Morgunblaðið - 26.03.1987, Blaðsíða 40

Morgunblaðið - 26.03.1987, Blaðsíða 40
40 MORGUNBLAÐIÐ, FIMMTUDAGUR 26. MARZ Stórfelld lækkun á farm- gjöldum til varnarliðsins Önnur flutningafyrirtæki óttast afleiðingarnar Frá Jóni Ásgeiri Sigurðssyni, fréttaritara Morgunblaðgúu i Bandaríkjunum. Heildartekjur Eimskipafélags ís- lands hf. af varnarliðsflutningunum næsta ár verða að likindum aðeins fimmtihluti af þeirri upphæð, sem fengist miðað við þau farmgjöld •«em gilt hafa um varnarliðsvörur. Talsmenn annarra tilboðsaðila lýstu í gær undrun sinni á þessu lága tilboði Eimskip og óttast að aðrir aðilar sem senda vörur milli Islands og Bandaríkjanna geri nú kröfur um samsvarandi lækkun farm- gjalda. Samkvæmt upplýsingum Nancy Hart hjá umboðsaðilum Sambands- ins í New York er munurinn á helstu farmgjöldum í tilboði Eim- skips og þeim farmgjöldum sem gilt hafa hingað til þessi: Tilboð Eimskips hljóðar upp á 19,60 doll- ara fyrir mælitonnið af gámavörum í 20 feta gámum, en hefur verið 154,70 dollarar frá Portsmouth. Tilboð Eimskips hljóðar upp á 26,85 dollara á mælitonnið af gámavörum í 40 feta gámum, en hefur verið 176 dollarar frá Portsmouth. Fyrir frystigámaflutning bauð Eimskip 50 dollara á mælitonnið en hingað til hafa verið teknir 240,90 dollarar fyrir mælitonnið frá Portsmouth til íslands. Aðrir tilboðsaðilar, sem vilja ekki láta nafns getið, lýstu furðu sinni á því hversu lágt Eimskip hefði boðið og bentu fréttaritara á að spyrja hvort þeim sem flytja frosið grænmeti í 40 feta gámum bjóðist þetta lága verð. Þessir aðilar töldu að fyrir sömu flutninga og með farmgjöldum sem gilt hafa, hefðu fengist um 200 milljónir króna, en samkvæmt tilboði Eimskip fáist aðeins um 40 milljónir króna. Þegar Rainbow Navigation tók við flutn- ingunum voru heildartekjur af öllum íslandsflutningum fyrir varn- arliðið um 11 milljónir dollara á ári, það er að segja 440 milljónir króna á núgildandi gengi. Mark Young forstjóri Rainbow Navigation sagði í samtali við fréttaritara Morgunblaðsins í gær að þessi farmgjöld í tilboði Eimskips séu góðar fréttir fyrir þá sem senda vörur sjóleiðis milli Bandaríkjanna og íslands. „Raunar þýðir tilboðið að mínu mati að Eimskip sé best rekna skipafélag í heimi, það væri gaman að kunna þeirra rekstrarað- ferðir," sagði Mark Young. Hann sagðist búast við að ef Rainbow Navigation hljóti 35 prósent flutn- inganna, verði skip þeirra tekið í skilyrta leigu hjá flotanum. „Þá gætum við ekki keppt í almennum flutningum, þar eð flotinn getur tekið skipið í önnur verkefni hvenær sem er, og því ekki hægt að sigla eftir áætlun," sagði Mark Young. Eimskipafélag íslands hf. gerði lægsta tilboð í vöruflutninga á veg- um bandaríska flotans og fær því 65 prósent varnarliðsflutninga milli Bandaríkjanna og íslands í sinn hlut. Óstaðfestar fregnir herma að Rainbow Navigation hljóti 35 pró- sent flutninganna, en sjóflutninga- deild bandaríska flotans hefur enn ekki tilkynnt hvaða bandarískt fé- lag hlýtur þann hluta flutninganna. Talsmaður flutningadeildar flot- ans staðfesti í gær að fjögur íslenzk skipafélög hefðu boðið í flutning- ana. Hann vildi hins vegar ekki tjá sig um fjölda bandarísku félaganna, en talið er að aðeins Rainbow hafi gert tilboð í flutningana. Flutningarnir fyrir Varnarliðið: Óska Eimskip til hamingju Haraldur Ingi Haraldsson ásamt einu verka simia. Sýnir í Ný- listasafninu HARALDUR Ingi Haraldsson opnar myndlistarsýningu í Ný- listasafninu við Vatnsstíg 3b laugardaginn 28. mars nk. kl. 14.00. Haraldur Ingi sýnir þar olíu- og akrílmyndir, teikningar og pastelverk. I sambandi við sýninguna gefur Rauða húsið á Akureyri út tvær bækur eftir Harald Inga; „Ljóð í blárri bók" og bók án nafns með teikningum og texta. Haraldur Ingi stundaði nám við MHÍ 1978-81 og framhaldsnám í Hollandi í tvö ár við AKÍ akademie voor beldende kunst Enschede og eitt ár við de frije akademie psyko- polis i den Haag. - segir Finnbogi Kjeld, f orstjóri „ÉG óska Eimskipafélaginu til hamingju með að hafa fengið flutningana fyrir Varnarliðið. Svona ganga hlutirnir. Sjálfsagt hefur Eimskipafélagið boðið bezt og því fengið flutningana," sagði