Morgunblaðið - 21.03.1995, Qupperneq 49

MORGUNBLAÐIÐ
ÞRIÐJUDAGUR 21. MARZ 1995 49
FRÉTTIR
Ritgerðasamkeppni milli barna og unglinga
Norðurlönd gegn útlend-
inga- og kynþáttahatri
Matur og matgerð
Framandi
ávextir III
Kristín Gestsdóttir segist líklega hafa hætt
sér út á hálan ís, þegar hún fór að skrifa um
framandi ávexti. Hún segir þetta heilmikinn
frumskóg, en ætlar ekki að gefast upp.
NORRÆNNI ritgerðasamkeppni
fyrir börn, unglinga og ungt fólk
upp að 20 ára aldri verður hrundið
af stað í dag, 21. mars, á vegum
stærstu dagblaða Norðurlanda,
Norðurlandaráðs og Norrænu ráð-
herranefndarinnar. Keppt er um
verðlaun fyrir bestu ritgerðina um
kynþáttahatur, útlendingahatur eða
trúarbragðamismun.
Á Norðurlöndunum er í gangi
herferð undir heitinu: Norðurlöndin
gegn útlendingahatri og er rit-
gerðasamkeppnin liður í þeirri her-
ferð.
Börnum og unglingum allt að 20
Katalónskir
dagar á
Loftleiðum
LÓN OG Blómasalur Scandic Hótels
Loftleiða bjóða gestum að kynnast
matargerð Katalóníu til 22. mars.
Katalónía er eitt af héruðum
Spánar og Barcelóna þekktust borga
auk Costa Brava sem íslendingar
þekkja vel. Matreiðslumeistarinn
Xavier Ribot I Margarit mun ásamt
aðstoðarmanni sínum sjá um að
matreiða fyrir gesti. Auk þess
skemmtir hljómsveit og þrír dansar-
ar frá Katalóníu. Boðið er upp á
hlaðborð bæði hádegi og kvöld auk
þess sem gestum gefst færi á að
njóta katalónskra vína með matnum.
Tveir heppnir matargestir hljóta
vikuferð til Barcelona með Flugleið-
um og gistingu á Hótel Cita Dines
á Ramble Barcelona á vegum ferða-
skrifstofunnar Istravel.
ára er heimil þátttaka í ritgerða-
samkeppninni. Sérstaklega eru ís-
lendingar af erlendum uppruna
hvattir til að taka þátt í keppninni.
Ritgerðin á að byggjast á eigin
reynslu vegna kynþáttahaturs, út-
lendingahaturs eða vegna trúar-
bragðamismunar. Hægt er að nálg-
ast verkefnið á marga vegu, t.d.
sem þolandi, gerandi, áhorfandi eða
sem áhugamanneskja um málefnið.
Ritgerðin á að hámarki að vera 140
línur (vélritaðar). Ritgerðin á ekki
að vera í formi sögu eða frásagnar,
heldur skal hún fyrst og fremst
vera byggð upp á umræðum og
■ JASSTRÍÓ Ólafs Stephensens
leikur afmælisdikta fyrir Sölva
Helgason í tilefni 175 ára afmælis
hans. Bassaleikarinn Tómas R.
Einarsson hyggst flytja Sölva,
Tugt, rasp og forbedringsblús.
■ HÓPUR ungtemplara ætlar í
dag að halda námsmaraþon í félags-
skoðunum um efnið.
Skilafrestur er til 1. júní og skal
ritgerðum skilað til Æskulýðssam-
bands íslands, Snorrabraut 60,
Pósthólf 1426, 121 Reykjavík.
í hveiju landi verða valdar verð-
launaritgerðir sem verða svo birtar
í því dagblaði sem tekur þátt í verk-
efninu. Þetta mun gerast á sama
tíma á öllum Norðurlöndunum.
Þátttakandi af hálfu íslands er
Morgunblaðið.
