Morgunblaðið - 21.12.1991, Blaðsíða 48

48
MORGUNBLAÐIÐ LAUGARDAGUR 21. DESEMBER 1991
Þriðja umræða um frumvarp til fjárlaga:
GATT
Staða GATT-viðræðnanna er
mikið áhyggjuefni Jóns Helgasonar
(F-Sl) og Valgerðar Sverrisdóttur
(F-Ne). Þingmennirnir bentu á það
að nýlega hefði runnið út frestur
til að gera athugasemdir við drög
að fyrirhuguðum GATT-samningi.
Og Islendingar hefðu látið hjá líða
að styðja tillögu frá Kanadamönn-
um um að löndum með kvótakerfi
á framleiðslu landbúnaðarvara yrði
heimilt að beita magntakmörkunum
á innflutning landbúnaðarvara.
Norðmenn hefðu hins vegar stutt
þessa tillögu.
Jón Baldvin Hannibalsson utan-
ríkisisráðherra benti á það að ís-
lendingar hefðu gert tilboð í GATT-
viðræðunum, þetta tilboð væri enn
í gildi. Þar áskildu þeir sér rétt til
að viðhalda magntakmörkunum.
Og Finnar hefðu fyrir tveimur dög-
um, fyrir hönd Norðurlanda, áréttað
að öll Norðurlöndin áskildu sér
þennan rétt. Því hefði ekki verið
ástæða til að taka afstöðu til þessa
erindrekstrar Kanadamanna. Hall-
dór Blöndal landbúnarráðherra
sagði það vera alveg ljóst að ís-
lenska ríkisstjórnin hefði þá stefnu
að það væru magntakmarkanir sem
gilda í sambandi við landbúnaðaraf-
urðir. Landbúnaðarráðherra taldi
tillögu Kanadamannavel í samræmi
við stefnu ríkisstjórnarinnar.
Lög frá Alþingi
í fyrradag samþykkti Alþingi, í
sæmilegri sátt, fimm frumvörp sem
lög frá Alþingi: Um breytingu á
Iánsfjárlögum fyrir árið 1991.
Um Lífeyrissjóð bænda. Um Heil-
brigðisþjónustu, frumvarpið fjallar
um óbreytta skipan á Heilsuvernd-
arstöð Reykjavíkur næsta árið. Um
Aukatekjur rikissjóðs, fjallar um
gjöld opinberra fyrir ýmis leyfis-
gjöld og aðra þjónustu. Um eftir-
laun til aldraðra, varðar aðallega
lífeyrisréttindi þeirra sem áttu þess
ekki kost að greiða í lífeyrissjóð á
fyrri árum.
Yið gríðarlegan vanda að etja
segir Karl Steinar Guðnason formaður fj ár laganefndar
Miklir skjalabunkar hafa hlaðist upp á borðum þingmanna í önnum síðustu daga. Hér er Davíð Oddsson
forsætisráðherra að blaða í sinum bunka.
ÞRIÐJA umræða fjárlaga hófst
síðdegis i gær. Við gríðarlegan
vanda er að etja. Tekjur ríkissjóðs
hafa lækkað frá því sem upphaf-
lega var áætlað en það á að sjá
til þess að gjöldin geri það lika.
Karl Steinar Guðnason, formað-
ur fjárlaganefndar, gerði grein fyrir
áliti meirhluta fjárlaganefndar. Að
lokinni endurskoðun fjárlagafrum-
varpsins í ljósi aukins efnahagssam-
dráttar á næsta ári væri niðurstaðan
sú að heildartekjur ríkissjóðs á
næsta ári lækkuðu um rúmlega einn
milljarð króna, úr 106,4 milljörðum
í 105,4 milljarða. Gjöld lækkuðu
einnig úr 110,1 milljarði í 109,5.
