Morgunblaðið - 07.03.1987, Blaðsíða 69

MORGUNBLAÐIÐ, LAUGARDAGUR 7. MARZ 1987
69
ÍÞRÓTTIR UNGLINGA
Hrönn Róbertsdóttir ÍBV:
Flutti í bæinn
til að geta æft
SÁ KEPPANDI sem lengst var að
kominn á meistaramótið í fim-
leikastiga er Hrönn Róbertsdóttir
frá Vestmannaeyjum. Hún var
spurð hvort mikill áhugi væri á
fimleikum í Eyjum.
„Já, það er þó nokkur áhugi,
sérstaklega hjá yngri krökkunum.
Pað er aftur á móti ekki haegt að
fá nógu marga tíma í húsinu þann-
ig að t.d. geta strákar ekki æft
fimleika heima. Við fáum aðeins
tíma tvisvar í viku 45 mínútur í
bvort skipti. Einnig vantar ýmis
tæki en það smákemur, t.d. erum
við nýbúin að fá jafnvægisslá og
tvíslá," svaraði Hrönn.
En skyldi ekki vera erfitt fyrir
Hrönn að keppa við krakka sem
æfa 5-6 sinnum í viku þegar hún
getur bara æft tvisvar. „Jú það er
náttúrlega gifurlegur aðstöðumun-
ur. Ég bjó hinsvegar í bænum í
hálfan vetur í hittifyrra til að geta
æft með Gerplu. Næsta sumar og
vetur ætla ég að reyna að gera
það aftur. Síðan hef ég reynt að
komast á öll mót til að halda mér
í sem bestri mögulegri æfingu.
Þetta hefur allt gengið ágætlega
hjá mér og t.d. er ég búin að vinna
J
<
MorgunblaðiðA/IP
• Hrönn Róbertsdóttir
mér rétt til að keppa í 3. stigi
næsta vetur,“ svaraði Hrönn þess-
um hugleiðingum blaðamanns og
er greinilegt að þarna fer fimleika-
stúlka sem er tilbúin að leggja
mikið á sig til að ná árangri í íþrótt
sinni.
Morgunblaöiö/Einar Falur
Engin lidamót?
Liðamót hvað er nú það? Fimleikafólk virðist oft geta gert ótrú-
legustu hluti með líkama sínum og virðist á stundum liðamótalaust
með öllu. Það er t. d. ekki á hvers manns færi að leika þessa
æfingu eftir stúlkunni.
• Fimleikastúlka nr. 36 kallar mótstjórn! Bið um lengingarleyfi.
Morgunblaðið/Einar Falur
- ..■<
Miklar framfarir
í fimleikum
— en dómaramálin eru í ólestri
MEISTARAMÓT unglinga í fim-
leikastiga var haldið í íþróttahúsi
Seljaskóla sunnudaginn 1. mars
sfðastliðinn. Rétt til þátttöku á
þessu móti áttu þeir sem bestum
árangri hafa náð í vetur í hverju
stigi. í hverju stigi er keppt í
ákveðnum skylduæfingum og
þegar ákveðinni einkunn er náð
í einu stigi færast menn upp i
næsta stig og fara að glíma við
erfiðari æfingar.
Fimmtíu keppendur mættu til
leiks á þessu móti og mátti sjá
marga þeirra framkvæma æfing-
arnar mjög vel. Greinilegt er að
íslenskt fimleikafólk er í mikilli
framför og því eðlilegt að menn
velti fyrir sér hvar við stöndum í
íþróttinni miðað við aðrar þjóðir
og hvers má vænta í framtíðinni.
Nálgumst
Norðurlöndin
Valdimar Karlsson þjálfari
Gerplu telur að við ættum að geta
náð Norðurlandaþjóðunum að
getu eftir 1-2 ár. „Við erum með
mjög efnilegar stúlkur sem eru
með góðan grunn eftir markvissa
þjálfun. Á næsta Norðurlandamóti
unglinga sem haldið verður næsta
fár ættum við því að geta sent
mjög gott og jafnt lið. Einnig eigum
við efnilega drengi en þeir eru
styttra á veg komnir einfaldlega
vegna þess að það tekur lengri
tíma fýrir stráka að þjálfa sig upp.
