Morgunblaðið - 13.12.1990, Blaðsíða 37

MORGUNBLAÐIÐ FIMMTUDAGUR 13. DESEMBER 1990
37
Þættir, greinar
og frásögur
eftir Hannes Pétursson
í kynningu útgefanda segir m.a.:
„Hér eru á ferðinni þjóðleg fræði
af besta tagi, þar sem fjailað er um
mannlíf og atburði fyrri tíðar. Er
hér saman komið hið helsta, sem
birst hefur af þessu tagi frá hendi
Hannesar síðustu tvo áratugi á víð
og dreif í bókum og tímaritum.
Samt er fjórðungur bókar nýtt og
áður óbirt efni, en eldri hlutinn að
nokkru leyti endurskoðaður.
Bókin skiptist í átján þætti og
greinar: Skálamýri, Sveinn Þor-
valdsson skákmaður, Slysför undan
Kjálka, Bollaleggingar um Hraun-
þúfuklaustur, Harðfjötur, Eitt
mannsnafn í registri, Brot úr sögu
Flatatungufjala, Ólafur prestur
Þorvaldsson, Karólina krossinn ber,
Zabintsky Dochter, Skopríma göm-
ul og höfundur hennar, Stökur eftir
Þangskála-Lilju, Um ísleif Gíslason,
Aldur Reynistaðarbræðra, Draugur
í Austurdal, Hnupl á Sauðá, Jón í
Stapa, Ævi og kjör askasmíðs."
Bókin er 290 bls. með myndum
og nafnaskrám.
íslenzk ljóð á norsku
KOMIN er út í Noregi bók með
þýðingum Knut Ödegaard á Ijóð-
um sjö íslenzkra skálda.
íslensk nútímaljóð heitir bókin og
í henni eru ljóð eftir Stefán Hörð
Grímsson, Kristján Karlsson, Matt-
hías Johannessen, Hannes Péturs-
son, Jóhann Hjálmarsson, Stein-
unni Sigurðardóttur og Gyrði Elías-
son. Auk þýðinganna er inngangur
um íslenzka nútímaljóðlist og aft-
ast er gerð grein fýrir höfundunum.
Bókin er 145 blaðsíður.
Knut Ödegaard
SÖGUFÉLAG Skagfirðinga á
Sauðárkróki hefur sent frá sér
bókina Frá Ketubjörgum til
Klaustra eftir Hannes Pétursson
skáld.
Hannes Pétursson
*
Arbók hestamanna 1990
ÁRBÓK hestamanna, Hestar og
menn 1990, eftir Guðmund
Jónsson og Þorgeir Guðlaugs-
son er komin út hjá Skjaldborg
og er þetta fjórða bókin í þess-
um flokki.
Af efni bókarinnar skal fyrst
telja kafla um landsmót hesta-
manna á Vindheimamelum. Síðan
kemur frásögn af hestaferð um
norðanverða Vestfirði, þá kafli um
Magnús Lárusson, tamningamann
Hólabúsins, og kafli um tamninga-
manninn Trausta Þór Guðmunds-
son, sem komst í úrslit A-flokks
á landsmótinu með tvo hesta, reið
öðrum til sigurs en hinn varð ann-
ar.
Sérstakur kafli er um Islands-
mótið í hestaíþróttum, sem haldið
var í Borgarnesi, og síðan koma
kaflar um Freyju Hilmarsdóttur í
Votmúla, Jón Karlsson í Hala og
Ragnar Ólafsson í Reykjavík.
Saga landsmóta hestamanna er
rakin og sagt frá Norðurlandamót-
inu í hestaíþróttum, sem haldið
var í Danmörku. Síðasti kafli bók-
arinnar segir svo úrslit helztu
hestamóta ársins 1990.
Ljósmyndir eru í bókinni eftir
32 nefnda ljósmyndara auk mynda
eftir ókunna höfunda. Þá eru einn-
ig teikningar eftir Ragnhildi Sig-
urðardóttur með flestum köflum
bókarinnar.
Árbók hestamanna er 237 blað-
síður, unnin hjá G. Ben. prentstofu
hf.
Tvö útibú í eitt
Á mánudaginn var voru tvö útibú íslandsbanka sameinuð í eitt. Öll starfsemi útibúsins í Austurstræti 19,
gamla Útvegsbankahúsinu, var þá flutt yfir í útibúið í Lækjargötu 12. Myndin hér að ofan var tekin á
mánudaginn í útibúi Íslandsbanka í Lækjargötu 12.
Neskaupstaður og Norðfjarðarhreppur:
Ekkert verður af sameiningu
s veitarfélaganna á næstunni
LJÓST er að ekki verður af sameiningu Neskaupstaðar og Norðfjarð-
arhrepps á næstunni, þar sem hreppsnefnd Norðfjarðarhrepps, sem
við tók eftir sveitarstjórnarkosningarnar síðastliðið vor, hefur lýst
því yfir að hún sé andvíg sameiningunni.
Að sögn Ásgeirs Magnússonar,
bæjarstjóra á Neskaupstað, voru
viðræður um sameiningu sveitarfé-
laganna langt komnar í fyrravetur,
og var þá farið að ræða tillögur um
samstarfssamning. Samkvæmt
sveitarstjórnarlögum þarf að kjósa
um slíkan samning, en það varð að
samkomulagi forsvarsmanna sveit-
arfélaganna að láta ekki kjósa um
sameininguna um leið og sveitar-
stjórnarkosningarnar fóru fram
síðastliðið vor, þar sem vitað var
að meðal íbúa voru skiptar skoðan-
ir um sameininguna. Ákveðið var
að nýjar sveitarstjórnir tækju upp
viðræður að kosningunum loknum,
og þá stefnt að því að kosið yrði
um sameininguna í haust. Einn
fundur um sameininguna hefur ver-
ið haldinn eftir sveitarstjórnarkosn-
ingarnar, og á honum lýsti ný
hreppsnefnd Norðfjarðarhrepps því
yfir að hún hefði ekki áhuga á sam-
einingunni, og því verður ekki af
henni að svo stöddu.