Morgunblaðið - 22.04.1992, Blaðsíða 56

MORGUNBLAÐIÐ, ADALSTRÆTI 6, 101 REYKJAVÍK
SÍMl 691100, SÍMBRÉF 691181, PÓSTHÓLF 1555 / AKUREYRl: HAFNARSTRÆTl 85
MIÐVIKUDAGUR 22. APRÍL 1992
VERÐ í LAUSASÖLU 110 KR.
Búrimi er vinsæll fisk-
ur í Bandaríkjunum
BURI er tískufiskur í Bandaríkjunum um þessar mundir, og að sögn
Magnúsar Friðgeirssonar, forstjóra Iceland Seafood Corp., getur hann
tekið inn nokkur hundruð tonn af frystum búra í einu af þeim sökum
og greitt mjög gott verð fyrir hann. Mjög gott verð hefur fengist fyr-
ir búrann í Frakklandi, en á fiskmörkuðum þar hafa verið greiddar
allt að 190 kr. fyrir kílóið.
Bragi Henningsson, sem rekur
fyrirtækið North Landing í New
York, hefur greitt 125 kr. fyrir kíló-
ið af ferskum búra sem hann hefur
flutt inn frá íslandi, og segist hann
geta flutt inn mun meira en hann
hefur gert hingað tii, og vill hann
fá enn fleiri vannýttar tegundir.
Búrinn virðist vera á stærra svæði
hér við land en í fyrstu var haldið,
og hafa togarar víða af landinu ver-
ið að reka íJiann. Að sögn Magnús-
ar Friðgeirssonar nota menn neðan-
sjávarmyndavélar við búraveiðar við
Nýja-Sjáland, en búrinn heldur sig
þar á um 1.500 metra dýpi í „fjalls-
hlíðum" á botninum þar sem hætta
er á að slíta veiðarfærin.
Sjá Úr verinu bls. Cl.
Mjólk af skornum skammti
Morgunblaðið/Sverrir
Það var tómlegt um að litast í kæliborðum mat-
vöruverslana í gær, en pökkun mjólkur í Mjólkur-
samsölunni í Reykjavík í þessari viku verður rétt
um helmingur þess sem þyrfti vegna verkfalls og
yfirvinnubanns mjólkurfræðinga. Hið fyrsta af
þremur eins dags verkföllum mjólkurfræðinga
hófst á miðnætti og verða síðan á föstudag og
mánudaginn kemur. Vinnuveitendasamband ís-
lands hefur kært lögmæti aðgerða mjólkurfræð-
inga til Félagsdóms og verður málið þingfest í dag.
Sjá ennfremur miðopnu.
Tiikynnt um 33 inn-
brot og 15 þjófnaði
PASKAHELGIN var erilsöm hjá
lögreglunni í Reykjavík því alls
var tilkynnt um 33 innbrot og 15
Jvjófnaði. Að sögn Ómars Smára
Armannssonar aðstoðaryfirlög-
regluþjóns er þetta óvenjumikið
af innbrotum því á veiyulegri
helgi er tilkynnt um 10-12 slík.
Ríkið undirbýr útgáfu nýrra
verðbréfa á uppboðsmarkað
Viljum reyna að kalla fram markaðsvexti, segir fjármálaráðherra
VIÐRÆÐUR hafa verið milli fjár-
málaráðuneytis og Seðlabankans
^^m að ríkissjóður gefi út ný
^iiverðtryggð skammtímaverðbréf
og vextir þeirra ráðist af fram-
boði og eftirspurn á verðbréfa-
markaði. Ekki Iiggur fyrir hve-
nær þessi bréf koma á markað
eða um hve háar fjárhæðir verður
um að ræða, en fjármálaráðherra
segir þau geta að nokkru leyti
komið í stað annarra skammtíma
ríkisbréfa og ríkisvíxla.