1. verðlaun eru 150.000 kr., 2.
verðlaun 100.000 kr. og það verða
fimm 3. verðlaun, 50.000 kr. hver.
heimili ungtemplara á Grensásvegi
16.
Krakkarnir ætla að læra í sam-
fleytt 26 klukkustundir frá klukkan
12 á hádegi til klukkan 14 á morg-
un, miðvikudag. Safnað er áheitum
fyrir ferð á bindindismót í Noregi
í júlímánuði næstkomandi.
MIG óraði ekki fyrir að svona
mikið væri til af svokölluðum
framandi ávöxtum, þegar ég fór
í Hagkaup í Kringlunni til að
leita fanga. Þar var til ýmislegt,
sem ég hefi aldrei séð og því síð-
ur bragðað, en það sem verra
var, þetta var illa merkt. Flestir
ávextirnir eru fokdýrir, jafnvel á
annað þúsund krónur kílóið, en
þó misdýrir. Það er því vissara
að vita, hvað maður er með í
höndunum. Ég sagði við af-
greiðslumanninn að ég ætti bæk-
ur um þessa ávexti. Þá svaraði
hann: „Æ, þú hefðir átt að koma
með þær með þér!“ Núna ætla
ég að byrja á að fjalla um blæju-
ber, sem ég þekki vel, en þau
hafa verið til hér á Iandi í nokk-
ur ár. í bók minni 220 gómsætir
ávaxta- og beijaréttir sem kom
út árið 1986 er sagt frá blæju-
beijum, en þá var ekki farið að
flytja þau inn og engin uppskift
er í bókinni með þeim. Þar
eru þau kölluð ananaskirsu-
ber, sem er þýðing úr
dönsku. Nú er farið að
kalla þau blæjuber,
sem er mun betra
heiti. Uppruni
blæjubeija er
Suður-Amer-
íka en þau eru
nú ræktuð í Ind-
landi, á Jövu, í
Ástralíu, Kenýa
og Suður-Afr-
íku. Reynt hef-
ur verið að
rækta blæjuber í
Þýskalandi en
ekki tekist sem skyldi.
Berin þola flutning vel, enda ver
blæjan þau hnjaski. Annað aldin
verður líka fjallað um núna, en
það er trétómatur eða broddga.lt-
araldin (Tamarillo). Ég kýs þó
heldur að nota trétómat heitið,
enda get ég ekkert séð skylt með
aldininu og broddgelti, þar sem
hýðið er slétt og glansandi. Aftur
á móti er það ekki ólíkt tómati
á bragðið, en er þó sætara og
með sérstökum framandi keimi.
Þetta aldin kom upphaflega frá
Perú en er nú mikið ræktað á
Nýja-Sjálandi svo og í Kenýa og
Brasilíu. Auðvelt er að fletta
hýðinu af, ef aldinið er vel þrosk-
að, en það er þegar það er orðið
dökkrautt og örlítið mjúkt við-
komu. Bragðið er mildara innst
en við hýðið. Langur stilkur fylg-
ir því oftast. Þegar það er skorið
í sundur, koma í ljós mörg svört
fræ og eru þau borðuð með. Þetta
aldin er mjög oft borðað með
öðrum ávöxtum, en hentar allvel
með skelfiski, svo sem rækjum
og humri.
Súkkulaðihúðuð
blæjuber
25-30 blæjuber
100 g hjúp- eða suðusúkkuloði
álpappír
1. Flettið blæjunni í sundur og
upp, þannig að berið sé frítt.
2. Hitið bakaraofn í 70 C, setj-
ið súkkulaðið á þykkan eldfastan
disk í ofninn, það bráðnar á 7-10
mínútum.
3. Smyrjið álpappírinn með
smjori.
4. Haldið um blæjuna á berinu
og smyrjið súkkulaðinu um neðri
helming bersins. Leggið á
smurða álpappírinn. Látið
storkna.