Halli væri um 4,1 milljarður. Karl
Steinar Guðnason benti á að Sam-
dráttur þjóðartekna fimmta árið í
röð skapaði geigvænlega erfíðleika
fyrir alla þjóðina. í fjárlagafrum-
varpinu hefði verið fylgt mjög að-
haldssamri stefnu í útgjöldum stofn-
ana. Þess fyrir utan hefði verið
ákveðið að lækka rekstrarútgjöld
stofnana um 2,5 milljarða króna með
jafnri skerðingu. Það hefði í för með
sér að launagjöld lækkuðu um 6,7%
eða 2,3 milljarða króna og önnur
gjöld um 200 milljónir. Á móti þessu
væri ákveðið að skilja eftir óráðstaf-
að 1 milljarði til að mæta óhjá-
kvæmilegum útgjöldum ráðuneyta
og stofnana þeirra.
Karl Steinar ræddi í nokkru máli
um einstaka fjárlagaliði, t.d. St. Jó-
sefsspítala í Hafnarfirði. Þar er lagt
til að fjárveiting til hans hækki um
60 milljónir króna frá því sem fyrr
hefði verið ætlað, þannig að heild-
arfjárveitingin yrði um 175 milljónir
króna.
Eins og vænta mátti mælti for-
maður fjárlaganefndar með því að
frumvarpið yrði samþykkt með þeim
breytingartillögum sem hann og
meirihlutinn stæði að. En ein undan-
tekning var þar á. Hann gerði grein
fyrir tillögu sem fjárlaganefnd
stendur sameiginlega að þótt skiptar
skoðanir séu milli nefndarmanna.
Tillagan gerir ráð fyrir að fjármála-
ráherra verði heimilt að kaupa loð-
dýrahús og fylgifé þeirra á jörðunum
Kirlqufeiju og Kirkjufeijuhjáleigu í
Ölfushreppi. Þessi tillaga væri flutt
að beiðni landbúnaðarráðherra. Mál-
ið snerist um að hinn 20. mars síð-
astliðinn hefði þáverandi landbún-
aðarráðherra undirritað kaupsamn-
ing við ábúendur tveggja ríkisjarða
um kaup ríkissjóðs á loðdýrahúsum
á jörðunum. Ríkislögmaður teldi að
til þess að núverandi landbúnaðar-
ráðherra gæti efnt samninginn á
löglegan hátt bæri honum að leita
heimildar Alþingis. Fjárlaganefnd
teldi sér skylt að taka málið upp til
ákvörðunar Alþingis en það væri
álit nefndarinnar að þessir samning-
ar hefðu verið skýlaust lögbrot og
staðfesting þeirra fæli í sér slæmt
fordæmi.
Óraunhæft
Guðmundur Bjarnason (F-Ne)
gerði grein fyrir áliti minnihlutans.
Það kom skýrt fram í hans ræðu
að það hefði ekki verið létt verk að
veita þessu fjárlagafrumvarpi verð-
uga umfjöllun. Og ætti þar ríkis-
stjómin mesta ef ekki alla sök, allt
fram á síðustu stundu hefðu verið
að berast tilkynningar og breyting-
artillögur úr stjórnarherbúðunum.
En það var langt í frá að Guðmundi
þætti frumvarpið gallalaust eftir þær
endurbætur allar. Þetta frumvarp
stæðist engan veginn. Tekjuhliðin
væri ofáætluð um a.m.k. milljarð og
munaði þar mestu um slaka á inn-
heimtu virðisaukaskattsins og einnig
væru tekjur af sölu ríkisfyrirtækja
næsta óvissar og tekjur af innflutn-
ingsgjöldum yrðu minni en ætlað
væri vegna samdráttar. Gjaldahliðin
væri hins vegar vanáætluð um 1-2
milljarða, það væri greinilegt að út-
gjöld margra stofnana væru alls
ekki metin af neinu raunsæi og þjón-
ustugjöld sem ýmsum stofnunum
væri ætlað að innheimta væru óviss
og skekktu myndina. Guðmundur
hafði einnig Iitla trú á því að hinn
svonefndi „flati niðurskurður"
næðist fram, miðað við þær vanáætl-
anir sem væru á útgjöldum ríkis-
stofnana.
