Morgunblaðið - 12.12.1985, Side 56

56
MORGUNBLAÐIÐ, FIMMTUDAGUR12. DESEMBER1985
Ossa flutt úr Glæsibæ
í gamla miðbæinn
Nýlega hefur verslunin Ossa opn-
að listmuna- og gjafavöruverslun í
Kirkjustræti 8, Reykjavík, en sl.
þrjú ár hefur verslunin verið til
húsa í Glæsibæ. Eigandi hennar er
Oddný Ingimarsdóttir, sem í meira
en áratug rak Bókabúð Glæsibæjar
og áður Bókabúð Hlíða.
í versluninni er að finna fjölda
muna frá Austurlöndum, Mexíkó
auk muna frá Evrópu - handunn-
um og sérhönnuðum vegg- og gólf-
teppum og mottum úr pluss- og
silkivefnaði aðallega frá Pakistan
Oddný Ingimarsdóttir í nýju vershin-
inni í Kirkjustræti 8
'85 0!" ð
V,ð S3mtJ“tæðu ve.W
Sf
og Kína. Þá er í versluninni úrval
af kínversku postulíni svo sem
matar- og kaffistellum, ábætis- og
grjónaskálum með postulínsskeið-
um og matprjónum svo og tesett-
um úr leir og postulíni. Kínverskir
skartgripir eru fáanlegir auk sól-
hlífa og blævængja. Skrautmunir
frá Ítalíu, Frakklandi og Norður-
löndum fást í versluninni, m.a. úr
kristal og hvítum steinleir.
Oddný sagði að ástæðan fyrir
flutningi verslunarinnar væri m.a.
sú að erfitt reyndist að reka svo
sérhæfða verslun í úthverfi. Hún
bindur miklar vonir við gamla
miðbæinn og þann félagsskap sem
kaupmenn hafa stofnað til að blása
nýju lífi í miðbæinn.
Matthías Ástþórsson auglýs-
ingahönnuður hefur ráðið mestu
um útlit verslunarinnar og vöru-
uppstillingu.
Vilmundarstaðir:
Salmonella
einnig
í innyflum
gæsa
ENN hefur ekki tekist að upplýsa
hvernig salmonellan sem fannst í
aliöndum frá Vilmundarstöðum í
BorgarFirði, og Hollustuverndin
stöðvaði sölu á, barst í endurnar.
Salmonellan hefur fundist í gæsum
frá Vilmundarstöðum, en sala á
þeim hefur ekki verið stöðvuð.
Halldór Runólfsson deildar-
dýralæknir hjá Hollustuvernd
ríkisins sagði í gær að afskipti
Hollustuverndarinnar af málinu
hefðu hafist þegar starfsmaður
Tilraunastöðvar Iláskólans í
meinafræði á Keldum lét vita um
að músatýfus-sýkillinn (Salmon-
ella typhimurium) hefði fundist í
innyflum gæsa frá Vilmundarstöð-
um sem slátrað var í haust. Holl-
ustuverndin hefði í framhaldi af
því látið rannsaka töluvert af
gæsakjöti en ekkert fundið í kjöt-
inu sjálfu. Hann sagði að aðalsýk-
ingarhættan væri talin stafa af
kjötinu og því ekki verið talin
ástæða til að stöðva sölu á gæsun-
um. í framhaldi af þessu hefði
verið gerð víðtæk könnun á heil-
brigði andakjöts og þá komið í ljós
að aliendur frá þessum eina bæ,
Vilmundarstöðum, væru með
salmonellu. Sýkingin hefði verið í
kjötinu sjálfu og því heföi verið
gefin fyrirskipun um sölustöðvun
og innköllun kjötsins. Halldór tók
það fram að salmonellusýkillinn
hefði ekki fundist f öndum eða
gæsum, hvorki innyflum né kjöti,
frá neinum öðrum bæ við þessa
rannsókn.
Ekki er vitað hvernig salmonell-
an barst að Vilmundarstöðum. Er
einkum rætt um þrjá möguleika í
því sambandi, það er að sýkillinn
hafi borist með fuglunum sjálfum
eða eggjum, með fóðri eða frá villt-
um fuglum. Sama salmonellan
kom upp í öndum á Barðastöðum
á Snæfellsnesi og var öllum fuglum
þar eytt vegna þess haustið 1984.
Hollustuverndin er nú að láta
kanna hvort hér sé um nákvæm-
lega sömu tegund að ræða. Eigandi
Vilmundarstaðabúsins, Ölafur Þ.
Þórðarson, sagði í gær að hann
hefði ekki keypt egg eða fugla frá
Barðastöðum og ekki hefði verið
neinn samgangur þar á milli.
Ekki kvaðst Ólafur vita hvað
tjón sitt væri mikið vegna salmon-
ellusýkingarinnar, það skýrðist
ekki strax. Hann sagðist ekki vera
með tryggingar, bjóst enda við að
tryggingafélögin tækju ekki slíkar
tryggingar að sér.