Morgunblaðið - 17.10.1995, Blaðsíða 11

MORGUNBLAÐIÐ
ÞRIÐJUDAGUR 17. OKTÓBER 1995 11
LANDSFUNDUR ALÞÝÐU B AN D ALAGSINS
Margrét Frímannsdóttir formaður Alþýðubandalagsins
Samvinna vinstra
fólks er forgangsmál
Flokksstjórn falið að hefja viðræður um samfylkingu félagshyggjuafla
Morgunblaðið/Árni Sæberg
JÓHANN Geirdal, nýkjörinn varaformaður, og Margrét Frímannsdóttir, formaður Alþýðubandalags-
ins, fylgjast með landsfundarstörfum.
„LANDSFUNDURINN beinir þeim
tilmælum til þingflokksins að hann
beiti sér fyrir náinni samvinnu þing-
flokka stjómarandstöðuflokkanna
fjögurra og sýni þar með þjóðinni
í verki vilja til að mynda raunhæfan
valkost gegn íhaldsöflunum. Lands-
fundurinn felur jafnframt nýkjörn-
um formanni og stjórn flokksins að
hefja viðræður við forystumenn
annarra stjórnarandstöðuflokka í
því skyni að undirbúa sameiginlega
og opna umfjöllun um samfylkingu
félagshyggjuafla í stjórnmálum á
íslandi," segir í stjómmálaályktun
landsfundar Alþýðubandalagsins.
Við lokaatkvæðagreiðslu um
stjórnmálaályktunina voru felld út
úr setningunni um að stjórn flokks-
ins heiji viðræður við forystumenn
annarra flokka orðin þegar í stað.
Var það gert að tillögu Svavars
Gestssonar og Steingrímur J. Sig-
fússon gagnrýndi einnig þennan
kafla ályktunarinnar og var mót-
fallinn því að landsfundurinn setti
forystu flokksins skilyrði í komandi
viðræðum um vinstri samvinnu.
Ólafur Ragnar Grímsson, sem
stýrði vinnu við frágang ályktunar-
innar, taldi að hún endurspeglaði
ágætlega skoðanasviðið á lands-
fundinum.
Margrét vill vanda betur
undirbúning landsfunda
Margrét Frímannsdóttir, formað-
ur Alþýðubandalagsins, sagði í
lokaræðu sinni á landsfundinum að
framvegis þyrfti að vanda betur
undirbúning kosninga á landsfund-
um flokksins vegna þeirra vand-
ræða sem upp hefðu komið.
Þá sagði hún ætlun sína að gera
forystu flokksins mun virkari en
verið hefði.
„Við skulum hvetja vinstra fólk
allt, og samtök launafólks, baráttu-
fólk í landinu, til að taka höndum
saman því við þurfum að ná ár-
angri. Við viljum meiri jöfnuð og
réttlæti. Við þurfum að sameinast
í verki, vegna þess að oft var þörf
en nú er nauðsyn. Samvinna er
ekki bara skipulagsmál, þó auðvitað
væri gaman að við værum öll í stór-
um og sterkum flokki jafnaðar- og
vinstri manna. Samvinna er átaks-
verkefni og forgangsmál vegna
þess veruleika sem við erum að
fást við,“ sagði Margrét.
Skeyti barst inn á. landsfundinn
á sunnudag frá Jóhönnu Sigurðar-
dóttur og stjórn Þjóðvaka þar sem
ítrekuð er nauðsyn þess að félags-
hyggjufólk og jafnaðarmenn taki
höndum saman og vinni á skipuleg-
an hátt að myndun stjórnmála-
hreyfíngar á landsvísu.
Herinn brott og úrsögn
úrNATO
í stjórnmálaályktun sem lands-
fundurinn afgreiddi er vísað til
stefnu flokksins í ýmsum mála-
flokkum, stefnu sem nefnd hefur
verið útflutningsleiðin, og ríkis-
stjórn Sjálfstæðisflokks og Fram-
sóknarflokks er gagnrýnd harðlega.
Talsverðar umræður urðu í starfs-
hópi um utanríkismál á landsfund-
inum en í stjórnmálaályktun segir
að framtíðarsýn Alþýðubandalags-
ins til utanríkis- og friðarmála mót-
ist af þeirri grundvallarafstöðu að
friður, öryggi og sjálfstæði íslensku
þjóðarinnar verði best tryggt með
því að Bandaríkjaher hverfi á brott,
engar erlendar herstöðvar verði
leyfðar í landinu og íslendingar
segi sig úr NATO.
