Morgunblaðið - 03.12.1985, Síða 17

MORGUNBLAÐIÐ, ÞRIDJUDAGUR 3. DESEMBER1985
17
Hljómplata Jónasar
Ingimundarsonar
Hljómplötur
Atli HeimirSveinsson
Um daginn barst mér í hendur
ný hljómplata, sem örn og ör-
lygur gefa út, með píanóleik Jón-
asar Ingimundarsonar. Jónas
þarf ekki að kynna, hann er einn
ötulasti píanisti okkar, bæði
einleikari og meðleikari söngv-
ara. Svo er hann einnig duglegur
kennari. Við minnumst frábærr-
ar samvinnu hans og Kristins
Sigmundssonar frá því I fyrra, á
einhverri vinsælustu plötu árs-
ins. En núna er Jónas einn á ferð.
Fyrri hlið plötunnar hefst á
tveim verkum eftir Bach, sem
umskrifuð hafa verið af síðari
tíma mönnum fyrir pianóið.
Þetta eru alþekkt og vinsæl lög:
Slá þú hjartans hörpustrengi, og
Nú kom heiðinna hjálparráð.
Jónas flytur þessi verk af djúpri
alvöru. Hann reynir að leita
upprunans, láta píanóið hljóma
eins og orgel, eða eins og óbó
ásamt kór. Og hann greiðir skil-
merkilega úr flóknum raddvef
Bachs
Þar næst kemur sónata eftir
ítalska klassíkerinn Galuppi,
samtímamann Mozarts. Þetta er
snyrtilegt verk, margir sömdu
svona á þessum tíma. Og hér er
leikur Jónasar í samræmi við
viðfangsefnið: þokkafullur og
léttstígur með fínlegri útfærslu
á yfirborðsskrauti rókókósins.
Og þá koma Idyl og Vikivaki
eftir Sveinbjörn Sveinbjörnsson,
gamaldags íslensk dyngju- eða
salonmúsík. Þessi lög hafa verið
sögð vinsæl, en mér hefur aldrei
fundist neitt varið í þau. Léleg
músik batnar ekkert við að að
vera gömul, íslensk eða þjóðleg.
En Jónas flytur þau af mikilli
nærfærni og innileik, reynir að
hylja hjómið með vönduðum
flutningi.
Síðari hlið plötunnar er helguð
tónsmíðum Franz Liszt. Hann
verður æ áhugaverðari með ár-
unum í hugum ýmissa tónlistar-
unnenda, og nauðsynlegt við-
fangsefni píanista var hann allt-
af.
Verkin, sem Jónas velur til
flutnings eru Gosbrunnarnir við
Villa d’Este og Ballaðan í h-moll
númer tvö. Þetta eru mjög glæsi-
leg píanóverk og erfið í túlkun á
innra sem ytra borði. Liszt var
byltingarkennt tónskáld á efri
árum og höfðaði til framtíðar-
innar.
Það eru margar hliðar á Liszt
og menn nálgast hann hver á
sinn máta. Mér finnst Jónas
Jón&s Ingimundarson
leggja ríka áherslu á hinn póet-
íska þátt í tónhugsun Liszt.
Virtúósítetið hverfur nokkuð í
skuggann án þess að vera útund-
an. Tæknileg útfærsla Jónasar
er nákvæm og glitrandi. En hann
er alltaf yfirvegaður fremur en
hamslaust.
Þetta er falleg plata. Kostir
Jónasar eru alls staðar. Vönduð
vinnubrögð og músikkalítet.
Ásláttur hans er óvenju fjöl-
breyttur, hendingamótun skýr
og styrkleikaskali fíngerður. Og
hann kann þá sjaldgæfu list að
láta píanóið syngja, en það er
ósönghæfast allra hljóðfæra.
Platan er tekin upp með digital-
tækni og hljóðritun Halldórs
Víkingssonar er góð.
Smásagnasafn eftir
Vigdísi Grímsdóttur
Frjálst framtak hf. hefur sent frá sér
bókina,, Eldur og regn“ eftir Vigdísi
Grímsdóttur.
í fréttatilkynningu frá útgef-
anda segir m.a.:
„Eldur og regn er smásagnasafn
og fylgir ljóð upphafi hverrar sögu.
Vigdís fer ekki troðnar slóðir í
sagnagerð sinni og er þessi nýja
bók hennar á margan hátt mjög
ólík fyrri bók hennar. I kynningu
bókaforlagsins á kápu bókarinnar
segir m.a. svo: Með nýju smá-
sagnasafni leiðir Vigdís Grims-
dóttir þig um furður veraldar
þinnar, sækir óspart til ævintýra,
þjóðsagna, biblíu og goðsagna,
kallar þig á fund huldufólks, trölla,
drauga og djöfla, gefur þér kost á
að glíma við gátur og þrautir sem
hvarvetna blasa við þér og sýnir
þér að dálfið liggur við hver svör
þín verða."
Bókin Eldur og regn er sett,
umbrotin, filmuunnin og prentuð
í Prentstofu G. Benediktssonar en
bundin hjá Bókfelli hf. Kápu hann-
aði Auglýsingastofa Ernst Bach-
mann.
Vigdís Grímsdóttir.

Sveitabær eftir Gunnlaug Blöndal
Háskóli íslands:
Háskólasjóður gefur út listaverkakort
HÁSKÓLASJÓÐUR Háskóla ís-
lands hefur gefió út tvö listaverka-
kort eftir verkum í eigu Listasafns
Háskóla íslands. Verkin eru: Sveita-
bær eftir Gunnlaug Blöndal, 1943
olíulitir 76x80. Bátar og segl eftir
Jóhannes Jóhannesson, 1951 olíulit-
ir 105x145.
Alls hefur því Háskólasjóður
gefið út 6 listaverkakort á undan-
förnum þrem árum og eru þau til
sölu í aðalskrifstofu Háskólans og
Norræna húsinu, auk þess sem þau
eru seld beint til stofnana og fyrir-
tækja.
Kortin eru gefin út í takmörkuðu
upplagi.
(Fréttatilky nnÍRg.)
AÐEINS ÞAÐ BEZTA
ER NÓGU GOTT:
Siemens — eldavétar — ís — frystiskápar.
Siemens — uppþvottavéiar — þvottavélar.
Siemens — ryksugur — rakatæki.
Siemens — kaffivélar — smátæki.
Siemens — sjónvörp — feröaviötæki.
SIEMENS
SIEMENS-einkaumboö:
SMITH & NORLAND H/F,
Nóatúni 4,
sími: 28300.
Aðeins
fáein
eftir af þessum fallegu ftölsku húsgögnum
meðgóbelínáklæði
Pétur Pétursson heildverslun
Suðurgötu 14, símar 11219 — 25101