Morgunblaðið - 26.11.1986, Qupperneq 23

MORGUNBLAÐIÐ, MIÐVIKUDAGUR 26. NÓVEMBER 1986
23
Maður kemur í manns stað segir máltækið. Sveinbjörn og Alma með væntanlegum presthjónum í
Hruna, þeim Guðrúnu Björnsdóttur og Halldóri Reynissyni.
Emil Asgeirsson í Gröf afhendir presthjónunum skrautritaða möppu
með nöfnum flestra sveitunga þeirra.
Séra Sveinbjörn og frú Alma við standklukku sem þeim var færð
að gjöf frá íbúum Hrunamannahrepps.
Kirkjukórar Hreppiióla og Hraunsókna syngja undir stjórn Sigurðar
Ágústssonar, undirleikari er Loftur S. Loftsson.
Prófasthjónunum í
Hruna haldið kveðjuhóf
Syðra-Langholti.
PRÓFASTHJÓNUNUM í Hruaa, frú Ölmu Ásbjörnsdóttur og séra
Sveinbirni Sveinbjörnssyni og fjölskyldu var haldið kveðjusamsæti
í félagsheimilinu á Flúðum sl. sunnudag. Séra Sveinbjörn hefur nú
látið af störfum sem prestur i Hruna fyrir aldur sakir en hann verð-
ur sjötugur í næsta mánuði. Hann messaði að Hrepphólum og Hrima
á sunnudaginn.
Séra Sveinbjöm Sveinbjömsson
er Eyfellingur að ætt. Hann vígðist
að Hruna á fardögum árið 1944
og hefur þjónað sama prestakallinu
alla sína prestskapartíð eða í 42
ár en það mun vera sjaldgæft að
prestar þjóni sama brauði svo lengi.
Hmnaprestakall nær yfir Hruna-
mannahrepp allan síðan 1944 en
Hrepphólasókn tilheyrði áður
Stóranúpsprestakalli. Lítil kirkja í
einkaeign er auk þess að Tungu-
felli en hefur lítið sem ekkert verið
notuð hin síðari ár og hefur Tungu-
fellssókn sem taldi fáa bæi nú verið
sameinuð Hmnasókn.
Þau Alma og Sveinbjöm hafa
setið hið foma prestsetur og höfuð-
ból með miklum myndarbrag og
verið vinsæl og virt. Við sveitungar
þeirra kveðjum þau nú með söknuði
en þau munu flytja til Reykjavíkur
í vikunni. Kveðjuhófíð var mjög fjöl-
mennt, þar vom margar ræður
fluttar og prófasthjónunum færðar
alúðarþakkir. Þá sungu kirkjukór-
amir nokkur lög undir stjóm
Sigurðar Ágústssonar í Birtinga-
holti.
Halldór Reynisson verðandi
prestur í Hmna mun taka við emb-
ættinu í næsta mánuði.
Sig. Sigm.
Eins og sjá má var mikill mannfjöldi í kveðjuhófinu.