„Við þurfum að laga okkur að
markaðsaðstæðum í verðbréfasölu
ríkisins. í því sambandi höfum við
átt viðræður við Seðlabankann um
útgáfu óverðtryggðra skammtíma-
bréfa. Þar höfum við rætt hvort
ekki sé kominn tími til að láta mark-
ijHSh'nn ráða vöxtunum með því að
gefa bréfin út á einskonar uppboðs-
markað. Þá yrði um að ræða bréf
til hálfs eða eins árs,“ sagði Friðrik
Sophusson fjármálaráðherra við
Morgunblaðið.
Friðrik sagði að þetta væri fært
nú vegna þess stöðugleika sem ríkti
og lítillar verðbólgu. „Eins þurfum
við að gera tilraun til að styrkja
þennan unga og óreynda markað og
erum með þessu að reyna að bjóða
þar meira úrval af bréfum og eins
að kalla fram ákvörðun um markaðs-
„vexti með því hreinlega að óska eft-
# tilboðum í bréfin,“ sagði Friðrik.
Fyrir páska gaf ríkissjóður út
nýjan flokk spariskírteina ríkissjóðs
til 10 ára með 7,4% raunvöxtum og
varð það til þess að ávöxtunarkrafa
húsbréfa hækkaði hjá sumum verð-
bréfasölum. „Okkur fannst þessi
langtímabréf vanta á markaðinn.
^Það stóð ekki til að breyta almennu
^axtastigi í landinu heldur var talið
eðlilegt, í samráði við Seðlabankann,
að setja 7,4% vexti á þessi lengri
bréf miðað við að það eru 7,5% vext-
ir á 5 ára bréfum. Það kemur síðan
í ljós að fulltrúar verðbréfafyrirtækj-
anna eru ekki sammála um hvort
þetta hafi áhrif á vextina; sumir
telja að áhrifin séu lítilsháttar til
hækkunar en aðrir ekki. Ef það kem-
ur í ljós á næstu dögum að þetta
verður til að hækka vexti á langtíma-
bréfum þá getum við auðvitað alltaf
breytt því en það bendir ekkert til
þess í dag að ástæða sé til að breyta
til nú,“ sagði Friðrik.
Hann bætti við að öll vaxtamál
væru í biðstöðu ekki síst vegna þess
að ekki hefði verið samið á vinnu-
markaði. „Það gæti haft áhrif á
vextina hvernig samningarnir verða
og því á ég ekki von á að vextir
breytist að ráði á meðan að kjara-
samningar liggja ekki fyrir,“ sagði
Friðrik Sophusson.
Til samanburðar má geta að á
sama tímabili í fyrra, það er frá
skírdagskvöldi fram á þriðjudags-
morgun, var tilkynnt um 22 inn-
brot.
Allmargir voru handteknir í
tengslum við þessi afbrot en al-
mennt munu þeir ekki hafa haft
mikið upp úr krafsinu. Hins vegar
var töluvert unnið af skemmdarverk-
um í þessum innbrotum. Flest þeirra
voru í söluturna en fæst inn á heim-
ili fólks.
Ómar Smári segir að þessi mikla
tíðni innbrota yfir páskahelgina þeg-
ar fólk er mikið á ferð frá heimilum
sínum sýni þörfína á að vekja fólk
til umhugsunar um hvernig það get-
ur sem best varist innbrotum inn í
mannlaus hús sín. „Við í lögreglunni
erum nú að fara af stað með nám-
skeið og skipulagningu á því hvernig
fólk getur aukið áhættu þeirra sem
ætla sér að brjótast inn á heimili
þess,“ segir Ómar Smári. „Þetta er
byggt upp á svipaðan hátt og gert
hefur verið í nágrannalöndum okkar
en við höfum staðfært. Við höfum
þegar valið svæði hér í borginni til
gera tilraun á þessu sviði og verður
hafist handa á næstu dögum.“
Tvö banaslys í umferðiimi í gær
Maður beið bana í vélsleðaslysi á Fáskrúðsfirði á páskadag
TVÖ banaslys urðu í umferðinni í gær. 78 ára karlmaður lést eftir
harðan árekstur á Vesturlandsvegi og rúmlega sjötug kona lést þegar
hún varð fyrir bifreið á Hafnarfjarðarvegi. Þá lést 47 ára maður í
vélsleðaslysi á páskadag. Tveir menn eru alvarlega slasaðir eftir slys
á páskadag og í gær.
