Morgunblaðið - 08.04.1995, Blaðsíða 2

2 LAUGARDAGUR 8. APRÍL 1995
MORGUNBLAÐIÐ
FRÉTTIR
Davíð Oddsson forsætisráðherra um möguleika á áframhaldandi stjórnarsamstarfi
Framhald ekki sjálfgefið
þótt meirihlutinn haldi
DAVÍÐ Oddsson, forsætisráðherra
og formaður Sjálfstæðisflokksins,
sagði í sjónvarpsumræðum foringja
stjómmálaflokkanna í gærkvöldi
ekki sjálfgefíð að núverandi ríkis-
stjórnarsamstarf héldi áfram þótt
stjómarflokkamir héldu meirihlut-
anum. „Flokkamir þurfa að ræða
saman ef það gerist. Ég og utannk-
isráðherrann höfum sagt að við
göngum algerlega óbundnirtil kosn-
inga og ég hef engan kost valið
öðram fremur. En ef það gerist, sem
því miður er ekki líklegt, að sú staða
yrði uppi, myndu þeir þurfa að ræða
saman,“ sagði Davíð.
Þjóðin vill tveggja flokka
stjórn með Sjálfstæðisflokki
Forsætisráðherra sagði að þorri
þjóðarinnar vildi tveggja flokka
stjórn, og meirihluti vildi stjóm með
þátttöku Sjálfstæðisflokks. „Ég kýs,
rétt eins og þjóðin, tveggja flokka
stjórn," sagði Davíð.
Hann sagði að hins vegar hefði
komið fram í þættinum að menn
væra að gæla við fjögurra flokka
vinstri stjóm. „Kjósendur sem vilja
annað, eiga engan kost annan en
að kjósa Sjálfstæðisflokkinn milli-
liðalaust," sagði forsætisráðherra.
Jón Baldvin Hannibalsson, utan-
ríkisráðherra og formaður Alþýðu-
flokks, sagði að hægt væri að
gleyma stjómarsáttmála vinstri
stjómar, sem Ólafur Ragnar Gríms-
son hefði lagt fram. Plaggið yrði
ekki grandvöllur neinnar ríkisstjóm-
ar. „Annaðhvort heldur þessi ríkis-
stjóm velli — skoðanakannanimar
gera nú ekki ráð fyrir því og þar
að auki er alveg óvíst að við Davíð
Oddsson næðum saman aftur —
hinn kosturinn, sem er langlíkleg-
astur, er tveggja flokka stjóm þess-
ara tveggja herramanna," sagði Jón
Baldvin og átti þar við Halldór Ás-
grímsson og Davíð Oddsson. Hann
sagði að þar með myndu framsókn-
armenn í báðum flokkum ná saman,
og væri það vondur kostur.
Ræðst af málefnum
Halldór Ásgrímsson, formaður
Framsóknarflokksins, sagðist telja
eðlilegt, ef flokkur hans fengi til
þess afl, að ræða fyrst við stjómar-
andstöðuflokkana um stjómar-
myndun. Hins vegar gengi Fram-
sóknarflokkurinn óbundinn til kosn-
inganna. „Það mun ráðast af mál-
efnunum hvaða ríkisstjóm verður
hér mynduð," sagði hann.
Ólafur Ragnar Grímsson, formað-
ur Alþýðubandalagsins, sagði að
þjóðin hefði skýran valkost um
vinstri stjóm með afdráttarlausa
stefnu, sem fæli í sér breytingar.
„Það hefur hvert ágreiningsmálið á
fætur öðra sett svip á þessa tveggja
flokka ríkisstjóm," sagði Ólafur og
gaf í skyn að ekki yrði meiri ágrein-
ingur í vinstri stjóm.
Kristín Halldórsdóttir, fulltrúi
Kvennalistans, sagði flokk sinn
ganga óbundinn til kosninga. Aðrir
flokkar þyrftu hins vegar á hand-
leiðslu Kvennalista að halda til að
hægt væri að jafna launamun kynj-
anna og hækka lægstu launin.
Jóhanna Sigurðardóttir formaður
Þjóðvaka sagði alveg ljóst að engar
breytingar yrðu ef Sjálfstæðisflokk-
ur myndaði stjórn ásamt Alþýðu-
flokki eða Framsóknarflokki. Það
þyrfti uppstokkun á flokkakerfinu
og félagshyggjustjóm væri leiðin til
breytinga. „Þjóðvaki er eina aflið,
sem hefur útilokað að Sjálfstæð-
isflokkurinn verði með í næstu ríkis-
stjórn," sagði hún.
