Morgunblaðið - 26.03.1987, Qupperneq 70

70
MORGUNBLAÐIÐ, FIMMTUDAGUR 26. MARZ
KSÍ 40 ára í dag:
Metnaður, skap og sjálfsagi
Rætt við Ellert B. Schram, formann KSÍ
Knattspyrnusamband íslands á afmæli í dag, þegar fjörutíu
ár eru liðin frá stofnfundi þess þann 26. mars 1947. Margir
hafa komið við sögu félagsins í gegnum árin, ekki síst sá
maður sem stýrir sambandinu nú, Eilert B. Schram. Hann tók
við formennsku í KSÍ 1973, en kynntist sambandinu iöngu
fyrr, bæði sem knattspyrnumaður og ekki síst í gegnum starf
föður síns, Björgvins Schram, sem átti sæti í fyrstu stjórn
KSÍ og gegndi formennsku þar um 14 ára skeið frá 1954.
„Það hafa oröið gífurlegar breyt-
ingar á starfsemi KSÍ á þessum
fjörutíu árum," segir Ellert og
minnist þeirra tíma er fundahöld
og skrifstofuvinna þess fóru að
mestu fram í „eldhúsinu heima."
Skrifstofan er komin í öllu betra
húsnæði í [þróttamiðstööinni og
næsta sunnudag verður þeim
áfanga náð að taka allt húsnæði
sambandsins í notkun um leið og
efnt verður til afmælishófs.
Stórhuga menn
„Þó 40 ár séu liðin frá því starf-
semi KSÍ hófst, er saga knatt-
spyrnunnar hér lengri. Hún hófst
’skömmu fyrir síðustu aldamót.
Fyrsta mótið hér var haldiö 1912
og fyrsti landsleikurinn 1946. En
það voru stórhuga menn með
stóra drauma sem fóru af stað
með KSÍ og margir hafa ræst.
Þetta er fjölmennasta íþróttasam-
bandið, með um 22.000 virka
þáttakendur og ótrúlega mikinn
fjölda æskufólks innan sinna vé-
banda," segir Ellert. Hann var
sjálfur ekki svo ýkja hár í loftinu
þegar byrjað var að sparka bolta.
„Ætli ég hafi ekki byrjað að spila
fótbolta um þaö leyti sem ég byrj-
aði að ganga," segir hann og hlær.
„Ég man satt að segja ekki hvenær
þetta byrjaði, finnst fótboltinn hafa
verið með mér alla tíð. Ég er KR-
ingur í húð og hár og spilaöi með
öllum aldursflokkum í KR. Var svo
með meistaraflokki í 14 ár."
Ekki hefur hann þó látið þar við
sitja því hádegið er enn notað til
að sparka bolta og Ellert hefur
verið í „Old boys" liði KR - og
vonast til að komast í liðið í sum-
ar! Hann segist vera búinn að sjá
miklar breytingar á knattspyrnunni
í gegnum árin.
Úr tveimur landsleikj-
um í 30 *
„Á upphafsárum KSÍ voru spil-
aðir kannski tveir landsleikir á ári
og þótti nokkuð gott. Núna eru
landsleikirnir um 30 árlega og
landsliðin orðinn sex talsins, A-
landslið, 21 árs liðið, unglinga-
landslið 18 ára og yngri, drengja-
landslið 14-16 ára, Olympíuliðið
og kvennalandsliðiö. Landsmótið
hefur líka aukist verulega að vexti
og líklega eru hátt á 4. hundrað
leikir spilaðir í því á hverju ári,
enda aðildarfélög KSÍ vel á 2.
hundraö talsins. Launaðir starfs-
menn KSÍ eru sex þjálfararog tveir
skrifstofumenn og viðbótarfólk á
sumrin. Svo situr í sambandinu 14
manna stjórn og það má segja að
hver og einn stjórnarmeðlimur sé
upp fyrir haus í verkefnum sem
öll eru unnin í sjálfboðavinnu.
Það er ótrúlega mikið starf sem
þessir menn og aðrir sem starfa
við knattspyrnuna eins og fleiri
íþróttir leggja á sig í sjálfboða-
vinnu. Það er líka eins gott því að
fjárhagur KSl er ekki mikill og tek-
justofnar stopulir. Ég veit ekki
hvernig svona starfsemi færi ef
menn væru ekki reiöubúnir til að
leggja mikið á sig launalaust.
Dýr rekstur
Hins vegar höfum við í seinni
tíð farið út í samstarf með fyrir-
tækjum eins og að kalla bikar-
keppnina okkar mjólkurbikar-
keppni og fá með því stuðning frá
mjólkurdagsnefnd. Svo horfum við
fram á aðeins betri tíð með Lottó-
peningunum, en rekstur KSÍ kostar
um 40 milljónir króna á ári og hvar
sem litið er blasa við verkefni,
þannig að við verðum víst ekki í
neinum vandræðum við aö koma
þeim fjármunum í lóg.“
Knattspyrnan gefandi
Aðspurður um þann tíma sem
fer í félagsstarfiö segist Ellert ekki
vita hvað betra mætti við þann
tíma gera. „Knattspyrnan hefur
gefið mér svo mikið í gegnum
tíöina að mér er Ijúft að endur-
gjalda þó ekki sé nema lítið brot
af því með því að sinna forystu-
störfum hjá hreyfingunni. Enda er
þetta ekki spurning um tíma, ef
ekki væri knattspyrnan þá væri ég
bara að gera eitthvaö annað og
það er nú einu sinni svo, að þegar
mikið er að gera þarf bara að
skipuleggja sinn tíma betur."
