Morgunblaðið - 13.12.1994, Page 4

4 ÞRIÐJUDAGUR 13. DESEMBER 1994
MORGUNBLAÐIÐ
FRÉTTIR
Tjón varð á þremur húsum þegar kaldavatnsæð fór í sundur í Fossvogi í fyrrinótt
Vaknaði við vatnsnið
KALDAVATNSHEIMÆÐ að rað-
húsi við Hulduland í Fossvogi fór
í sundur í fyrrinótt og flæddi inn
á neðstu hæð í þremur íbúðum og
hlaust nokkurt tjón af. Jón Hró-
bjartsson íbúi í Huldulandi 2 sagði
í samtali við Morgunblaðið að hann
hefði vaknað við vatnsniðinn og í
fyrstu talið að um rennsli úr sturtu
væri að ræða, en þegar hann fór
að gæta að kom í ljós að allt var
á floti á neðstu hæð hússins sem
byggt er á pöllum. ÖIl gólfefni
eyðilögðust og skemmdir urðu á
tréverki og húsgögnum.
Jón sagði að vatnsstrókur hefði
staðið upp úr niðurfalli fyrir utan
húsið, og þegar slökkviliðið var
kvatt á vettvang um fimmleytið
um morguninn hefðu dælur sem
þeir höfðu meðferðis ekki haft
undan vatnsflaumnum. Starfs-
Gólfefni eyðilögðust
og tréverk og hús-
gögn skemmdust
menn Vatnsveitunnar voru kallað-
ir á staðinn og lokuðu þeir fyrir
vatnsæðina og var þá hægt að
dæla vatninu í burtu.
Vatnið óhreint
Jón sagði að mikil óhreinindi
hefðu verið í vatninu og hefði hann
í fyrstu talið að um skolp væri að
ræða. Hann sagði að litlu hefði
mátt muna að vatnið kæmist upp
á aðalhæð hússins en tvö þrep eru
upp á hana af neðstu hæðinni.
„Ég hélt fyrst að það læki úr
sturtunni en fannst þó að bergmái-
ið sem heyrðist gæfí til kynna að
eitthvað meira væri á seyði. Það
kom svo í ljós að svo var og má
því segja að maður hafí vaknað
upp við vondan draum,“ sagði
hann.
Hreyfing á jarðvegi
Pétur Kristjánsson hjá Vatns-
veitunni sagði að heimæð hefði
farið í sundur fyrir utan raðhúsið
og regnvatnslögn hefði einhverra
hluta vegna ekki náð að leiða vatn-
ið frá húsinu og það því flætt inn.
Hann sagði að þar sem nokkur
hreyfing væri á jarðvegi í Fossvog-
inum hefði komið fyrir að heimæð-
ar hefðu farið í sundur eða þær
dregist úr tengjum við inntakið í
húsin. Starfsmenn Vatnsveitunnar
unnu að viðgerð bilunarinnar í
gær.
Morgunblaðið/Sverrir
Tryggingam enn að störfum
STARFSMENN frá Sjóvá-AImennum kanna skemmdir sem urðu
af völdum vatnsflóðsins í raðhúsinu við Hulduland í gærmorgun.
Morgunblaðið/Árni Sæberg
JÓLASVEINARNIR brugðu ekki vana sínum og klifruðu upp á
þak Nýja kökuhússins og sungu þar fyrir börn og fullorðna.
Mannflöldi fagnar
jólasveinum
JÓLASVEINARNIR undir for-
ystu Askasleikis brugðu ekki
út af gömlum vana á sunnudag
og tróðu uppi á þaki Nýja köku-
hússins við Austurvöll, eftir að
kveikt var á jólatréi því sem
Oslóarbúar færa Reykvíkingum
að gjöf. Sögðu jólasveinamir
kynjasögur af sjálfum sér og
sungu jólalög, sem börn í áheyr-
endahóp kunnu yfirleitt vel að
meta. Mikill mannfjöldi safnað-
ist saman á Austurvelli á sunnu-
dag til að fylgjast með þegar
Ingibjörg Sólrún Gísladóttir,
borgarstjóri Reykjavíkur, veitti
jólatrénu formlega viðtöku úr
hendi varaborgarstjóra Óslóar-
borgar, og áætlaði lögreglan að
þar hefðu verið á milli 4.000 og
5.000 manns. Lögreglan segir
að þessi mannsöfnuður sé með
mesta móti, samanborið við
fyrri ár.
