Morgunblaðið - 05.08.1987, Blaðsíða 57

57
MORGUNBLAÐIÐ, MIÐVIKUDAGUR 5. ÁGÚST 1987
Þrátt fyrir ungan aldur var Árni
Siggi orðinn einn af betri leikmönn-
um meistaraflokks og voru bundnar
við hann miklar vonir, sérsCiaklega
eftir þær miklu framfarir sem hann
sýndi á sl. vetri. Þessar vonir verða
nú aðeins hugsanir einar.
Við munum ávallt minnast Áma
Sigga fyrir hversu gott og mikið
keppnisskap hann hafði og alltaf
var hann í góðu skapi jafnt utan
vallar sem innan. Krafturinn og
ákafinn í að standa sig vel var
óþijótandi og seint mun okkur
gleymast hversu óþreyjufullur og
ákafur Ámi Siggi beið eftir að geta
byijað að æfa á ný eftir viðbeins-
brot sl. vetur.
Áma Sigga verður mikið saknað
í okkar röðum, en minningin um
góðan og glaðan dreng mun lifa
með okkur.
Við sendum foreldrum Áma
Sigga, systkinum, unnustu og öðr-
um aðstandendum okkar innileg-
ustu samúðarkveðjur.
Þegar sú fregn barst okkur félög-
um og vinum Árna Sigga í meist-
araflokki ÍR í körfubolta, að hann
væri dáinn, þá kviknuðu efasemdir
í bijóstum okkar. Við gátum ekki
trúað því að þessi ijörmikli piltur
sem við skemmtum okkur með á
laugardagskvöldið hefði kvatt
þennan heim snemma á sunnudags-
morgun. Það gat ekki verið.
Við kynntumst Áma Sigurði
Gunnarssyni flestir fyrir þremur
ámm þegar hann, 15 ára gamall,
fluttist búferlum með foreldmm
sínum frá Borgarnesi til Reykjavík-
ur. Hann gekk þá til liðs við okkur
ÍR-inga og hóf að leika með 3. ald-
ursflokki félagsins.
Aðrir höfðu kynnst honum þegar
hann lék með Skallagrimi í 4. flokki,
en þá vom ÍR og Skallagrímur í
mikilli keppni um sæti í úrslitum
íslandsmótsins. Þeirri keppni lauk
með sigri Skallagríms, mest fyrir
tilstilli Áma Sigga sem barðist eins
pg ljón fyrir sitt heimafélag. Við
ÍR-ingar sátum eftir með sárt ennið
en tókum gleði okkar aftur þegar
Árni Siggi gekk til liðs við okkur
við komuna til Reykjavíkur veturinn
eftir.
Þá urðum við sumir þeir yngstu
einnig samferða Áma Sigga á æf-
ingum drengjalandsliðsins og í
skemmtilegri keppnisferð til Sví-
þjóðar sumarið 1984.
Okkar kynni af Árna Sigga vom
slík að ekki munu gleymast. Hann
geislaði af lífsþrótti og krafti og
var ætíð í góðu skapi hvað sem á
gekk. Hann hafði forystuhæfileika
sem komu best í ljós þegar hann
var fyrirliði 3. flokks, á sínu öðm
ári í IR. Ámi Siggi dreif aðra með
sér með krafti sínum og leikgleði
og uppskeran þann vetur var bikar-
meistaratitill. Þáttur hans þar var
æði stór.
Utan vallar var Ámi góður vinur
og trúr. Hann gerði sér far um að
hitta sem oftast sem flesta af sínum
vinum og kunningjum. Hans vina-
hópur var stór eins og oft er um
menn honum líka.
Árni var vinnusamur og kunni
betur við sig úti í atvinnulífinu en
á skólabekk. í frítímum sínum utan
vinnu og íþrótta naut hann þess að
skemmta sér í hópi vina og félaga.
Margar góðar stundir höfum við
átt með Áma Sigga og munu þær
eigi líða okkur úr minni.
Tengslin við heimabæ sinn, Borg-
arnes, slitnuðu aldrei, þótt fjöl-
skylda hans flytti suður. Árni Siggi
dvaldi á sumrin í Borgamesi þar
sem knattspyrnudeild Skallagríms
naut krafta hans. Auk þess að leika
með meistaraflokki þjálfaði hann
kvennalið félagsins af miklum
krafti.
Iþróttamálin í Borgamesi voru
honum hugleikin og hann lýsti oft
áhyggjum sínum við okkur, hvað
körfuboltinn og knattspyrnan væm
í miklum öldudal þar. Við vonum
fyrir hans hönd að úr því rætist.
Síðastliðinn vetur hóf Ámi Siggi