Én með það í huga að viðmæl-
andi hefur sinnt ýmsu öðru en
knattspyrnuna um dagana, er lög-
fræðingur sem hefur bæði setið í
ritstjórastól Vísis og DV og gegnt
þingmennsku fyrir Sjálfstæðis-
flokkinn, er hann spurður um hvort
knattspyrnan hafi aldrei rekist á
annað.
„Jú, hún hefur bæði rekist á
vinnuna og fjölskylduna, en ég hef
verið heppinn, átt fjölskyldu og
vinnuveitendur með góðan skiln-
Fomnaður
Í14ár
Ellert B. Schram. Fæddur
10.10. 1939. Lögfræðingur
að mennt. Blaðamaður á
námsárunum. Skrifstofustjóri
borgarínnár 1966. Þingmaður
Sjálfstæðisflokksins 1971.
Ritstjóri Vísis 1980 og sfðar
DV og þingmaður jafnhliða
því.
Liðsmaður KR í knatt-
spymu og lék í meistaraflokki
frá 1967-71. Meistaraflokks-
leikir 290. Landsleikir 23.
íslandsmeistari 5 sinnum í
meistaraflokki. Bikarmeistari
7 sinnum í meistaraflokki.
ing á knattspyrnuáhuga, þannig
að engir stórárekstrar hafa átt sér
stað. Svo er ég nú laus við eitt af
þessun þremur störfum, þannig
að það rýmkast aöeins vinnutím-
inn," segir Ellert, en hann ætlar
ekki í framboð í komandi kosning-
um. Segir þó þingmönnum ekki
síður hollt en öðrum að stunda
knattspyrnu eða aðrar íþróttir.
Ekki einvaldur
„Annars deilast störf mikið inn-
an stjórnar KSÍ og ég hef veriö
nokkuð laginn að undanfömu við
að koma mér undan vinnu og koma
verkefnum yfir á aðra, það er nú
kosturinn við að vera formaður,"
segir hann og brosir við spurning-
unni um hvort þarna sé á feröinnt
einvaldur knattspyrnusambands-
iris. „Ég held að ég hafi ekki verið
einráður í stjórn KSÍ, þó svo að
formaður verði að hafa ákveönar
skoðanir og geta tekið af skarið."
• Ellert B. Schram, formaður KSÍ, ritstjóri DV og fráfarandi þingmað-
ur. „Það er þingmönnum sem öðrum hollt að hreyfa sig.“
Vantar herslumuninn
Ellert minntist áður á menn með
stóra drauma fyrir hönd KSÍ í upp-
hafi og á honum er að heyra að
draumar manna fyrir hönd sam-
bandsins nú séu síst minni. Talið
berst að landsliðinu, sem hann
telur víst að eigi eftir að skipa sér
í röð þeirra bestu í framtíðinni.
„Það háir okkur svolítið í dag að
okkar leikmenn eru dreyfðir um
Evrópu og því lítið um samæfing-
ar. Hins vegar hefur sami hópurinn
að mesti skipaö A-landsliðið á
undanförnum árum og menn
þekkja þvi ágætlega hver annan.
Svo eru þeir í góðri leikþjálfun sem
skiptir miklu máli. Okkur vantar
herslumuninn á að vera komnir í
hóp fremur góðra liða og mjög
góðra. En miðað við þann éfnivið
sem við höfum í höndunum núna
þá er ekki óraunhæft að tala um
að slíkt takmark náist á næstu
þremur árum.
Tímabilið of stutt
Það sem háir þessu einnig er
aö hérfendis er ekki leikið af at-
vinnumennsku og keppnistímabilið
er stutt, alltof stutt. Það koma
rúmir sex mánuðir á hverju ári sem
menn eru ekki að leika og það
eyðileggur alla nýtingu. Tímabilið
þarf að standa lengur yfir því það
aö spila og spila og spila, það
gerir menn að meisturum.
Betra en urð og grjót
Auðvitað verðum við að horfast
í augu við okkar landfærðilegu legu
og veðurfar sem henni fylgír, en
það er ekki bara það. Knattspyrnu-
vellir eru ófullnægjandi og gervi-
grasvöllurinn í Laugardal er búinn
að sanna það að ef menn mögu-
lega geta þá spila þeir knattspyrnu
allan ársins hring. Völlurinn er í
notkun að segja má frá morgni til
kvölds. Auövitaö kemur gervigra-
sið ekki í staðinn fyrir náttúrulegt
gras og leikurinn verður nokkuð
frábrugðinn á því, en það er þó
betra en urð og grjót."
