Morgunblaðið - 22.04.1992, Blaðsíða 27

MORGUNBLAÐIÐ MIÐVIKUDAGUR 22. APRIL 1992
27
Heimssýning opnuð með viðhöfn
Reuter
Heimssýningin í Sevilla á Spáni var sett með fjöl-
skrúðugri viðhöfn í fyrradag og var myndin tekin
að kvöldi fyrsta sýningardags sem lauk með gríðar-
legri flugeldasýningu. Jóhann Karl Spánarkonungur
opnaði sýninguna sem stendur yfir til 12. október.
110 ríki taka þátt í sýningunni sem þekur 215 hekt-
ara svæði á eynni Cartuja í ánni Guadalquivir.
Unglingamorðingi tekinn af lífi í Kalifomíu:
11 mínútna dauða-
stríð í gasklefanum
Andstæðingar aftökunnar segja hana
brjóta í bága við stjórnarskrána
San Francisco. Reuter.
ROBERT Alton Harris, sem lilaut líflátsdóm fyrir morð á tveim-
ur táningum, var tekinn af lífi í gasklefa San Quentin fangelsisins
í Kaliforníu í gær. Er hann fyrsti sakamaðurinn sem tekinn er
af lífi í Kaliforníu síðan 1967.
Harris var tvívegis leiddur í gas-
klefann í gær en er fangaverðir
höfðu reyrt hann niður í stól í fyrra
skiptið komu fyrirmæli frá áfrýjun-
ardómstól um að aftökunni skyldi
frestað.
Sex klukkustundum síðar hafði
Hæstiréttur Bandaríkjanna ógilt öll
fjögur atriði áfrýjunarúrskurðarins
og aftakan fór fram. Dó Harris,
sem var 39 ára, klukkan 6:21 að
staðartíma í gærmorgun, klukkan
13:21 að íslenskum tíma í gær.
Ellefu mínútunum eftir að blásýru-
gufu vara hleypt á klefann var
hann úrskurðaður látinn. Blásýru-
gufa veldur fyrst vöðvakrampa,
síðar uppsölum og loks köfnun.
Margaret Thatcher snuprar breska íhaldsmenn:
Það sem ég hef fengið áork-
að verður ekki aftur tekið
Harris var fundinn sekur árið
1979 um morð á tveimur táningum
í San Diego. Bandarísk mannrétt-
indasamtök höfðu reynt að fá af-
tökunni aflýst á þeirri forsendu að
líflát í gasklefa bryti í bága við það
ákvæði stjórnarskrár Bandaríkj-
anna er legði bann við „miskunnar-
lausri og óvenjulegri” refsingu.
Sömuleiðis hafði Móðir Teresa beitt
sér fyrir því að lífi hns yrði þyrmt
en hún hitti Harris í heimsókn í
fangelsið 1987. Ættingjar fórnar-
lamba hans höfðu hins vegar kraf-
ist aftökunnar og sögðu aðferðina
einu gilda. Þeir myndu ekki una
sér hvíldar fyrr en Harris væri all-
ur.
Andstæðingar aftökunnar héldu
því fram að uppeldi Harris hefði
verið ábótavant. Foreldrar hans
hefðu verið alkóhólistar og faðir
hans hefði beitt börn sín níu and-
legu og líkamlegu ofbeldi. Lög-
menn Harris sögðu að líklega hefði
hann hlotið heilaskaða af völdum
barsmíða föðursins er hann var
tveggja ára.
Lundúnum, New York. The Daily Telegraph.
MARGARET Thatcher, fyrrum forsætisráðherra Bretlands og leiðtogi
íhaldsmanna, segir í grein er birtist í nýjasta hefti tímaritsins Newswe-
ek að arftaki hennar John Major, geti ekki hafnað „Thatcherismanum“
þótt hann hafi leitt breska íhaldsflokkinn til sigurs í þingkosningnnum
á dögunum. í greininni kemur fram það sjónarmið Thatcher og stuðn-
ingsmanna hennar að það hafi verið árangur stjórnar hennar er tryggði
íhaldsmönnum sigur. „Ríkisstjórnin þarf að gæta þess að völd stjórn-
valda verði ekki aukin og að ekki verði aftur tekið það sem ég hef
áorkað."
ir um sjálfa sig í þriðju persónu í
því viðfangi: „Thatcherisminn mun
lifa. Hann mun lifa löngu eftir að
Thatcher hefur gengið á fund feðra-
sinna, vegna þess að við höfðum
hugrekki til að endurvekja hin merku