„Landsfundurinn telur mikilvægt
að innan flokksins fari fram á næst-
unni umræða um þær breytingar,
viðræður og tillögur sem fram hafa
komið í alþjóðastofnunum, svo sem
Atlantshafssamvinnuráðinu, Fé-
lagsskap í þágu friðar og á öðrum
vettvangi," segir m.a. í utanríkis-
málakafla ályktunarinnar.
Hvergi er vikið að Evrópusam-
bandinu í ályktunum þingsins en í
stjórnmálaálykrun segir að sérstaða
smáþjóða á hinum opna heimsmark-
aði verði í framtíðinni æ verðmæt-
ari eiginleiki. Sjálfsstjórn, sérstaða
ólíkra samfélaga, lýðræðiskrafa
nýrra félagseininga og rekstrar-
hæfni smárra þjóðríkja verði úr-
slitaatriði á komandi öld.
Gjörbreyta
núverandi
stjórnkerfi
fiskveiða
„LANDSFUNDUR Alþýðubanda-
lagsins telur að gjörbreyta þurfi
núverandi fyrirkomulagi á stjórn
fiskveiða. Framkvæmd núverandi
kvótakerfis hefur leitt af sér að eign-
arhald fárra einstaklinga er að
myndast á þessari sameiginlegu auð-
lind þjóðarinnar og umgengnin um
auðlindina er í engu samræmi við
hugmyndir okkar um umhverfismál
og sjálfbæra þróun,“ segir í ályktun
landsfundarins um sjávarútvegsmál.
Litlar umræður urðu um sjávar-
útvegsmál á landsfundinum en til-
laga stjórnmálanefndar að ályktun
fundarins var samþykkt óbreytt. Þar
segir ennfremur:
„Þessi eignarhaldsmyndun og
þróun innan greinarinnar er andstæð
grundvallarhugmyndum Alþýðu-
bandalagsins um að þjóðin öll eigi
að njóta afraksturs af auðlindum
sínum og að sameiginlegt eignarhald
sé ótvírætt. Landsfundurinn ítrekar
fyrri samþykktir Alþýðubandaiags-
ins í þessu efni og felur fram-
kvæmdastjórn að koma af stað um-
ræðu í öllum flokksfélögum um
mótun heildstæðrar róttækrar sjáv-
arútvegsstefnu. Afrakstur þessarar
vinnu verði tilbúinn til umræðu á
sérstakri opinni ráðstefnu um sjáv-
arútvegsmál, á vegum miðstjórnar,
sem haldin verður ekki síðar en að
sex til átta mánuðum Iiðnum.“
------ ♦ ♦ ♦---
Nýr varaformaður
Alþýðubandalags
Bæjarfulltrúi
og formaður
verkalýðs-
félags
JÓHANN Geirdal Gíslason, nýkjör-
inn varaformaður Alþýðubandalags-
ins, er bæjarfulltrúi Alþýðubanda-
lagsins í bæjarstjórn Reykjanesbæj-
ar. Jóhann var einnig bæjarfulltrúi
flokksins í Keflavík á árunum 1982-
1986. Hann hefur jafnframt gegnt
formennsku í Verslunarmannafélagi
Suðurnesja undanfarin fjögur ár.
Jóhann er 42 ára gamall, kvæntur
Huldu Bjarnadóttur og eiga þau þrjú
börn. Jóhann er kennari að mennt
og er með BA-próf í uppeldis- og
félagsfræðum. Hann hefur starfað
innan Alþýðubandalagsins frá unga
aldri. kveðst hafa setið flesta lands-
fundi flokksins frá árinu 1971 og
hefur átt sæti í miðstjórn.
Reynt að halda valdajafnvægi í kosningum til æðstu embætta Alþýðubandalagsins
Samkomulag um Jóhann
Geirdal sem varaformann
KOSNINGAR til æðstu embætta og
stofnana Alþýðubandalagsins settu
mestan svip sinn á landsfundarstörf
flokksins um helgina. Þegar úrslit i
kjöri formanns lágu fyrir á föstudags-
kvöld var hafíst handa um við undir-
búning að kjöri varaformanns, ritara
og gjaldkera sem átti að fara fram
á laugardag. Steingrímur J. Sigfús-
son fiafnaði ósk kjörnefndar um að
gefa aftur kost á sér til varafor-
mennsku.