Guðmundur gagnrýndi þjónustu-
gjöld og meintan feluleik ríkisstjórn-
arinnar með skatta og það að velta
verkefnum yfir á sveitarfélögin eða
skattleggja þau élla, tilgreindi hann
sérstaklega hinn svokallaða „lög-
regluskatt“. Guðmundur hvatti þess
í stað ríkisstjómina til að herða á
innheimtu skatta, og þá sérstaklega
virðisaukaskattsins og skattheimtu
af ijármagnstekjum. Einnig mætti
láta jöfnunargjaldið gilda allt næsta
ár en fella það ekki niður um mitt
næsta ár, það myndi bæta stöðuna
um 350 milljónir króna. Hann vakti
einnig athygli og benti ríkisstjórn-
inni á þá leið að hækka vörur ÁTVR
umfram almennar verðlagshækkan-
ir. 6% hækkun myndi auka tekjur
ríkissjóðs um 400 milljónir.
Þá Guðmundur Bjarnsson var til
þess búinn að ræða áhrif ijárlaga-
frumvarpsins á málefni heilsugæsl-
unnar varð hann við tilmælum
Björns Bjarnasonar um að gera hlé
á sinni ræðu svo þingmenn gætu
tekið matarhlé.
Stuttar
þingfréttir:
Jólaljósin tendruð á vina-
bæjartrénu í Keflavík
Kenavík.
KVEIKT var á jólatrénu í Kefla-
vík við hátíðlega athöfn föstu-
daginn 13. desember. Jólatréð
er gjöf frá Kristiansand í Nor-
egi sem er vinabær Keflavíkur
og stendur það við Tjarnargötu
þar sem það setur skemmtilegan
svip á bæinn. Margit F. Tveiten,
ritari í norska sendiráðinu, af-
henti Keflvíkingum tréð, en svo
skemmtilega vill til að Kristian-
sand er fæðingarbær hennar.
Björk Guðjónsdóttir bæjarfull-
trúi veitti trénu viðtökur, en það
kom síðan í hlut Þórunnar Inga-
dóttur nemenda í 6. bekk Myllu-
bakkaskóla að kveikja á jólatrénu.
Nemendur í Tónlistaskóla Kefla-
víkur léku og barnakór söng jóla-
sálma. Jólasveinar komu og
skemmtu og einnig var flugeldum
skotið á loft. Líkt og á undanförn-
um árum létu heimamenn sig ekki
vanta við athöfnina.
BB
Jólatréð sem Keflvíkingar fengu
að gjöf frá Kristiansand vinabæ
sínum í Noregi stendur við Tjarn-
argötu og setur skemmtilegan
svip á bæinn. Þórunn Ingadóttir
nemandi í 6. bekk Myllubakka-
sóla tendrar ljósin á jólatrénu.
Morgunblaðið/Bjöm Blöndal
Morgunblaðið/Frímann ólafsson
Jólatónleikar Tónlistarskólans í
Grindavík
GrindAvík
Tónlistarskóli Grindavíkur hélt árlegu jólatónleika sína í Grinda-
víkurkirkju nú nýlega. Nemendur spiluðu jólalög úr ýmsum átt-
um undir stjórn skólastjórans Siguróla Geirssonar. Yngstu nem-
endurnir úr forskóla hófu tónleikana með blokkflautuleik og
síðan tóku við eldri nemendur á ýmist hljóðfæri. Jólalög skipuðu
veglegan sess í efnisskránni en gömlu klassísku tónskáldin,
Mozart og Bach, voru einnig á efnisskránni. Hljómleikunum
lauk síðan með því að blásarasveit skólans lék 3 jólalög og er
myndin af sveitinni. Fjolmenni var á tónleikunum og fögnuðu
hinum ungu hljóðfæraleikurum vel.