grundvallarsjónarmið og hrinda þeim
í framkvæmd í samræmi við vilja
fólksins og stöðu þessa lands í heimi
hér.“
ERLENT
í greininni hafnar Margaret
Thatcher því sjónarmiði að Major
„standi nú á eigin fótum“ eftir að
hafa tryggt sigur íhaldsmanna í
þingkosningunum. Hann hafi hlotið
í arf sigra íhaldsmanna í stjórnartíð
Thatcher sem hafi gjörbreytt Bret-
landi og losað landsmenn úr viðjum
sósíalismans. John Major forsætis-
ráðherra hafi enn sem komið er ekki
lagt fram afgerandi stefnu og mark-
mið. „Majorismi er óþekkt hugtak.
Nú um stundir er það óhugsandi að
það hugtak geti öðlast merkingu.
Ég og samstarfsmenn mínir, við
breyttum merkingu hugtaksins „rík-
isstjórn". Virðing og styrkur Bret-
lands jókst á ný undir okkar stjórn.
Þetta gerðum við í nafni ákveðinna
grundvallarviðhorfa. Þau eru kennd
við mig en þau eru mun eldri en ég.
Herra Major hefur tekið undir þessi
sjónarmið og sett þau í stefnuskrá
sína, haldið henni á lofti og sagt:
„Sjá, þetta er ég.“ Það sem hann á
við er að hann hefur af fúsum og
ftjálsum vilja gert þessi sjónarmið
að sínum eigin. Því tel ég að hann
muni áfram starfa á grundvelli þess-
arar arfleifðar."
Thatcher víkur að yfirlýsingum
Johns Majors er úrslit kosninganna
lágu fyrir og forsætisráðherrann
kvað það markmið íhaldsmanna að
vinna að myndun hins stéttlausa
þjóðfélags. Þetta segir Thatcher að
sé í eðli sínu sósíalísk hugmynda-
fræði og því röng. „Af þessum sökum
tók ég að ræða um frelsið. Því meira
sem menn tala um stéttir eða stétt-
leysi því frekar festist þetta hugtak
í sessi.“ Hún lætur einnig í ljós
áhyggjur af því að íhaldsmenn undir
stjórn Majors muni víkja frá þeim
kenningum sem voru allsráðandi á
vettvangi efnahagsmála í stjórnartíð
hennar og kváðu einkum á um tak-
mörkuð útgjöld af hálfu hins opin-
bera, skattalækkanir og takmarkað-
ar lántökur ríkissjóðs.
Heseltine sem blaktandi strá í
vindi
í greininni varar Thatcher einnig
við óhóflegum afskiptum ríkisvalds-
ins á sviði iðnaðar og virðist þeim
orðum einkum beint að Michael He-
seltine, sem nú fer með viðskipti og
iðnaðarmál í ríkisstjórn Johns Majors
en það var einmitt Heseltine sem
stuðlaði að falli Thatcher fyrir tæpu
einu og hálfu ári er hann bauð sig
fram gegn henni í leiðtogakjöri
íhaldsmanna. „Eitt eða tvö strá
blakta þarna í vindinum og með þeim
þurfum við að fylgjast," segir Thatc-
her í grein sinni. „Ætli nýir herrar
sér að auka afskipti ríkissvaldsins á
þessu sviði og haldi þeir að tveir eða
þrír þeirra beri betra skynbragð á
hagsmuni iðnaðarins en allur sá fjöldi
fólks sem starfar á þessu sviði, mun
efnahagsástandið versna á ný.
Thatcher kveðst ekki efast um að
hugmyndir hennar muni lifa og ræð-
i lorgmi® imfath
| Meimenþúgeturímyndadþér!

*>, *

BESTTEL: Símkerfi fyrir heimili og smærri fyrirtæki á verði sem allir ráða við
SV
S\WVTÆ-W
3A2
TILBOÐ
Tekur á móti 3 bæjarlínum.
Hægt er aö hafa 12 símtæki viö stöðina.
Símtæki eru með hátalara.
Kallkerfi innanhúss.
Langlínulás á hverju tæki.
Hentar vel til símafunda.
Tónlist meðan beðið er.
kr.stg*
W/VSK.
Kerfið er einfalt og ódýrt í uppsetningu.
Símtækin eru sérbyggð hátalaratæki með
18númeraminni.
Við bjóðum svo sannarlega betur
- Símkerfi á verði fyrir alla
og þjónusta sem hægt er að treysta.
©
Heimilistæki hf
Tæknideild, Sætúni 8 SÍMI69 15 00
. í samtutyuM/