Morgunblaðið - 20.04.1995, Blaðsíða 45

MORGUNBLAÐIÐ
MINNINGAR
FIMMTUDAGUR 20. APRÍL1995 45
SIGRIÐUR
JÓHANNESDÓTTIR
+ Sigríður fæddist
á Hrauni, In-
gjaldssandi, _ Mýra-
hreppi, V. ísaf. 11.
október 1902. Hún
lést 9. apríl sl. Faðir
hennar var Jóhannes
Eugen sjómaður á
Ingjaldssandi og
Flateyri, f. 19.11.
1870, d. 23.8. 1960,
Guðmundsson sjó-
manns á Villingadal
Ebenezerssonar og
Sigríðar Jóhannes-
dóttur. Móðir hennar
var Valgerður Mar-
grét, f. 2.7. 1877, d.
5.11. 1965, Guðbjartsdóttir
bónda og sjómanns á Læk, Dýra-
firði, Björnssonar og Maríu
Magnúsdóttur. Sigríður tók Ijós-
mæðrapróf frá Ljósmæðraskóla
íslands 1929. Hún var Ijósmóðir
í Ingjaldssandsumdæmi frá þvi
ári til 1931 og á Flateyri frá
sama ári til 1941. Sigríður gift-
ist 16.9. 1933 Kristjáni Guðbergi
sparisjóðsstjóra,
Flateyri, f. 5.10.
1898, d. 17.11. 1974,
Brypjólfssyni bónda
á Mosvöllum, Ön-
undarfirði, Davíðs-
sonar og Kristínar
Ólafsdóttur. Börn
Sigríðar og Kristj-
áns eru Valgerður
Kristín f. 1934,
hjúkrunarfræðing-
ur í Reykjavík, og
Eiríkur Jóhannes, f.
1935, tæknifræðing-
ur í Danmörku,
kvæntur Gretu Þór-
dísi Kragesteen.
Sigríður og Kristján fluttust til
Reykjavíkur 1967 og áttu heima
þjá Valgerði dóttur sinni og
Kristjáni syni hennar, meðan
lifðu. Þau hafa lengi átt heima
í Hraunbæ 100.
Sigríður verður jarðsungin
frá Fossvogskirkju á morgun,
21. april, og hefst athöfnin kl.
10.30.
ÞEGAR ég var að komast til vits og
ára vestur í Flateyrarhreppi á fjórða
áratug þessarar aldar þjuggu þar í
litlu húsi í miðju þorpinu hjónin Sig-
ríður Jóhannesdóttir og Kristján
Brynjólfsson með börnum sínum
tveimur, Valgerði og Eiríki. Þau hjón-
in voru vinafólk foreldra minna. Vera
má að það hafi upphaflega verið þess
vegna að við Eiríkur urðum vinir á
bamsaldri; við vorum á líkum aldri.
Kristján Brynjólfsson er látinn fyrir
mörgum árum, en Sigríður Jóhannes-
dóttir andaðist aðfaranótt pálma-
sunnudags, 9. apríl sl. Á morgun
verður útför hennar gerð frá Foss-
vogskirkju.
Kynni Sigríðar af mér hófust fyrr
en ég get munað. Hún var ljósmóðir
i Flateyrarumdæmi og tók á móti
mér við fæðingu. Oft átti hún eftir
að taka á móti mér síðar. Heim hjá
mér var hún kölluð Sigga ljósa, eftir
að ég fór að muna til, og ég held
víðar. Þeirri nafngift fylgdi í huga
mér ævinlega mild birta. Hún var
ljósa okkar 5 systkina, allra nema
tveggja þeirra elstu.
Þegar ég fór að stálpast varð ég
tíður gestur á heimili Sigríðar Jó-
hannesdóttur á Flateyri og entist það
fram undir fullorðinsár, að ég fór
alfarið úr fæðingarhrepp mínum. Lin-
lega þætti mér það orðað að vel hefði
verið tekið á móti mér á því heimili.
Nær lagi væri að mér hefði verið
fagnað af góðvilja og ástúð í hvert
sinn sem ég kom þar inn fyrir dyr.
Húsrými var ekki mikið, en í minn-
ingu minni var þar allt nosturslega
snoturt og hlýlegt. Ekki minnist ég
þess að við strákamir værum nokk-
um tímann með neins konar ærsl á
þessu heimili, en hljóðláta skemmtun
höfðum við að tafli, spili og samræð-
um. í viðræðum um menn og málefni
lagði húsmóðirin öllum eitthvað gott
til. Enginn maður var svo slæmur
að honum væri alls vamað. Og óæski-
leg breytni manna átti sínar skýring-
ar ef að var gáð. Þannig man ég
Sigriði Jóhannesdóttur og svo var hún
enn þegar hún tók síðast á móti mér
á heimili sínu í Hraunbænum í
Reykjavík í haust.