Morgunblaðið/Kristinn
Kjörkassamir
tilbúnir
KJÖRKASSARNIR, sem notað-
ar verða í alþingiskosningunum
í höfuðborginni í dag, voru í
gær fluttir í Ráðhúsið. Þeir
verða síðan fluttir í skóla borg-
arinnar snemma morguns á
kjördag undir eftirliti Iögreglu-
manna.
Mistök gerö við
utankjörfundar-
atkvæðagreiðslu
Röng fylgi-
skjöl með
atkvæða-
seðlum
RÖNG fylgiskjöl með utankjörfund-
aratkvæðaseðlum vegna alþingis-
kosninganna voru send til nokkurra
landa. Fylgiskjölin áttu við kosning-
amar um sameiningu sveitarfélaga
sem fram fóru í nóvember 1993.
Kjörstjórnir í einstökum kjördæmum
hafa ákveðið að úrskurða atkvæðin
gild þrátt fyrir ágallann.
„Það er ekkert að sjálfum at-
kvæðaseðlinum. Kjósendur eiga að
setja hann í lítið umslag, sem þeir
eiga síðan að setja í stærra umslag
ásamt fylgiskjali, en á því kemur
fram nafn kjósandans, dagsetning
og stimpill þess ræðismanns sem
atkvæðið er greitt hjá. Það er þetta
fylgiskjal sem er ekki það sem nota
átti við þessar kosningar," sagði Jón
G. Tómasson, formaður yfirkjör-
stjómar í Reykjavík.
Jón sagði að yfirkjörstjóm í
Reykjavík hefði samþykkt sam-
hljóða, í samráði við fulltrúa flokk-
anna, að úrskurða þessi atkvæði
gild. Hann sagðist gera ráð fyrir að
kjörstjómir í öðram kjördæmum
myndu hafa sama hátt á, ef atkvæð-
in kæmu fram þar.
Jón sagði að sér væri ekki kunn-
ugt um hvað þessi röngu fylgiskjöl
hefðu farið víða eða í hvað miklum
mæli. Það hefði þó verið talað um
að hugsanlega hefðu nokkur hundr-
uð röng fylgiskjöl farið út. Þegar
hefðu nokkrir tugir atkvæða með
röngum fylgiskjölum skilað sér frá
Namibíu og Spáni.
Róbert Trausti Árnason, ráðu-
neytisstjóri í utanríkisráðuneytinu,
sagði að ekki hefði enn komið í ljós
hvers vegna þessi mistök hefðu átt
sér stað eða hvað þau væra víðtæk.
Hann sagði að utanríkisráðuneytið
tæki við kjörgögnum frá dómsmála-
ráðuneytinu, þ.e. atkvæðaseðlum,
umslögum og fylgigögnum.
IRoirigunbfabib
KOSNINGAHANDBÓK
fylgir Morgunblaðinu í dag.
Um 20 bátar frá Vestfjörðum við steinbítsveiðar á banndegí
Rjúpur í
húsagörðum
Blönduósi. Morgunblaðið.
VETURINN sem senn kveður
hefur verið einhver sá snjó-
þyngsti og óveðrasamasti í
manna minnum. Þessi harðn-
eskja veðurguðanna hefur sett
svipmót sitt á allar skepnur hvar
sem þær standa í dýraríkinu.
Haft er á orði að ekki sé laust
við að fennt hafi inn á sál manna
og þráin eftir vorinu er mikil.
Jarðbönn eru, og af þeim sök-
um leita fuglar til byggða, eink-
um eru það snjótittlingar og
ijúpur sem Blönduósingar verða
varir við í görðum sínum. Ekki
er óalgengt að menn reki upp
ijúpur á lóðum sínum þegar far-
ið er til vinnu að morgni og aft-
ur þegar komið er heim að
kvöldi. Þrátt fyrir harðindin eru
ýmis tákn um komu vorsins því
glöggir menn hafa orðið varir
við gæsir og álftir fyrir nokkrum
dögum. Grágæsirnar sem flugu
suður á bóginn sl. haust eru nú
að koma aftur.