Trétómatsalat
með rækjum
Forréttur handa 5
114 dl rjómi
1 msk. mæjonsósa
safi úr 1 appelsínu
14 dl hvítvin + 1 msk. sjérrí
eða 14 dl eplasafi
2 skvettur úr tabaskósósuflösku
2 tréttómatar
300 g rækjur
appelsínusneiðar til skrauts
1. Afþíðið rækjurnar í
kæliskáp.
2. Setjið rjóma og
mæjonsósu í skál og
þeytið saman.
Kreistið safa úr
appelsínu og
setjið út í
ásamt víni eða
eplasafa. Setjið
tabaskósósu
saman við.
3. Flettið hýðinu af
trétómatinum,
skerið í rif langs-
um og hvert rif
í tvennt.
4. Skerið hverja
rækju í tvennt,
setjið í sósuna á
ásamt trétómatbitunum. Blandið
varlega saman. Hellið í smáskál-
ar, gjarnan á fæti.
5. Burstið appelsínuna vel,
skerið í sneiðar og rifu íhverja
sneið, smeigið á barm skálarinn-
ar.
Meðlæti: Ristað brauð og
smjör.
Athugið: Hægt er að þíða
rækjur í plastpoka ofan í í vel
volgu vatni, það er betra en að
þíða þær í örbylgjuofni.
Trétómatar með
humri
Forréttur handa 5
3 trétómatar
18 skelflettir stórir humrar
(32 minni)
1 dós sýrður rjómi
1 msk. mæjonsósa
2 skvettur tabaskósósa
14 msk. sítrónusafi
fersk steinselja
1 lítil sítróna í bótum
1. Afþíðið humarinn í kæli-
skáp.
2. Afhýðið trétómatana, skerið
hvern í 6 báta.
3. Blandið saman sýrðum
rjóma, mæjonsósu, tabaskósósu
og sítrónusafa, klippið steinselju-
laufið og setjið saman við.
4. Setjið sósuna í miðju smá-
diska, raðið humri og trétómat-
bátum á víxl í kring.
5. Skerið sítrónuna í báta og
setjið með á diskinn ásamt stein-
seljugrein.
Meðlæti: Ristað brauð og
smjör.
Ur dagbók lögreglunnar í Reykjavík
Þúsund ökutæki hafa
skemmst í óhöppum í mars
17.-20. mars
í DAGBÓKINA um helgina eru
færð 385 tilvik. Af þeim eru 52
beintengd ölvuðu fólki. Auk þess-
eru 16 tilvik vegna hávaða og
ónæðis frá ölvuðu fólki í heimahús-
um, 10 vegna ölvunaraksturs, 3
vegna líkamsmeiðinga, 6 vegna
skemmdarverka og 6 vegna rúðu-
brota.
Tilkynnt var um 15 innbrot og
7 þjófnaði. M.a. var brotist inn í
fyrirtæki við Engjateig, í geymslur
við Skúlagötu, Gnoðarvog og
Torfufell, í bifreiðir við Vestur-
berg, í verslun við Snorrabraut, í
fyrirtæki í Víðidal, í gæsluvöll við
Hlaðhamra, í herbergi við
Hraunbæ og í tvö fyrirtæki við
Laugaveg og eitt við Skúlatún.
Þessi mál eru öll til rannsóknar
hjá RLR.
Skemmdu þrjá bíla
Á laugardagsmorgun handtóku
lögreglumenn tvo menn, sem
skömmu áður höfðu skemmt þrjár
bifreiðar við Furumel. Mennirnir
voru færðir á lögreglustöðina og
síðan vistaðir í fangageymslu.
Á laugardagskvöld var tilkynnt
um að brotist hefði verið inn í íbúð
í Þingholtunum. Hurð hafði yerið
spennt upp og farið inn. Ýmsu
hafði verið stolið. Við rannsókn
málsins fengust upplýsingar er
leiddu til handtöku manns á veit-
ingahúsi í Vesturbænum síðar um
nóttina. Hann var vistaður í fanga-
geymslu.