Einstaklingur sem ber sig til að
vera hraustur í hretum mannfélags,
hann kann stundum að leitast við að
greina þætti gerðar sinnar. Það er
þrautin þyngri. Ekki get ég tíundað
fyrir sjálfum mér eða öðrum hvemig
bamskynni mín af Siggu minni ljósu
hafa mótað mig. En í huga mínum
á hún samastað sem er bæði bjartur
og hlýr. Þangað er og verður gott
að leita í hretum.
Börnum Sigríðar, Valgerði og Ei-
ríki, dóttursyninum Kristjáni og
tengdadótturinni Þórdísi votta ég
samúð mfna.
Finnur Torfi Hjörleifsson.
Hraunbær 100 verður ekki samur
án hennar Sigríðar á móti. í um það
bil 25 ár höfum við fjölskylda'n notið
umhyggju hennar svo langt umfram
það sem góðri grannkonu sæmir. Það
eru ófá skiptin sem einhveiju okkar
hefur verið kippt inn í óvænta veislu
hjá Sigríði, pönnukökur og kleinur
og allt það þjóðlega góðgæti sem vill
gjaman verða útundan í ysi og þysi
hversdagsins. Þessi boð vom því
ávallt þáð með þökkum og það var
enginn svikinn af stund með Sigríði
í eldhúsinu.
Sigríður gegndi líka lyklavörslu
fyrir okkur í öll þessi ár og það fylgdu
alltaf verðlaun í hvert skipti sem lykl-
ar gleymdust og við þurftum að leita
ásjár hennar. Eitthvað heitt í lófann
eða jafnvel dýrgripur sem Sigríður
hafði að sjálfsögðu gert sjálf. Hún
var listakona á sviði hannyrða og
allt lék í höndunum á henni hvort sem
það var unnið með nál og tvinna,
gami eða penslum.
Allar stórhátíðir hjá okkur hefjast
með því að skreyta íbúðina með list-
mununum frá Sigríði og á hveijum
jólum hafa nýir hlutir bæst í safnið.
Það er enginn þáttur jólahaldsins
undanskilinn, því handmálaðar svunt-
ur á okkur allar mæðgumar setja
sinn svip á jólahátíðina..Sigríður fór
ekki hátt með handverk sín, oftar en
ekki var dyrabjöllunni hringt og litl-
um pakka laumað í höndina, svolítið
smáræði sem hún hafði verið að
dunda við.
Hlýja Sigríðar var engu lík. Öll nut-
um við góðvildar hennar, elsku og
vináttu, og betri nágranna er ekki
hægt að hugsar sér en þær mæðgur
Sigríði og Valgerði, og dóttursoninn
Kristján. Návist Sigríðar er sterk á
okkar heimili og við munum minnast
hennar í hveijum litlum hlut og hlýja
hennar mun umvefla okkur í hvert
sinn sem lagst er til hvílu í listilega
útsaumuðum sængurverum frá
henni.
Hún Sigríður var mikil blómakona
og margan græðlinginn færði hún
okkur.
Anna, Hugi, Kristín og undirrituð
þakka Sigríði samfylgdina og senda
fjölskyldu hennar samúðarkveðjur.
Sólveig Ólafsdóttir.
GUÐRUN
ÞOR VARÐARDÓTTIR
+ Guðrún Þor-
varðardóttir
fæddist 16. janúar
1908 á Bakka á Kjal-
arnesi. Hún lést á
Landspítalanum 4.
apríl sl. Foreldrar
hennar voru Þor-
varður Guðbrands-
son bóndi á Bakka
og kona hans Mál-
hildur Tomasdóttir.
Systkini Guðrúnar
voru: Guðbjörg,
dáin, Eyjólfur, Þor-
geir, dáinn, Gunnar,
Gróa, Tómas, Guð-
mundur, dáinn, Sig-
urður, Bjarni, Hallfriður, dáin.
Guðrún var ógift og barnlaus.
Guðrún Þorvarðardóttir verður
jarðsungin frá Fossvogskapellu
á morgun, 21. apríl, og hefst
athöfnin kl. 13.30.
HÚN GUNNA frænka í Lyngó hefur
kvatt okkur. Minningamar um hana
renna um hugann. Það var svo gott
að koma til hennar og
fá þessar hlýju móttök-
ur í hvert skipti sem
maður kom, hæglætis-
bros og síðan kaffisopa,
og eitt var víst að það
fylgdi alltaf meðlæti
með.
Þegar ég kynntist
Gunnu eins og hún var
kölluð var hún ráðskona
hjá bræðmm sínum á
Lynghaga 16, en
tengslin við systkinin á
Bakka rofnuðu ekki og
voru margar ferðir
famar þangað í heim-
sókn, því æskustöðv-
amar voru henni kærar.