MANNSÖFNUÐUR við Austurvöll var með mesta móti og hundr-
uð barna sátu þar á öxlum foreldra sinna drjúgan hluta dagsins.
Framkvæmastj óri VSÍ segir aðgerðir væntanlega
liðka fyrir samningaviðræðum
Efasemdir um fram-
lengingu hátekjuskatts
ÞÓRARINN V. Þórarinsson, fram-
kvæmdastjóri' VSÍ, kveðst ganga
út frá því að boðaðar aðgerðir ríkis-
stjórnar muni liðka fyrir samninga-
viðræðum, þar sem þær teygi sig
langt í að fylgja óskum verkalýðs-
forystunnar. Gangi það eftir, fínn-
ist vinnuveitendum fengur að þess-
ari stefnumörkun ríkisstjórnarinn-
ar. Vinnuveitendur hafi hins vegar
afar miklar efasemdir um að efnis-
leg rök séu fyrir framlengingu há-
tekjuskatts, sem örvi áreiðanlega
ekki bætt skattskil og sé stílbrot á
núverandi skattkerfi. Því sé fram-
lenging hans vonbrigði.
„Ríkið hefur tekið afgerandi for-
ystu í mótun kjarastefnu í samning-
um við eigin starfsmenn og yfirlýs-
ingum ráðamanna. Við göngum út
frá því að þessa sjái fyrst stað í
samningum ríkisins við eigin
starfsmenn," segir Þórarinn. „Við
treystum því hins vegar að ríkis-
stjórnin hviki hvergi frá þeirri
stefnu sem mörkuð er í fjárlaga-
frumvarpinu, og miðast að því að
raungengi hækki ekki hérlendis á
næsta ári, eða að ekki verði staðið
að skerðingu á samkeppnisskilyrð-
um eða öðru því sem getur hamlað
hér vexti eða innleitt verðbólgu.
Án þess að við höfum séð neinar
tölur í þá veru, liggur fyrir að þess-
ar aðgerðir muni auka halla ríkis-
sjóðs. Okkar mat hefur verið að
hallinn á fjármálum hins opinbera,
þ.e. rlkis og sveitarfélaga, sé nú
þegar hættulega mikill og ekki
væri skynsamlegt að auka þar
verulega við.“
Ekkert samráð
Þórarinn segir að í fyrirhugaðri
álagningu íjármagnstekjuskatts
skipti mestu hvernig að honum
verði staðið, bæði varðandi fjár-
hæðir og það kerfi sem skattheimt-
unni verði valið. „Við höfum auðvit-
að fyrst og fremst áhyggjur af
því, áð skattkerfisbreytingar á
þessu sviði, geti leitt til vaxtahækk-
anna og geti ýtt undir fjárflótta
úr landi, en frá og með næstu ára-
mótum verður ástandið miklu við-
kvæmara í því efni en áður hefur
verið.
Því skiptir höfuðmáli hvemig
staðið verður að þessum þáttum,
og að því marki sem forystumenn
stjómarflokkanna hafa tjáð sig um
form málsins, er það í samræmi við
þær hugmyndir og áherslur sem við
höfum sett fram,“ segir Þórarinn.
Hann kveðst á þeirri skoðun að
óvenjulega sé staðið að stefnu-
mörkun ríkisstjórnarinnar að því
leyti að ekkert samráð hafi verið
haft við aðila vinnumarkaðarins.
