Morgunblaðið - 07.03.1987, Blaðsíða 20
20
MORGUNBLAÐIÐ, LAUGARDAGUR 7. MARZ 1987
Stattu með mér
Félagarnir fjórir í mynd Stjörnubíós.
Spencer í lampanum
Kvikmyndir
Arnaldur Indriðason
Stattu með mér (Stand By Me).
Sýnd í Stjörnubíói. Stjörnugjöf:
☆ ☆ '/2.
Bandarísk. Leikstjóri: Rob
Reiner. Handritshöfundar: Ray-
nold Gideon og Bruce A. Evans
eftir smásögu Stephen King.
Framleiðendur: Andrew Shein-
man, Bruce A. Evans og
Raynold Gideon. Tónlist: Jack
Nitzsche. Kvikmyndataka:
Thomas Del Ruth. Helstu hlut-
verk: Wil Wheaton, River
Phoenix, Corey Feldman og
Jerry O’ Connell.
Þótt margir rithöfundar skrifi
leynt eða ljóst um æsku sína ein-
hverntíman á ferli sínum býst
maður einhvemveginn síst við
slíku af rithöfundi að nafni Step-
hen King. Þvert á móti hefði
maður haldið að æskuminningar
ættu lítið sameiginlegt með hinum
mögnuðu og blóðríku hrollvekjum
sem hann hefur samið og búið er
að filma næstum áður en hann
getur skrifað handritið til enda.
En leikstjóranum Rob Reiner
fannst eins og ein af smásögum
Kings, sem heitir Líkið, gæti vel
verið sjálfsævisöguleg að ein-
hveiju leyti. King hvorki játti því
né neitaði, en Reiner og handrits-
höfundarnir Raynold Gideon og
Bruce A. Evans leggja nokkra
áherslu á möguleg tengsl við rit-
höfundinn King í myndinni sem
þeir gerðu eftir sögunni og heitir
Stattu með mér (Stand By Me)
og er sýnd í Stjörnubíói.
Hún er um fjóra unga stráka
en einn af þeim á eftir að verða
frægur rithöfundur og er sögu-
maður myndarinnar kominn á
fullorðinsár. Riehard Dreyfuss
leikur hann. Það er auðvelt að
finna samsvörun við King því
stráksi segir félögum sínum
skrítnar sögur sem King hefði
sannarlega getað upphugsað sem
strákur. Sögutíminn eru tveir æf-
intýralegir sumardagar í smábæ
í Bandaríkjunum árið 1959 en
myndin snýst um leit strákanna
að líki jafnaldra þeirra sem þeir
hlera að hafi orðið fyrir lest. Rein-
er hefur einbeitt sér að því að
draga upp fallega og ljúfa lýsingu
á vinskap og tryggð strákanna
og minnir lauslega á handbragð
Danans Bille August í þeim efn-
um. Strákarnir, sem leika sín
hlutverk yfirleitt ágætlega, fá að
njóta sín hver og einn og allir
saman og eru bráðskemmtilegir
og ærslafullir. En þeir eiga hver
um sig við persónulega erfiðleika
að etja og fyrr en varir hefur
líkleitin snúist uppí sjálfskönnun-
arleiðangur þeirra tveggja sem
standa næst hvor öðrum.
Einn á geðsjúkling fyrir föður,
annar fyllibyttu, en þriðji strákur-
inn, sögumaðurinn, sem myndin
snýst mestanpart um, á föður sem
honum finnst að hati sig eftir að
stóribróðir, augasteinn föðurins,
lést í bílslysi. Hann hefur það
sterklega á tilfinningunni að
pabbinn hefði frekar viljað að
hann hefði látist. Fyrir hann er
líkleitin eitthvað annað og meira
en ævintýraferð. Það er eins og
hann vilji standa andspænis dauð-
anum sjálfur og yfirstíga þannig
bróðurmissinn og finna ró í sínum
beinum.
Eins og sjá má er þessi mynd
verulega ólík öllum hinum sem
filmaðar hafa verið eftir sögum
Kings. Hún er fallega gerð eftir
vel skrifuðu og oft fyndnu hand-
riti, sem er skemmtilega innstillt
á samband vinanna ljögurra. En
það er eins og vanti meiri tilfinn-
ingu og drama þegar líður á
myndina til þess að hún orki eins
sterkt á mann og hún ætti og
gæti gert.