Fiskistofa kærir
væntanlega veið-
arnar til lögreglu
FISKISTOFA mun að öllum líkind-
um kæra til lögregluyfirvalda veið-
ar um 20 krókaleyfísbáta frá Vest-
íjörðum, sem fóru til steinbítsveiða
í gær þrátt fyrir að þá væri
banndagur. Þórður Ásgeirsson,
forstjóri Fiskistofu, segir að enginn
vafi leiki á því samkvæmt gildandi
lögum að allar veiðar á banndögum
séu óleyfílegar.
Flugvél Landhelgisgæslunnar
fór í eftirlitsflug yfir miðin út af
Vestfjörðum í gærmorgun og
skráði þá krókaleyfisbáta sem þar
voru við veiðar, en um 20 bátar
frá Bolungarvík, Suðureyri, Flat-
eyri og jafnvel af Snæfellsnesi
voru við veiðar. Tveir veiðieftirlits-
menn Fiskistofu era nú á Vest-
íjörðum og áttu þeir að kanna afla
bátanna þegar þeir komu að iandi
í gær.
Fylgst verður
með framvindu mála
Að sögn Þórðar mun Fiskistofa
fylgjast með framvindu mála
næstu daga, en veiðibann er nú í
páskastoppinu til og með 17. apríl
að undanskildum næstkomandi
mánudegi, og verði um frekari
veiðar bátanna að ræða yrði veiði-
eftirlitsmönnum hugsanlega fjölg-
að. Sagði Þórður að væntanlega
yrði ekki tekin ákvörðun um kæra
fyrr en eftir helgina þegar skýrslur
hefðu borist frá eftirlitsmönnun-
um.
„Við munum fylgjast með því
hveijir fara á sjó, hvað þeir koma
með í land og væntanlega kæra
þá því að það að fara á sjó á bann-
degi er lögbrot. Það hefur alltaf
verið túlkun okkar og ráðuneytis-
ins á þessum lögum að banndagur
þýði að það megi ekki róa,“ sagði
Þórður í samtali við Morgúnblaðið.
Hann sagði að ef bátamir héldu
áfram veiðum í páskastoppinu, og
þeir yrðu ekki stoppaðir, þá sagði
Þórður að ekki væri ólíklegt að
veiðieftirlitsmenn Fiskistofu færa
með þeim í róður til að fylgjast
með veiðunum.
„Það er þó fjarri því að það fel-
ist í því nokkur viðurkenning á því
að þeir megi vera á sjó, né heldur
viðurkenning á því að það skipti
máli hvaða afla þeir fá. Það er
einfaldlega eitt af okkar hlutverk-
um að fylgjast með því hvað kem-
ur í veiðarfærin, þannig að það að
róa er brot og hvort þeir fá einn
þorsk á línuna, tíu eða hundrað,
það skiptir ekki máli,“ sagði hann.
Spurníng um jaf nræðisreglu
Sveinbjörn Jónsson á Sæstjöm-
unni ÍS frá Suðureyri var við veið-
ar með tvo bala í blíðviðri um 12-14
mflur frá Bai’ðanum í gær þar sem
flestir bátamir héldu sig. Um þijú-
leytið, þegar hann var á landleið
sagðist hann hafa fengið samtals
um 100 kfló af steinbít og ekki
orðið annarra tegunda var. Sagðist
hann helst sjá eftir því að hafa
ekki farið í fullan róður.
„Ef þeir [veiðieftirlitsmennirnir]
þurfa að flokka afla til þess að
úrskurða þetta ólöglegt þá eru
þeir bara að viðurkenna þau sjón-
armið að það sé ekki sama hvaða
físk við eram að veiða. Ég get
ekki skilið það öðravísi.
Ef þeir kæra ekki, er það enn
frekari staðfesting á því að þeir
séu búnir að viðurkenna þá laga-
túlkun að við getum róið, en það
er alveg hreinn steinbítur héma á
miðunum. Svo veit maður ekki
hvað verður þegar frá líður, og þá
er það spuming um jafnræðisreglu
milli flotans, því við vitum að það
era kvótalaus sérveiðiskip að
henda þorski út um allt haf, en
við viljum auðvitað helst ekki fara
að Iæra þá ósiði.
Ef þeir hms vegar kæra okkur
þá verður bara að reyna á þetta
fyrir dómstólunum," sagði Svein-
bjöm.