Vinnuveitendasambandið hafi t.d.
tekið undir þau sjónarmið, að æski-
legt sé að iðgjaldsgreiðslur til líf-
eyrissjóða séu undanþegnar tekju-
skatti, og gera nauðsynlegar breyt-
ingar á skattkerfinu til samræmis
við það. Þetta myndi styrkja lífeyr-
issjóðakerfíð á skynsamlegan hátt
og þá sérstaklega uppbyggingu
innlends spamaðar innan þess-
„Ríkisstjórnin fer hina leiðina og
tekur hluta af greiðslum út úr líf-
eyrissjóðum og hyggst gera þær
skattlausar, er miðar alls ekki að
sama marki og hugmyndir þær sem
við aðhyllumst, en er sjálfsagt fljót-
virkari og einfaldari aðgerð. Ég er
því sammála efasemdarmönnum í
hópi verkalýðsforystu, um að þessi
aðgerð leysi engan veginn þau
vandamál sem þar em nú uppi.“
Forsetí ASI segir lítið kjöt á beinum yfirlýsingar
„Greina má jákvæðan tón“
BENEDIKT Davíðsson, forseti ASÍ,
kveðst telja lítið kjöt á beinum þeirr-
ar yfirlýsingar sem ríkisstjómin
sendi frá sér um helgina. Hið bita-
stæðasta hafi komið fram áður, svo
sem hugmyndir um átak í vegamál-
uin sem forsætisráðherra hafi kynnt
á Alþingi fyrir allmörgum vikum,
og kveðst Benedikt ekki sjá neitt
nýtt þar á ferð. Greina megi þó
breytingu á tóntegund í máli ríkis-
stjórnar.
„Út af fyrir sig má segja að tónn-
inn í þessum hugmyndum sé já-
kvæður, sem er eiginlega það já-
kvæðasta sem hægt er að segja um
þær. Þetta útspil af hálfu ríkis-
stjórnarinnar segir að hún vilji
gjaman koma á viðræðum um
breytingar í ríkisfjármálum með
jákvæðum huga. Ég vil ekki af-
•greiða það sem leikararskap og vil
halda að ríkisstjórnin sé að koma
til móts við þá gagnrýni sem við
settum fram þegar fjárlagafmm-
varpið birtist, en það olli okkur
miklum vonbrigðum sökum þess að
þar var gengið til baka í mörgum
þeim málum sem við höfum fjallað
um á þessu ári og því seinasta.
Afturköllun á niðurfellingu hátekju-
skatts er til marks um þetta, þótt
hún sé ekki hugsuð til frambúðar
og heldur er dregið úr áhrifum há-
tekjuskattsins," segir Benedikt.
Ekki veigamikið í samningum
Hugmyndir ríkisstjórnar í skatta-
málum segir Benedikt vera fyrir-
heit sem bindi hendur næstu ríkis-
stjórnar og um samskonar yfírlýs-
ingu sé að ræða og ríkisstjórnin
hafi sent frá sér í upphafi valdatíma
síns. Hann kveðst sérstaklega telja
einn lið í yfirlýsingu ríkisstjórnar
út í hött, eða hugmyndir um afnám
tvísköttunar lífeyrisgreiðslna og
kallar þær „marklaus skrípalæti".
„Einhver spekingur í fjármála-
ráðuneytinu lét hafa eftir sér að
kæmu þessar ráðstafanir til fram-
kvæmda mætti meta þær til 4%
launahækkunar,“ segir hann. „Eg
sé ekki að launaumslög launþega
þyngist mikið um áramót við sams-
konar yfirlýsingu og gefin var fyrir
þremur eða fjórum árum sem ætti
að koma til framkvæmda einhvern
tímann í tíð næstu ríkisstjórnar.
Að mínu mati er um ótrúverðugan
orðaleik að ræða. Ég held að þessi
endurtekning á eldri yfirlýsingum
muni skipta ákaflega litlu máli í
komandi samningaviðræðum laun-
þega og vinnuveitenda."
Forysta ASÍ fundaði í gær með
formönnum landssambanda ASI og
verður þeim fundarhöldum fram
haldið á morgun, þar sem yfirlýsing
ríkisstjórnar er eitt umræðuefna að
sögn Benedikts. Hann kveðst jafn-
framt gera ráð fyrir að hagfræðing-
ar ASI muni yfirfara tillögurnar til
að leita einhvers í þeim er jafngildi
prósentuhækkunum á launum.