Kvikmyndir
Arnaldur Indriðason
Ég er mestur (Aladdin). Sýnd í
Austurbæjarbíói. Stjörnugjöf: 0.
Það er sama hversu jákvæður
og skilningsríkur maður reynir að
vera; það er ekki neitt gott hægt
að segja um Bud Spencer og hans
nýjustu mynd sem heitir því óviðeig-
andi nafni Ég er mestur. í auglýs-
ingunni stendur að þetta sé
tvimælalaust besta mynd Speneers.
Það er sjálfsagt satt og rétt en hún
er samt ömurleg. (Manni óar við
tilhugsuninni um hans verstu
mynd).
í þessari er Spencer, sem ekki
er hægt að segja að hafi leikið fjöl-
breytileg og krefjandi hlutverk um
sína daga, í nokkuð sérkennilegri
rullu því hann er andi í lampa sem
versti krakkaleikari á jörðinni finn-
ur einn góðan veðurdag og losar
úr lampanum.
Fljótlega uppúr því fær myndin
á sig gamla Spencer-lagið með
barsmíðum, gersamlega vonlausum
söguþræði sem engin leið er að
finna nein rök í frekar en venjulega
og persónum og leikendum sem
maður helst vorkennir að hafa lent
í þessari heimskulegu mynd.
Hausaveiðarinn Hauer
Kvikmyndir
Sæbjörn Valdimarsson
LAUGARÁSBÍÓ: Eftirlýstur —
Wanted: Dead Or Alive ☆ ☆
Leikstjóri: Gary Sherman. Hand-
rit: Sherman, Michael Patrick
Goodman, Biran Taggert. Kvik-
myndatökustjóri: Alex Nepomn-
iaschy. Tónlist: Joseph Renzetti.
Aðalleikendur: Rutger Hauer,
Gene Simmons, Robert Guill-
aume, Mel Harris. Bandarísk.
New World Pictures 1986.
Hin bláeygði og ljóshærði Hol-
lendingur, Rutger Hauer, virðist
búinn að festa sig í sessi sem rusta-
menni nr. 1 í bandarískum kvik-
myndum. Síðast sáum við til hans
í mannhundshlutverki í The Hitch-
er núna, í Eftirlýstur, er hann
reyndar réttu megin við lög og
reglu, en karakterinn sá sami.
Hauer er einskonar málaliði í
undirheimum LA, þar sem þessi
fyrrverandi sambandslögreglumað-
ur hefur uppá eftirlýstum óbóta-
mönnum í anda hausaveiðara villta
vestursins. Og virðist starfið falla
kauða vel. En svo kemur að því að
arabískur hermdarverkamaður,
Gene Simmons, (Kiss), kemur til
borgarinnar, sprengir í loft upp
þéttsetið kvikmyndahús, (þar sem
náttúrlega er verið að sýna Rambo),
og veit lögreglan fyrir víst að hann
lætur ekki þar við sitja. Þá er barið
uppá hjá hausaveiðaranum.
Reynt er að vekja samúð með
Hauer, m.a. með því að sýna hann
ástfanginn, en maðurinn er svo
gott sem óþekktur utan hrottahlut-
verka. En konuefnið fer auðvitað
sömu leiðina og bíóhúsið og besti
vinur Hauers að auki. Og þá mega
arabar fara að vara sig!
Eftirlýstur er vitaskuld for-
múlumynd, í ætt við þær sem
kenndar eru við Stallone, Schwartz-
enegger, og co. Og þó svo að Hauer
virðist sáttur við að láta skipa sér
á bekk með þessum heilsurækt-
arfríkum, þá er hann óvefengjan-
lega illskárri leikari en þeir, (enda
þarf eiginlega ekkert til), en metn-
aðurinn er minni en maður bjóst við.
Efnisþráðurinn er sem sagt skelf-
ing ófrumlegur, jafnframt flæktur
inn í þokukennt hliðarplott um tál-
beitur og samband Hauers og
fyrrverandi yfirmanns hans í FBI.
En það eimir örlítið eftir af krafti
í Hauer og kvikmyndagerðarmönn-
um er ekki alls varnað, einkum er
takan og lýsingin oft býsna bóð,
svo Eftirlýstur sleppur hjá sem
þokkaleg, rútínu hasarmynd. En
vonandi fer sú alhæfing í kvikmynd-
um að gyðingar séu hvítir en arabar
svartir fyrir brjóstið á fleirum en
mér.
Hauer: Hausaveiðari í Hollywood.