Gunnar fylgdist vel með frænd-
fólki sínu og naut það þess og ekki
síst smáfólkið, sem kom í heimsókn
á Lynghaga 16, enda alltaf eitthvað
til fyrir það.
Ég vil þakka Gunnu fyrir allt það
sem hún hefur gert fyrir mig og
mitt fólk, nú er leiðir skilur.
Skjöldur Þorgrímsson.
t
Ástkær eiginmaður minn, faðir okkar og bróðir,
BJARNI GUÐMUNDSSON,
Grenimel 26,
lést á Hrafnistu í Reykjavík 7. apríl síðastliðinn.
Útförin hefur farið fram í kyrrþey að ósk hins látna.
Hjartans þakkir til þeirra sem sýndu okkur samúð og hlýju við
andlát hans og útför.
Kristín Guðbjartsdóttir,
Guðsteinn Bjarnason,
Hermann Bjarnason,
og systkini hins iátna.
t
Elskulegur eiginmaður minn,
ÞORLÁKUR SIGURJÓNSSON
fráTindum,
Fellsmúla 19,
Reykjavík,
lést á hjartadeild Landspítalans
17. aprfl.
Gróa Helgadóttir.
Móðir okkar, tengdamóðir, amma og
langamma,
HELGA HÁLFDÁNARDÓTTIR,
Hringbraut 97,
Reykjavik,
sem lést 10. apríl, verður jarðsungin frá
Fossvogskirkju föstudaginn 21. apríl
kl. 16.30.
Þeim, sem vilja minnast hennar, er
bent á Hjartavernd.
Kolbrún Kristjánsdóttir, Reynir Magnússon,
Geirmundur Kristjánsson, Marie Kristjánsson,
Albína Jensen, Torben Jensen,
barnabörn og barnabarnabörn.
t
Ástkær sambýliskona mín, móðir okkar,
tengdamóðir, amma og langamma,
ESTHERTH. JÓNSDÓTTIR,
Birkimel 6b,
sem lést í Borgarspítalanum föstudag-
inn 7. apríl sl., verður jarðsungin frá
Fossvogskirkju föstudaginn 21. apríl
kl. 15.00.
Þeim, sem vildu minnst hennar, er bent
á Hjartavernd.
Bergur Ingimundarson,
Sigurjón Hafnfjörð Siggeirsson,
Rúnar Eiríkur Siggeirsson, Valgerður Sigurðardóttir,
Olga Soffía Siggeirsdóttir, Hafsteinn Sigurðarson,
Sævar Siggeirsson, Sigríður Arnþórsdóttir,
barnabörn og barnabarnabörn.
t
Ástkær móðir okkar, tengdamóðir og amma,
VILBORG GUÐLEIFSDÓTTIR,
Faxabraut 6,
Keflavfk,
verður jarðsungin frá Keflavíkurkirkju föstudaginn 21. apríl
kl. 14.00.
Jóhann Dagur Egilsson, Guðrún Guðmundsdóttir,
Ólöf Hildur Egilsdóttir, Pétur T. Jónsson
og barnabörn.
t
Elskulegur faðir okkar, tengdafaðir, afi
og langafi,
SIGURÐUR GUÐMUNDUR
GUÐBJARTSSON,
Völusteinsstræti 28,
Bolungarvik,
verður jarðsunginn frá Hólskirkju í
Bolungarvík laugardaginn 22. apríl
kl. 14.00.
Kristín Sigurðardóttir, Sverrir Sigurðsson,
Pétur Runólfsson, Þórdfs Sigurðardóttir,
barnabörn og barnabarnabörn.
t
Ástkær móðir okkar, tengdamóðir,
amma og langamma,
EVA ÁSMUNDSSON,
Langholtsvegi 148,
Reykjavík,
verður jarðsungin frá Langholtskirkju á
morgun, föstudaginn 21. aprH kl. 15.00.
Þeir, sem vildu minnast hennar, láti
Orgelsjóð Langholtskirkju njóta þess.
Ásmundur Þorláksson, Svana Guðbrandsdóttir,
Eliane Þorláksdóttir, Yngvi Jóhannsson,
barnabörn og barnabarnabörn.
t
Ástkær sonur okkar, bróðir og unnusti,
GUÐMUNDUR ÁGÚST LEÓSSON,
sem lést 8. apríl síðastliðinn, verður
jarðsunginn frá Bústaðakirkju föstudag-
inn 21. apríl kl. 13.30.
Gyða Guðmundsdóttir, Leó Ágústsson,
Arnar Leósson,
Ragnar Leósson,
Ingibjörg Björgvinsdóttir.