að leika með meistaraflokki ÍR. Á
sínu fyrsta ári sýndi hann að hann
átti heima í hópi hinna bestu, þótt
ungur væri og varð strax mikilvæg-
ur hlekkur í liðinu. Ámi var
fremstur meðal ungu strákanna í
liðinu og með þeirra hjálp náðum
við að sigra í 1. deild.
Eftir að keppnistímabilinu lauk
hélt Árni til Borgarness eins og
hann var vanur. Við söknuðum þess
að hitta hann ekki eins oft og áður
og það urðu því fagnaðarfundir
þegar Árni Siggi mætti aftur í hóp
nokkurra félaga laugardagskvöldið
25. júlí sl. Þar var rætt um alla
heima og geima og einnig um
keppnistímabilið sem fer í hönd.
Þar ætlaði Ámi sér að gera enn
stærri hluti en áður, enda metnað-
argjarn og hreinskilinn.
Okkur var það ekki ljóst að þessi
mikla gleðistund, var einnig kveðju-
stund, en ánægjuleg var hún og
skilur eftir sig ljúfar minningar um
góðan dreng.
Við félagar Árna Sigga úr ÍR
vottum foreldrum hans, unnustu og
skyldmennum okkar dýpstu samúð.
Meistaraflokkur ÍR
Birting afmælis-
og minningargreina
Morgunblaðið tekur afmælis- og minningargreinar til birting-
ar endurgjaldslaust. Tekið er við greinum á ritsljóm blaðsins á
2. hæð í Aðalstræti 6, Reykjavík og á skrifstofu blaðsins í Hafn-
arstræti 85, Akureyri.
Athygli skal á-því vakin, að
greinar verða að berast með góð-
um fynrvara. Þannig verður
grein, sem birtast á í miðviku-
dagsblaði að berast síðdegis á
mánudegi og hliðstætt er með
greinar aðra daga.
í minningargreinum skal hinn
látni ekki ávarpaður. Ekki eru
tekin til birtingar frumort ljóð um
hinn látna. Leyfilegt er að birta
ljóð eftir þekkt skáld, 1—3 erindi
og skal þá höfundar getið. Sama
gildir ef sálmur er birtur. Megin-
regla er sú, að minningargreinar
birtist undir fullu nafni höfundar.
Við birtingu afmælisgreina
gildir sú reglat að aðeins eru birt-
ar greinar um fólk sem er 70 ára
eða eldra. Hins vegar éru birtar
afmælisfréttir með mynd í dagbók
um fólk sem er 50 ára eða eldra.
Mikil áhersla er á það lögð að
handrit séu vel frá gengin, vélrit-
uð og með góðu línubili.
Kveðja frá Körfuknatt-
leiksdeild ÍR
í dag verður jarðsunginn frá
Bústaðakirkju ungur og efnilegur
íþróttamaður, Árni Sigðurður
Gunnarsson. Skarð það er höggvið
er í raðir körfuknattleiksmanna ÍR
er stórt.
Ámi Siggi steig sín fyrstu
íþróttaspor í Borgamesi þar sem
hann tók virkan þátt í starfi félags
síns, Skallagríms.
Eftir að hann flutti til Reykjavík-
ur hóf hann að æfa körfuknattleik
með ÍR. Lék hann nokkur ár í yngri
flokkum félagsins og sína fyrstu
leiki með meistaraflokki á sl. keppn-
istímabili. Hann var einnig í ungl-
ingalandsliðshópi KKÍ. Við hann
vom bundnar miklar vonir.
Hann var geðþekkur og glaðvær
piltur, sem bauð af sér góðan þokka.
Hann átti marga góða vini innan
félagsins þrátt fyrir stutta viðdvöl.
Þegar skorið er á líftaug svo
ungs manns allt í einu er lífsferill-
inn sem óskrifað blað.
Stjóm körfuknattleiksdeildar ÍR
þakkar fyrir ánægjuleg kynni og
vottar öllum aðstandendum hins
látna innilega samúð.
Guð blessi minninguna um góðan
dreng.
Sigvaldi Ingimundarson
Rýmingarsala
Erum að rýma fyrir
haustfatnaðinum
20%
afsláttur af öllum
vörum

V/SA
EUROCARD
Opið alla virka daga
frá 10-18.
ATH: Laugard. 8. ágúst
verður opið frá kl. 10-14.
KVENFATA VERSLUN
Byggðarholti 55, sími 666415
Mosfellssveit.
KARAKTER
v/Bahkastraeti

Heilsársfatnaður — sérstakur fatnaður
1 d Magic Group — Differentiel—Tam
— Ghost — Fotch — Uníour
TER
sport
Vesturgötu 4