Morgunblaðið - 26.04.1994, Blaðsíða 5

MORGUNBLAÐIÐ ÞRIÐJUDAGUR 26. APRÍL 1994
5
Landhelgisgæslan semur um greiðslu
við svissneska fyrirtækið Navylloyd
10,4 millj. fyrir að
draga Europe Feeder
SAMIÐ hefur verið við svissneska fyrirtækið Navylloyd um 10,4 millj-
óna króna þóknun til Landhelgisgæslunnar vegna leiguskipsins Europe
Feeder sem Ægir dró til lands í síðasta mánuði. Að sögn Hafsteins
Hafsteinssonar forstjóra Landhelgisgæslunnar var upphaflega samið
um 8,6 milljóna króna greiðslu til fyrirtækisins en skipið reyndist þeg-
ar til kom þyngra en gefið hafði verið upp.
Europe Feeder, sem er leiguskip
Eimskipafélagsins, varð vélarvana
720 mílur suðvestur af landinu 27.
mars síðastliðinn. Var Landhelgis-
gæslan kölluð til aðstoðar og kom
það í hlut varðskipsins Ægis að koma
Europe Feeder að landi. Upphaflega
var ákveðið að þóknun fyrir aðstoð-
ina yrði 8,6 milljónir og var þá mjð-
að við um 6.000 lesta þyngd. Ás-
björn Skúlason yfírmaður skipa-
rekstrardeildar Eimskipafélagsins
segir að þyngdin 5.999 lestir hafi
verið gefin upp enda sé venjan að
tala um brúttólestir þegar þyngd
skipa beri á góma. Særými skipsins
er hins vegar 9.000 tonn og var því
samið um greiðslu á nýjum forsend-
um. Hafsteinn Hafsteinsson forstjóri
Landhelgisgæslunnar segir að ekki
hafi verið um vísvitandi blekkingar
að ræða af hálfu eigandans, sem er
svissneska fyrirtækið Navylloyd, og
nú hafi tekist samningar um 10,4
milljóna króna greiðslu. Hluti þókn-
unarinnar fer til greiðslu útlagðs
kostnaðar, hluti rennur tii landhelgis-
sjóðs og afgangnum verður skipt
Illa gekk að ráða niðurlögum elds sem líklega kviknaði út frá rafmagni
Miklar skemmdir um borð í Venusi
TOGARINN Venus skemmdist mikið í eldi aðfaranótt sunnudags, en
hann lá þá við bryggju í Hafnarfirði. Illa gekk að ráða niðurlögum elds-
ins, sem læsti sig í einangrun milli þilja. Rannsóknarlögregla ríkisins
kannar upptök eldsins, en líklegt þykir að kviknað hafi í út frá rafmagni.
Slökkviliðið í Hafnarfirði fékk til-
kynningu um kl. 4 um nóttina að
mikinn eld legði frá Venusi. Slökkvil-
iðið fór á staðinn og óskaði strax
aðstoðar fjögurra reykkafa frá
Reykjavík. Þá logaði glatt í veiðar-
færum á dekki og var sá eldur tiltölu-
lega fljótslökktur. Eldur var þá enn
í vistarverum á millidekki. í fyrstu
virtist ætla að ganga greiðlega að
ráða niðurlögum hans, en þá varð
mikil reyksprenging og logaði glatt
í setustofu og á göngum. Reykköfur-
um tókst að slökkva, en mestum
vandræðumn olli glóð í einangrun
milli þilja. Samkvæmt upplýsingum
slökkviliðsins í Hafnarfirði er eldur
sem þessi iilur í að komast, enda
ekki hlaupið að því að athafna sig-
um borð í skipi og rífa þiljur sund-
ur. Það létti þó starfið að veður var
gott.
Slökkvistarfi var að fullu lokið kl.
8.40, en vakt var við skipið til kl. 17
á sunnudag. Miklar skemmdir urðu
á skipinu og ljóst að það heldur ekki
til veiða á næstunni.
milli áþafnar Ægis sem björgunar-
laun. Ásbjörn segir að tryggingafé-
lag fyrirtækisins svissneska muni
greiða þóknunina en Eimskip hafi
hins vegar þurft að bera nokkurn
kostnað af því að þurfa að breyta
áætlun annarra skipa. Sem stendur
iiggur skipið við Vogabakka vegna
viðgerða og gert er ráð fyrir að þeim
verði lokið 13. maí.
Morgunblaðið/Jón Stefánsson
Venus brennur
MIKINN reykjarmökk lagði frá togaranum Venusi, sem skemmdist mikið í eldi aðfaranótt sunnudags.

I
i
l
I
\
I

• •
Orugg fjárfesting!
Volkswagen Golf er örugg fjárfesling í tvennum skilningi.
I árekstrarprófum hins virta bílablaSs „Auto Motor und Sport"
hefur Golfinn aftur og aftur reynst öruggasti bíllinn i sínum
flokki. Þessi árangur kemur ekki á óvart þegar til joess er litið
aS öryggiskröfur Volkswagen-verksmi&janna eru strangari en
þær kröfur sem bundnar eru í lög! En Volkswagen Golf er líka
einhver öruggasta fjárfesting sem bílakaupendur eiga völ á.
Góð ending og hátt endursöluverð tryggja að fjármunum
kaupenda Volkswagen Golf er vel variö!
VbIkswagen Golf fer vel meb þig og fjármuni þínal