Um miðjan dag á föstudag var
tilkynnt um lausan eld í húsi við
Laugaveg. Um var að ræða skúr-
byggingu, sem geymdi lager skó-
verslunar. Slökkvistarfið gekk
greiðlega fyrir sig. Einhverjar
skemmdir urðu vegna reyks en
minniháttar vegna eldsins.
Tók peninga og skuldabréf
Fátt fólk var í miðborginni að-
faranótt laugardags og sunnu-
dags. Lögreglumenn þurftu lítil
afskipti að hafa af ölvuðu fólki á
því svæði. Á föstudagsnóttina bar
nokkuð á að illa ölvað fólk hringdi
í neyðarsíma lögreglunnar til að
leita sér viðmælenda í raunum sín-
um.
Alltaf er eitthvað um að fólk
bjóði heim með sér ókunnu fólki
af skemmtistöðum eða annars
staðar. Ósjaldan er tilkynnt um að
slíkt fólk taki með sér einhveijar
eigur viðkomandi þegar híbýlin eru
yfirgefin. Það gerðist síðast um
helgina en þá tók gestkomandi
með sér peninga, skuldabréf og
verðmæti að verulegri upphæð.
Fimmtíu og tveir ökumenn voru
kærðir eða áminntir fyrir ýmis
umferðarlagabrot um helgina. Af
þeim voru 26 kærðir fyrir of hrað-
an akstur. Tveir þeirra voru svipt-
ir ökuréttindum.
263 árekstrar og 44 slys
Tilkynnt var um 36 umferðar-
óhöpp um helgina. í 4 tilvikum var
um meiðsli á fólki að ræða og í
tveimur tilvikum er grunur um að
ökumenn hafi verið undir áhrifum
áfengis. Á laugardag var harður
árekstur tveggja bifreiða á gatna-
mótum Breiðholtsbrautar og
Reykjanesbrautar. Flytja varð einn
úr annarri bifreiðinni á slysadeild.
Á sunnudagsmorgun valt bifreið
í Ártúnsbrekku. Þrennt var í bif-
reiðinni og var það allt flutt með
sjúkrabifreið á slysadeild til að-
hlynningar. Síðdegis á sunnudag
varð harður árekstur tveggja bif-
reiða á gatnamótum Flókagötu og
Rauðarárstígs. Ökumenn beggja
bifreiðanna voru fluttir á slysadeild
með sjúkrabifreið.
Það sem af er marsmánuði hef-
ur verið tilkynnt um 263 eigna-
tjónsóhöpp í umferðinni svo og 44
umferðarslys. Meira en helmingi
fleiri eignartjónsóhöpp eru af-
greidd með tjónstilkynningareyðu-
blöðum tryggingafélaganna svo
ætla má að um 60 einstaklingar
hafi slasast og um 1.000 ökutæki
hafi skemmst meira og minna í
árekstrum á starfssvæði lögregl-
unnar í Reykjavík það sem af er
mánuðinum og þó er hann einung-
is rúmlega hálfnaður. Þessar tölur
ættu að vera mörgum ökumannin-
um sérstakt umhugsunarefni.
Slasaðist á skíðum
Um miðjan dag á sunnudag
varð slys við Framskálann í Blá-
fjöllum. Þrettán ára drengur hlaut
höfuðáverka þegar hann var að
renna sér á skíðum. Þyrla Land-
helgisgæslunnar var við umferðar-
eftirlit ofan Suðurlandsvegar. Lög-
reglumaður, sem var í þyrlunni,
gat gefið lýsingu á sjúklingnum
og veitt fyrstu hjálp og skömmu
síðar var hann fluttur með sjúkra-
bifreið á slysadeild Borgarspítal-
ans.
Fyrir helgina ræddu fulltrúar
lögreglunnar við umráðamann
húsnæðis við Kringluna en í því
var sagður vera starfræktur næt-
urklúbbur. Niðurstaðan varð sú að
þar yrði ekki starfræktur nætur-
klúbbur eða önnur sambærileg
starfsemi er stangaðist á við gild-
andi ákvæði laga og reglna.
JASSTRÍÓ Ólafs Stephensens