Morgunblaðið - 05.08.1995, Qupperneq 26

26 LAUGARDAGUR 5. ÁGÚST 1995
MORGUNBLAÐIÐ
Ný íslensk gamanmynd Þráins Bertelssonar, Einkalíf, verður
frumsýnd þann 9. ágúst næstkomandi. Myndin segir frá ís-
lenskri gölskyldu sem ekki er eins venjuleg og í fyrstu má
ætla. Arna Schram bað nokkra leikara um að lýsa hlutverkum
sínum í myndinni.
Á MYNDINNI má sjá helstu persónur stórfjölskyldunnar. Talið frá vinstri, efstu röð: Steinunn (Ragn-
heiður Elfa Arnardóttir), Sigurður yngri (Þórhallur Sigurðsson), Sunneva (Helga Braga Jónsdóttir),
Tómas (Sigurður Sigurjónsson), Skúli (Steinn Ármann Magnússon), Viktor (Hreinn Hafliðason) ,
Bóbó (Karl Ágúst Ulfsson), Laufey (Saga Jónsdóttir), Hólmlaug (Kristbjörg Kjeld), Sesselja (Guð-
munda Elíasdóttir), Sigurður eldri (Jón Sigurbjörnsson), Sísí (Sigrún Edda Björnsdóttir), Margrét
(Dóra Takefusa), Alexander (Gottskálk Dagur Sigurðarson) og vinur hans Nói (Ólafur Egilsson).

AÐALPERSÓNA myndarinnar er Alexander, tvítug-
ur piltur, sem haldinn er kvikmyndadellu. Hann
ákveður í félagi við kærustu sína, Margréti, og besta
vin, Nóa, að gera heimildarmynd með myndbands-
tökuvél um býsna fjölbreytt fjölskyldulíf sitt. Við það
komast þau að því að hið ofur venjulega hversdags-
líf er undir niðri hlaðið dramatískri spennu, ástum
og afbrýði.
Unga þrenningin er leikin af Gottskálk Degi Sig-
urðarsyni, Dóru Takefusa og Ólafí Egilssyni. Auk
þeirra kemur fram í myndinni fjöldi þekktustu leik-
ara íslendinga. Handritshöfundur og leikstjóri er
Þráinn Bertelsson og er þetta sjöunda bíómynd hans.
Tónlistin er samin af Margréti Ömólfsdóttur, fyrrum
Sykurmola, og er m.a flutt af hljómsveitinni Unun.
Lögin eru væntanleg á geisladiski hjá Smekkleysu hf.
ALEXANDER á í vandræðum í ástalífinu.
Mikinn áhuga á
kvikmyndagerð
AÐALPERSÓNA myndarinnar
heitir Alexander og er tvítugur
nemi í Menntaskólanum við
Sund. Gottskálk Dagur Sigurð-
arson fer með hlutverk hans.
„Þetta er ósköp hversdags-
legur ungur maður sem hefur
áhuga á að gera kvikmynd um
fjölskyldulíf sitt,“ segir Gott-
skálk Dagur um persónuna
Alexander. „Hann á þó í vand-
ræðum í ástalífinu, því hann
veit aldrei hvar hann hefur
kærustu sína, Margréti. Það er
sennilega þetta venjulega stress
sem fólk verður fyrir þegar það
er ástfangið. Það verður af-
brýðisamt án þess að vita af
hverju," segir Gottskálk Dagur.
MARGRÉT er mun þroskaðri en vinir hennar.
Þroskuð og ákveðin
DÓRA Takefusa fer með hlut-
verk Margrétar, sem er tvítug
menntaskólamær og kærasta
Alexanders. Margrét er af ótil-
teknum asískum uppruna og var
ættleidd af Hafdísi og Pétri þeg-
ar þau bjuggu í Bandaríkjunum.
„Ég upplifi Margréti sem
mjög ákveðna stúlku. Hún er
ekki frek, heldur hógvær í
ákveðninni," segir Dóra um
hlutverk sitt. „Hún er mun
þroskaðri en þeir félagar Alex-
ander og Nói og það er kannski
þess vegna sem hún dregur sig
í hlé þegar drengirnir eru að
planleggja og láta sig dreyma.
Hún þekkir þá og leyf ir þeim
að leika sér. Þegar hún finnur
hins vegar að hennar tími er
kominn lætur hún í sér heyra,“
segir Dóra.
NÓI á ekki upp á pallborðið hjá eldri kynslóðinni.
Slugsar í skóla
ÓLAFUR Egilsson fer með hlut-
verk Nóa, besta vinar Alexand-
ers. Nói er tvítugur mennta-
skólanemi, en á eftir að ná prófi
í mun fleiri einingum en for-
eldra hans grunar.
„Hann er sennilega flestum
unglingum að góðu kunnur,“
segir Olafur um persónuna
Nóa. „Hann slugsar dálítið í
skóla, en tekur virkan þátt í
félagslífi. Hann er skemmtileg-
ur strákur en á ekki alveg upp
á pallborðið hjá eldri kynslóð-
um þjóðfélagsins. Þar á meðal
foreldrum sínum og öðrum ætt-
mennum. Hann er sáttur við
sjálfan sig og að því leyti full-
komlega heilbrigður einstakl-
ingur,“ segir Ólafur.