Áhersla var lögð á að varaformað-
ur kæmi úr stuðningsmannahópi
Steingríms fyrir formannskosning-
arnar, til að tryggja valdajafnvægi
í flokksstjórninni. M.a. var rætt um
Árna Þ. Sigurðsson, stuðningsmann
Steingríms, en ekki náðist sam-
komulag um hann. Var loks leitað
til Jóhanns Geirdal, bæjarfulltrúa í
Reykjanesbæ og formanns Verslun-
armannafélags Suðurnesja, sem
færðist í fyrstu undan. Jóhann seg-
ist hafa verið stuðningsmaður Stein-
gríms í formannskosningunum.
Þurfti að fresta kosningu flokks-
stjórnarmanna og framkvæmda-
stjórnar til sunnudags meðan leitað
var samkomulags. Jóhann féllst að
lokum á að gefa kost á sér til vara-
formanns og mælti kjörnefndin þá
með kjöri hans.
Stefndi í kosningaslag um
ritaraembætti
Á tímabili leit út fyrir að kjósa
þyrfti á milli Sigfúsar Ólafssonar frá
Akureyri, stuðningsmanns Stein-
gríms, og Flosa Eiríkssonar úr Kópa-
vogi, stuðningsmanns Margrétar, í
ritarastöðu flokksins. Koma þeir
báðir úr hópi ungra alþýðubanda-
lagsmanna. Á lista uppstillingar-
nefndar fyrir kjör framkvæmda-
stjórnar var stungið upp á að Flosi
yrði varamaður í stjórninni. Skv.
upplýsingum blaðsins tók Margrét
af skarið þegar ljóst var að stefndi
í átakakosningu og lagði til að Sigf-
ús yrði kjörinn ritari og að Flosi
tæki sæti aðalmanns á lista uppstill-
ingarnefndar í framkvæmdastjórn.
Skipti þar á sæti við Elínu Björgu
Jónsdóttur frá Þorlákshöfn, sem
færðist í sæti varamanns á listanum.
Dró Flosi þá framboð sitt til ritara
til baka og náði hann kjöri í fram-
kvæmdastjórn flokksins.
Niðurstaðan varð síðan sú að
Birna G. Bjarnadóttir úr Kópavogi
var kjörin gjaldkeri en hún var
stuðningsmaður Margrétar í for-
mannskjörinu og Sigfús Ólafsson var
kjörinn ritari flokksins.
Landsfundurinn kaus níu manna
framkvæmdastjórn og voru miklar
þreifingar í gangi til að gætt yrði
jafnvægis milli fylkinga í því kjöri.
Uppstillingarnefnd lagði fram tillögu
fyrir fundinn en fleiri tillögur komu
fram og varð því að ganga til kosn-
inga. Niðurstaðan varð hins vegar í
samræmi við tillögu kjörnefndar. Jó-
hann Ársælsson, Vesturlandi, hlaut
flest atkvæði til framkvæmdastjóm-
ar, Sigríður Stefánsdóttir, Akureyri,
næstflest atkvæði, því næst komu
Heiðrún Sverrisdóttir, Kópavogi,
Árni Þ. Sigurðsson, Reykjavík, Sigur-
björg Gísladóttir, Reykjavík, Arthur
Morthens, Reykjavík, Hilmar Ingólfs-
son, Garðabæ, Valþór Hlöðversson
Kópavogi og Flosi Eiríksson Kópa-
vogi.
Síðdegis á sunnudag voru kosnir
32 fulltrúar í miðstjórn. Kjörnefnd
lagði fram tillögu með 32 nöfnum
en fjölmargar aðrar tillögur bárust
úr sal. Niðurstaða kosninganna varð
sú að átta manns af lista kjörnefnd-
ar náðu ekki kjöri sem aðalmenn.
Ragnar Óskarsson, Suðurlandi, fékk
flest atkvæði í miðstjórnarkjörinu,
Sigríður Stefánsdóttir varð önnur,
Ari Skúlason, Reykjavik, þriðji og
Lúðvík Geirsson, Reykjanesi, fjórði.
Telur að forystan verði
samhent
Jóhann Geirdal sagði í samtali við
Morgunblaðið að ná hefði þurft sam-
komulagi um frambjóðanda sem nyti
stuðnings allra hópa og þess vegna
hefði dregist sem raun varð á að ljúka
kosningum. Hann sagði að þess hefði
verið gætt að flokksstjómin kæmi
ekki öll úr stuðningsmannahópi ann-
ars formannsframbjóðandans. Hann
kvaðst telja að þrátt fyrir átök við
kosningamar myndu niðurstöðurnar
ekki skilja' sárindi eftir sig og ný
forysta yrði án efa mjög samhent.