Ástæðan er sú að karlmenn keppa
í fleiri greinum en kvenfólk og þurfa
því lengri þjálfun. Einnig byrja
stelpur yngri en strákar að æfa
þannig að við þurfum að bíða leng-
ur eftir að sjá árangur hjá strákun-
um.
í fimleikum er mjög mikilvægt
að flýta sér hægt og æfa grundvall-
aratriðin vel fyrst. Fimleikastigarn-
ir eru einmitt hugsaðir til þess að
ekki sé hlaupið yfir nein atriði í
þjálfun fimleikafólksins,“ sagði
Valdimar.
Ólag á dómaramálum
„Þrátt fyrir mikinn uppgang í
íþróttinni er þó margt sem betur
mætti fara og t.d. er verulegt ólag
á dómaramálum. Alltof fáir hæfir
dómarar eru til í landinu. Unglinga-
mót önnur en innanfélagsmót eru
ekki nema þrjú á hverju ári. Mjög
mikilvægt er að hægt sé að treysta
því að dómgæslan á slíkum mótum
sem og öðrum sé góð því krakk-
arnir æfa 5-6 sinnum í viku allan
ársins hring með þessi mót að
markmiði.
Eins og málum er háttað í dag
er tækninefnd FSÍ með dómara-
málin á sinni könnu. Auk dómara-
mála sér tækninefndin um að
skipuleggja mót, velja landslið,
halda þjálfara- og dómaranám-
skeið og margt fleira. Þetta er
einfaldlega of mikið fyrir eina
nefnd. Dómaramálin ættu að vera
á herðum sérstakrar dómara-
nefndar eins og er í flestum öðrum
löndum. I þessari nefnd ættu að
sitja hæfustu dómarar landsins og
ættu þeir að sjá bæði um þjálfun,
leiðbeiningar og eftirlit með dóm-
urunum. Hér á landi eigum við
marga mjög góða dómara sem
gætu tekið þetta að sér. Samhliða
þessu þyrfti að borga dómurum
fyrir störf þeirra því bæði fer mik-
ill tími í dómgæslu og eins þurfa
dómarar að undirbúa sig undir
hvert einasta mót ef vel á að vera.
Ef þeir fengju greitt fyrir sín störf
væri einnig auðveldara að gera til
þeirra miklar kröfur. Eins og stað-
an er í dag er ekkert eftirlit með
hvort dómarar haldi sér í þjálfun
eða undirbúi sig undir mót,“ sagði
Valdimar.
Vantar gryfju
„Til að bæta árangur enn frekar
í fimleikum þurfum við að taka
þátt í fleiri alþjóðamótum. Þátttaka
okkar í siíkum mótum hefur mest-
megnis verið bundin við stærstu
mótin. Til að ná árangri á þeim
verða keppendur að vera búnir að
öðlast reynslu á öðrum og minni
alþjóðamótum. Einnig er nauðsyn-
legt að senda dómara á alþjóða-
mót til að þeir geti fylgst með því
sem er að gerast í greininni.
Auk þessa vantar nauðsynlega
íþróttahús með gryfju. Við erum
farin að geta gert æfingarnar mjög
vel en afstökkin og stökkseríurnar
verða aldrei nægilega góðar án
gryfjuaðstöðu," bætti Valdimar
við.
Næsta stórmót í fimleikum er
íslandsmeistaramótið sem verður
dagana 20., 21. og 22. mars. Lof-
aði Valdimar glæsilegu móti. „Það
munu koma nýjar, erfiðar og glæsi-
legar æfingar frá öllum félögunum.
Eftir mótið verða valdar þær stúlk-
ur sem fara á Norðurlandamótið.
Keppendir verða því í sínu besta
formi,“ sagði hann að lokum.