Morgunblaðið - 09.04.1987, Side 43

MORGUNBLAÐIÐ, FIMMTUDAGUR 9: APRÍL 1987
43
ÁVARP TIL REYKVÍKINGA
---------——----------------------i
frá GUÐMUNDI G. ÞÓRARINSSYNI og FINNI INGÓLFSSYNl
BRJÓTIÐ AF
YKKUR HLEKKI
VANANS!
Sfðustu ár hefur Framsóknarflokkurinn átt erfitt uppdráttar í Reykjavík. Á sama
tíma hefur náðst stórkostlegur árangur í efnahags-, atvinnu- og félagsmálum undir
forystu Framsóknarflokksins.
• Verðbólga hefur ekki verið minni í 15 ár
• Atvinnuleysi er hið minnsta í Evrópu
• Sjávarútvegurinn hefur verið endurreistur
• Velferð er meiri en nokkru sinni fyrr
Fylgi flokksins í Reykjavík er ekki í neinu samræmi við árangur hans í ríkisstjórn.
Þetta er hrópandi þversögn. Ástæðan fyrir þessu er sú að kjósendur hafa látið
tungulipra slagorðasmiði villa sér sýn og því hafa þeir hallast á sveif með stjórn-
málaflokkum sem hafa af litlu að státa öðru en fordómum og kreddum erlendra
kennisetninga. Lífið er ekki svart eða hvítt, frjálshyggja eða sósíalismi. Besta yfir-
sýnin er frá miðjunni og þaðan, á grundvelli umburðarlyndis og mannúðarstefnu,
hefur Framsóknarflokkurinn leitt íslensku þjóðina í sókn til betri lífskjara einstakl-
inganna jafnt sem þjóðarinnar í heild.
Reykvíkingar! Dæmið stjórnmálaflokkana eftir gerðum þeirra en ekki innantómum
slagorðum. Framsóknarflokkurinn óttast ekki þann dóm.
FESTA GEGN GLUNDROÐA