Finnbogi Kjeld, forstjóri skipafélagsins Víkur, í samtali við Morgunblaðið. Skipafélagið Víkur var eitt þeirra skipafélaga, sem buðu í flutning- ana, en fékk ekki. Finnbogi sagði, að þetta væri ekkert áfall fyrir fé- lagið, en hann hefði orðið ánægður, hefði tilboði félagsins verið tekið. Hann vissi ekkert um önnur tilboð, en gerði ráð fyrir því, að öllum leik- reglum hefði verið fylgt í þessu máli. Ómar Jóhannsson, framkvæmda- stjóri skipadeildar Sambandsinsins, sagði í samtali við Morgunblaðið, að síðastliðin tvo til þrjú ár hefði skipadeildin sagt, að íslenzk skipa- félög ættu að hafa alla möguleika á því að bjóða upp á framgjöld, sem stæðust samkeppni annarra. Því væri eðlilegast að íslenzku skipafé- lögin byggju við jafnrétti, þegar keppt væri um þessa flutninga. Þetta hefði nú gerzt og Eimskipafé- lagið fengið flutningana fyrir Varnarliðið. „Við buðum ekki í þessa flutninga með það í huga að tapa á þeim eða standa á sléttu. Það er ef til vill af þeim sökum, meðal annars, sem Eimskipafélagið fékk þessa flutninga. Ég veit ekki um önnur tilboð en okkar í þessa flutninga og get því ekki borið þau saman. Það hefur nú verið sýnt fram á að íslenzku skipafélögin hafa ekki síðri möguleika í þessari samkeppni en erlend félög. Það var bara spurningin hver spilaði djarf- ast. Mér skilst að Eimskipafélagið muni ekki tapa á þessum flutning- um og það þýðir ákveðinn hlut. Eg vona að framtíðin verði á þann hátt, að íslensk skipafélög eigi möguleika á að ná þeim, en verði ekki útilokuð_ í skjóli einokunar- laga," sagði Ómar Jóhannsson. Tilboð Eimskip gerir ráð fyrir 19,60 til 26,85 dollurum á mæli- tonnið af gámavörum, sem fluttar eru frá Bandaríkjunum til íslands. Fyrir ökutæki er gjaldið 48,65 til 62,95 dollarar á mælitonnið. Fyrir frystivörur er gjaldið 50 dollarar á mælitonnið. Slasaðist um borð Siglufirði. RÆKJUBÁTURINN Hákon kom inn til Siglufirði í gærkvöldi með slasaðan sjómann. Maðurinn hafði orðið fyrir vír sem brast. Þær upplýsingar fengust á sjúk- arhúsinu í að líðan mannsins væri eftir atvikum góð. mj Að loknum tónleikum á Lækjartorgi var gengið að Borgartúni 6, þar sem utanríkisráðherrar Norð- urlandanna funduðu. Þar fluttu ávörp þeir Thor Vilhjálmsson, séra Gunnþór Ingason og Erik Alf sen. Krafa um kjarnorkuvopnalaus Norðurlönd: Fimm hundruð manns sóttu tónleikana á Lækjartorgi Morgunblaðið/Július Hljómsveitin Foringjarnir hóf tónleikana á Lækjartorgi í gær, þar sem hópur fólks lagði áherslu á kröfu sína um kjarnorku- vopnalaus Norðurlönd. TÓNLEIKAR og útifundur voru haldnir á Lækjartorgi í gær og var markmiðið að und- irstrika kröfu um kjarnorku- vopnalaus Norðurlönd. Tilefnið var fundur utanríkisráðherra Norðurlandanna, sem hittust í húsnæði ríkisins að Borgartúni 6 í gær. Að sögn lögreglu voru um 500 manns á Lækjartorgi í gær. Val- geir Guðjónsson tónlistarmaður stjórnaði fyrsta hluta tónleikanna, en þá léku hljómsveitirnar For- ingjarnir og Grafík, auk þess sem Valgeir og Bjarni Tryggvason tóku lagið. Síðan tók Bubbi Morthens við stjórninni ásamt Ævari Kjartanssyni. Pétur Gunn- arsson flutti ávarp og Jón Gúst- afsson stjórnaði loks lokahlutan- um. Þá stigu Ragnhildur Gísladóttir og Jakob Magnússon á svið til tónlistarflutnings og fluttu meðal annars lag sem Ragnhildur samdi sérstaklega fyr- . ir tónleikana. Lag hennar ber heitið „Ekki ég". Skeyti barst frá Yoko Ono, ekkju John Lennon, og kvaðst Yoko fagna framlagi íslenskra listamanna til friðarmála í heimin- um og sagðist hugsa til fundar- manna. Eftir að Ævar Kjartans- son hafði lesið skeytið upp tók Ragnhildur Gísladóttir við blóm- vendi frá Yoko, fyrir hönd lista- mannanna sem fram komu. Eftir að tónleikum og ávörpum á Lækjartorgi lauk, um kl. 17, var gengið að Borgartúni 6 undir forystu Lúðrasveitarinnar Svan- ur. Þar héldu Thor Vilhjálmsson og séra Gunnþór Ingason stuttar ræður, auk Norðmannsins Erik Alfsen, sem hefur starfað með samtökunum „Nej til atomvápen" í Noregi. _Að þessu loknu var Matthíasi Á. Mathiesen færð að gjöf bók Halldórs Laxness, „Atómstöðin", með áritaðri kveðju höfundar.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.