Aðstöðu ábótavant
Reyndar vill formaðurinn ekki
einungis sjá fleiri gervigrasvelli,
draumurinn er að hér rísi yfir-
byggður knattspyrnuvöllur með
aðstöðu fyrir 30.000-40.000 áhorf-
endur. Hann segir að tilkoma
gervigrasvalla á landsbyggðinni
myndi stórauka alla aðstöðu liða
þar, en er þar fyrir utan mjög án-
ægður með stöðu knattspyrnunn-
ar úti á landi, „enda er ekki til það
byggðarlag á íslandi sem ekki hef-
ur á að skipa a.m.k. einum knatt-
spyrnuvelli. Dæmi um hvaða sess
íþróttin skipar eru augljós á stöð-
um eins og Húsavík og í Garðinum,
sem báðir koma til með að eiga lið
í 1. deild á næsta keppnistímabili.
Akranes er heldur ekki stór stað-
ur...“
Ellert viðurkennir að aðsókn
áhorfenda hafi nokkuð dregist
saman að undanförnu, en bendir
um leiö á að bæði megi þar um
kenna að víða sé aðstöðu fyrir þá
ábótavant, auk þess sem fólk nú
vilji almennt frekar taka þátt sjálft
í íþróttum heldur en að láta sér
duga að horfa á. „Sá hópur sem
stundar knattspyrnu og aðrar
íþróttir stækkar sífellt og fjöldi
æskufólks sem kemur til liðs við
knattspyrnuna á ári hverju fer vax-
andi. Það út af fyrir sig er ómetan-
legt því varla er til betri vörn en
íþróttir gegn eitri og annarri spill-
ingu sem steðjar að æskufólki nú.
En það er mikill fjöldi æskifólks
sem KSÍ skipuleggur starf fyrir,
allt niður í sex ára aldurshópinn,
sem hefur átt kost á að stunda
knattspyrnuskóla á vegum sam-
bandsins. Það er ekkert skrýtið að
fólk vilji stunda knattspyrnu, þetta
er skemmtileg íþrótt og einfaldur
leikur sem allir geta tekið þátt í.“
Hvatning fjölmiðla
Út frá þessu og ekki síst því að
viðmælandi situr enn í ritstjórastól
DV, eftir að hafa fyrst kynnst
blaöamennsku sem íþróttafrétta-
maður Vísis á námsárunum, berst
talið að þætti fjölmiðla i auknum
áhuga á íþróttum. „Umfjöllun fjöl-
miðla í íþróttum er mjög af hinum
góða og það hefur sýnt sig að
íþróttir eru efni sem selur og fólk
vill lesa um," segir hann og talar
af eigin reynslu. Kveðst sjálfur
hafa þann sið að byrja lestur á
forsíðu blaða, en halda síðan ra-
kleitt inn á íþróttasíðurnar og vera
alæta á alla slíka umfjöllun.
„Ég man það líka sjálfur að einu
sinni komumst við strákarnir í KR,
þá 17 ára, á forsíöu Vikunnar. Það
þótti okkur mikil upphefð og vita-
skuld kitlaði slík umfjöllun hégóma-
gimina þá. Ég held að það hafi
verið með mig eins og aðra íþrótta-
menn, þeim finnst lofið gott og
auðvitaö hvetja fjölmiðlar fólk til
dáða með sinni umfjöllun. Slík
hvatning er góö, enda kemst eng-
inn neitt í íþróttum nema með
metnaði, skapi og sjálfsaga," segir
Ellert og svarar að bragði spurn-
ingu blaðamanns um fyrrnefnda
þætti í eigin fari. „Ég hafði allavega
mikinn metnaö og sumir segja nú
að ég hafi Ifka minn skammt af
skapinu."
Starfað hjá UEFA
En timi ritstjórans er á þrotum,
enda formaður KSÍ á leiðinni út á
Keflavíkurflugvöll, til að komast
utan á fund hjá UEFA, Knatt-
spyrnusambandi Evrópu, en á
þess vegum situr Ellert í tveimur
nefndum. Aganefnd, sem úrskurð-
ar um brot á knattspymureglum,
hvort heldur er af hálfu leikmanna,
dómara eða áhorfenda og segir
Ellert að nánast undantekninga-
laust komi nefndin saman eftir
hverja umferð í Evrópukeppninni.
Hin nefndin sem hann situr í fjallar
um öryggismál á knattspyrnuvöll-
um og úrskurðar hvort vellir séu í
fullnægjandi ásigkomulagi, t.d. fyr-
ir úrslitaleiki. Kveöur Ellert eftirlitið
vera mjög strangt í báðum nefnd-
unum, enda takmarkiö að koma í
veg fyrir hörmungar eins og þær
sem mönnum eru í fersku minni
frá Heysel-leikvanginum í Brussel
1985.
Afmælishátíð KSÍ er svo á dag-
skrá f vikulokin og verkefni
komandi keppnistímabils liggja í
bunkum á borðinu, þannig að í
mörg horn er að líta - og blaöa-
maður ákveður að Ifta beint í það
hornið sem hurðin er næst, kveður
og fer.
illli'llll llil II —f—■■
Viðtal:
Vilborg Einarsdóttir
Myndir:
Þorkell Þorkelsson