Á Vesturlandsvegi, sunnan við
Blikastaðaafleggjara, skullu saman
tvær bifreiðar kl. 16.13 í gær.
Áreksturinn varð með þeim hætti,
að bifreið, sem ekið var í suður, var
sveigt yfir á öfugan vegarhelming,
þar sem hún skall framan á ann-
arri bifreið. Samkvæmt upplýsing-
um lögreglu er ekki talið ólíklegt
að ökumaður fyrrnefndu bifreiðar-
innar, 78 ára karlmaður, hafí feng:
ið aðsvif. Hann lést á sjúkrahúsi. í
hinni bifreiðinni voru tvær konur í
framsætum og tvö börn í bílstólum
{ aftursæti. Konurnar voru í bílbelt-
um og telur lögreglan að öryggis-
búnaður fólksins í bílnum hafi kom-
ið í veg fyrir að verr færi, en meiðsli
þeirra fjögurra eru lítils háttar.
Ekki er unnt að birta nafn hins
látna að svo stöddu.
Rúmlega sjötug kona lést þegar
hún varð fyrir bifreið á Hafnarfjarð-
arvegi kl. 18.22 í gær. Hún var á
gangi yfír veginn, sunnan Kópa-
vogsbrúar, þegar hún varð fyrir
bifreiðinni. Ekki er unnt að birta
nafn hennar að svo stöddu.
Maður lést og sex ára sonur hans
lærbrotnaði í vélsleðaslysi í Fá-
skrúðsfirði á páskadag. Maðurinn
hét Sævar Sigurðsson, trésmíða-
meistari, til heimilis á Smiðjustíg 2
á Fáskrúðsfírði. Hann var 47 ára
að aldri, fæddur 20. september
1944, og lætur eftir sig eiginkonu
og þijú börn.
Sævar fór í vélsleðaferð um miðj-
an dag á páskadag með sex ára son
sinn upp í íjallshlíðina innan og
ofan við kauptúnið. Þar fór sleðinn
fram af gilbrún og er það um átta
metra fall. Að-sögn lögreglunnar
er talið að Sævar hafí látist sam-
stundis. Áætlað er að hátt í þrír
klukkutímar hafi liðið frá slysinu
þar til að var komið. Drengurinn
var fluttur með sjúkraflugi til
Reykjavíkur þar sem hann var lagð-
ur inn á Landspítalann til aðgerðar.
Að sögn lögreglunnar á Fá-
skrúðsfirði er vitað að mikil snjó-
birta var á þessum slóðum á þeim
tíma sem talið er að slysið hafí orð-
ið. Snjóbirta er endurkast sólar-
geisla frá snjó og getur hún orsak-
að snjóblindu sem er tímabundin
sjóndepra.
Ökumaður vélhjóls slasaðist al-
varlega á Akranesi á páskadag.
Maðurinn missti vald á hjólinu og
ók á steinkant við höfnina með
þeim afleiðingum að hann lenti úti
í sjó, en sjónarvottar að slysinu
björguðu manninum í land. Maður-
inn fótbrotnaði illa, og mjaðma-
grindar- og handleggsbrotnaði, auk
þess sem hann hlaut aðra áverka.
Hann var fluttur með þyrlu Land-
helgisgæslunnar á Borgarspítalann,
þar sem hann gekkst undir aðgerð.
Alvarlegt umferðarslys varð á
Eyrarbakkavegi í gærmorgun er
bifreið var ekið út af veginum rétt
hjá Litla Hrauni. Bifreiðin valt og
endastakkst nokkra vegalengd en
ökumaður hennar kastaðist úr
henni tugi metra og slasaðist tölu-
Morgunblaðið/Júlíus
Frá slysstað á Vesturlandsvegi.
vert. Farþegi í bílnum var í bílbelti
og þurfti að klippa í sundur bílflak-
ið til að ná honum út. Hann var
fluttur á sjúkrahúsið á Selfossi en
ökumaðurinn á slysadeild Borgar-
spítalans. Hann mun ekki vera í
lífshættu.