLTAF TIL í SLAGINN
AEG ryksugan er hörkudugleg heimilishjálp.
Rafeindastýrð og 1000 watta.
Verðiö er ótrúlegt. Frá kr. 4.600.-
ORMSSON HF.
LÁGMÚLA 9 SÍMI 3B820
AEG
ALVEG
E3NSTÖK
GÆÐI
Motzfeldt
boðar erfið-
leikatíma
kaupmannahöfn, 12. febrúmr. Frá Nik
Jörgen Brnun, frétUriUra Mbl.
GRÆNLENZKA landsþingið kom
saman til síns fyrsta fundar eftir
þinghlé og í opnunarræðu sagði
Jonathan Motzfeldt formaður
landsstjórnarinnar að niðurskurður
dönsku stjórnarinnar á útgjöldum
til Grænlendinga mundi bitna hart
á Grænlendingum.
Hvatti Motzfeldt Grænlend-
inga til að standa saman um aö
vinna sig fram úr erfiðleikunum
og sagði að efnahagsástandið
gerði að verkum að það væri
ósanngjarnt að krefjast mikilla
launahækkana. Það kæmi aðeins
niður á íbúðabyggingum og fjár-
festingum til atvinnurekstrar.
Landsþingið mun m.a. taka af-
stöðu til þess hvort haldið skuli
þjóðaratkvæði um eigin þjóðfána
Grænlendinga, eins og Færey-
ingar hafa. Sérstök fánanefnd
hefur fengið tillögur að fána,
bæði með krossi og án. Danski
fáninn er mikið notaður í Græn-
landi og er stór hluti þjóðarinnar
ekkert á móti notkun hans. Svo
kann að fara að danski fáninn
verði einn valkostanna í þjóðar-
atkvæðinu.

JLj JÓHANN ÓLAFSS0N & C0. HF.
Pú getur reitt þig á OSRAM
OCTáVO 10J7